Nabiyaamã (Wẽnd pʋʋsg lɑ A tɩlgr be ɑ yĩngɑ) ra yɩɩme n wʋsgd kosgã la doosã sẽn gũbgã maanego, sẽn be b pʋgẽ: "Allahumma rabbanaa aatɩnaa fɩddʋnyaa hasanatan wa fɩl Aaẖiratɩ hasanatan wakɩnaa ʿazaabannaar, = d Soɑbɑ Wẽnde! Kõ-d Dũni pʋgẽ sẽn be neere lɑ Yɑolem-rɑɑrã sẽn be neere, lɑ F gũ tõnd ne Bugmã nɑmesgo". Bala a yaa doaag sẽn gũbgi dũni yel-sõmde, sẽn yaa rɩtla sẽn be neere, n yalme, n yaa halaale, la pʋg-sõngo, la biig sẽn maagd nifri, la vʋʋsgo, la bãngr sẽn nafde, la tʋʋm sõngo, la sẽn wõnd rẽnda, sẽn yaa yεl nins b sẽn bʋ nonglem, tɩ sãri wã kõ sore, la yaoolem raarã yel-sõmdã yaa fo sẽn na n tɩlg n yi namsgã yaoogã pʋgẽ la Yalsgã zĩigẽ, la Bugmã, la paam Wẽnd yardo, la f paam põsg ne neemã zakã sẽn duumdã, la f pẽneg Wẽnde, sẽn yaa Yolsda.