Yii a 'Aaɩša nengẽ, (Wẽnd yard be a yĩnga) a yeelame: Nɑbiyɑɑmã (Wẽnd pʋʋsg la A tɩlgr be a yĩnga) ra yɩɩme n tẽegd Wẽnd yʋʋrã yelle, a wakat-rãmbã fãa pʋgẽ.

Yii ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- ɑ yeelɑme: Nabiyaamã -Wẽnd pʋʋsg la A tɩlgr be a yĩnga- yeelame-: "Bũmb ka be n tar waoor Wẽnd nengẽ, A Naam yɩ wagell n zẽke, n leb n yɩɩd kosg ye".

Yii a Anas nengẽ, (Wẽnd yard be a yĩnga) a yeelame: Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu», tɩ mam yeele: Wẽnd Tẽn-tʋʋmã, tõnd kõo sɩd ne foom la fo sẽn wa ne bũmb ningã, la rẽ yĩnga fo yεεsdame tɩ tõnd na menem bɩɩ? La a yeel yã: «n-yee, ad sũyã bee nus-biya a yiib sʋka, sẽn yaa Wẽnd nus-biyã, t'A lεεbd-b A sẽn tʋll to-to».

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) rag n yɩɩme n yetẽ: «M Soab a Wẽnde maneg m dĩinã n kõ-ma, sẽn yaa mam yellã gũudmã, la F maneg m dũni wã n kõ-ma sẽn yaa mam vɩɩmã sẽn be a pʋgẽ wã, la F maneg m laahrã n kõ-ma, sẽn yaa mam lebεngã sẽn togdẽ wã, la F maan vɩɩmã tɩ yaa paasg ne-ma sõma fãa pʋgẽ, la F maan kũumã tɩ yaa vʋʋsg ne maam n yi wẽng buudã fãa».

Yii a ɭbn ʿƲmar nengẽ, (Wẽnd yard be b yiibã yĩnga) a yeelame: Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãensã, a sẽn wat n ta zaabre, la a sẽn wat n yik yibeoogo:«Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ, Allɑhummɑ ɩnnii ɑs'ɑlukɑ Al'ɑfwɑ wɑl- Aɑfɩyɑtɑ fɩɩ diinii wɑ Dunyɑɑyɑ wɑ Ahlɩɩ wɑ Mɑɑlɩɩ, Allɑhummɑ ʋstʋr Awrɑtɩɩ wɑ ɑɑmin Rɑw'ɑɑtɩɩ, Allɑhummɑ ɩhfɑẓnii min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ, wɑ ɑʿʋʋḏʋ bɩ Aẓmɑtɩkɑ an ʋgtɑɑlɑ min tɑhtɩɩ. (M Soɑb ɑ Wẽnde mɑm kot-F-lɑ Lɑɑfɩ Dũni lɑ Lɑɑhre, M Soɑb ɑ Wẽnde m kot-F-lɑ Yɑɑfɑ lɑ Lɑɑfɩ m Dĩinɑ pʋgẽ lɑ m Dũni wã lɑ m zɑkã rãmbɑ lɑ m ɑrzεkɑ, m Soɑb ɑ Wẽnde lill m yãnã lɑ F gãneg m pεlgã, m Soɑb ɑ Wẽnde gũ-mɑ m neng tɑoore lɑ m poor wεεngẽ lɑ m rɩtg wεεngẽ lɑ m goɑbg wεεngẽ lɑ m yĩngr wεεngẽ, lɑ m kotɑ gũudum ne Fo Zɩslemã tɩ b rɑ wɑ zãmb n kʋ-mɑ m tẽngrã wεεngẽ ye».

Yii a ʿAaɩša sẽn yaa muumim-rãmbã ma wã nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a wilg-a-la do-kãngã: «M Soab A Wẽnde, m kot-F-la sõmã wã gilli, dũni kaanẽ la laahre, m sẽn bãng la m sẽn ka bãnge, la m kot-F-la gũudum n yi wẽngã gilli, a dũni la laahre, mam sẽn bãng la m sẽn ka bãnge, m Soab A Wẽnde, m kot-F-la sõma Fo Yambã la F Nabiyaamã sẽn kose, la m kot-F gũudum Fo Yambã la F Nabiyaamã sẽn kos gũudum n yi-a, m Soab A Wẽnde, m kot-F-la arzãnã la bũmb ning sẽn na n pẽneg arzãnã sẽn yaa gomde, maa tʋʋmde, la m kot-F gũudum n yi Bugmã la bũmb ning sẽn pẽnegd maam ne Bugmã, sẽn yaa gomde, maa tʋʋmde, la m kot-F tɩ bʋʋd fãa F sẽn bʋ mam zug bɩ yɩ sõma ne-ma».

Yii a Abdʋllaah ɭbn Amr ɭbn Al-ass nengẽ, -Wẽnd yard be b yiibã yĩnga-, a yeelame : Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «Ad sɩd-kũunã kʋdgda yãmb yembr fãa nengẽ, wala fuug sẽn kʋdgd to-to ningã, bɩ y kos Wẽnd t’A palms sɩd-kũunã y sũy wã».

Yii a Al-ʿAbbaas ɭbn Al-Muṭṭalib nengẽ (Wẽnd yard be a yĩnga) t'a Wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: «Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom»

Yii a Mu’ʿaaz ɭbn Gεbal nengẽ, (Wẽnd yard be a yĩnga): Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gãd-a-la ne a nugã, la a yeele: «Mu’ʿaaz, ne Wẽnde, ɑd mam nonga foom». La a yeele: «m sagend-f lame, Mu’ʿaaz ra bas Pʋʋsg poorẽ fãa n yetẽ: Allahumma A'ʿinny ʿalaa zɩkrɩka wa šʋkrɩka wa hʋsni ʿɩbaadatɩka= m Soabã, sõng maam tɩ m tẽeg-Fo la m pʋʋs Foom barka, la m tũ Foom sõma».

Yii a Abɩɩ Hʋrayrat nengẽ -Wẽnd yard be a yĩnga- tɩ ad Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Yamb sẽn tʋg n yɩɩd pẽnem ne a Soabã, yaa a sẽn wat n be suguudẽ wã, sã n yaa woto bɩ y wʋsg kosgã".

Yii a Anas nengẽ, (Wẽnd yard be a yĩnga), a yeelame: Nabiyaamã (Wẽnd pʋʋsg lɑ A tɩlgr be ɑ yĩngɑ) a doaag sẽn da yɩɩd rag n yaa! "Allahumma rabbanaa aatɩnaa fɩddʋnyaa hasanatan wa fɩl Aahiratɩ hasanatan wakɩnaa ʿazaabannaar, = d Soɑbɑ Wẽnde! Kõ-d Dũni pʋgẽ sẽn be neere lɑ Yɑolem-rɑɑrã sẽn be neere, lɑ F gũ tõnd ne Bugmã nɑmesgo".

Yii a Abɩɩ Ad-dardaa' nengẽ (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩnga) yeelame: «Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba, la sõmlem sẽn leb n yɩɩd y sẽn na n yãk sãnem la wanzur n nafe, t'a sõmblem leb n yɩɩd yãmb sẽn na n yek y bεεbã n ke b yubli wã tɩ b ke y yubli wã? Tɩ b yeele: N-yee, t'a yeele: «yaa Wẽnd yʋʋrã tẽegre, (A Naam zẽk yã)».