/ Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba

Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba

Yii a Abɩɩ Ad-dardaa' nengẽ (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩnga) yeelame: «Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba, la sõmlem sẽn leb n yɩɩd y sẽn na n yãk sãnem la wanzur n nafe, t'a sõmblem leb n yɩɩd yãmb sẽn na n yek y bεεbã n ke b yubli wã tɩ b ke y yubli wã? Tɩ b yeele: N-yee, t'a yeele: «yaa Wẽnd yʋʋrã tẽegre, (A Naam zẽk yã)».
A At-tirmiiziy la a ɭbn Maaǧa la a Ahmad n togs-a

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) soka a Ṣahaabsã: Rẽ yĩnga yãmb ratame tɩ m togs-ya la m wilg-ya, y tʋʋmã sẽn yɩɩd sõmblem la a yɩɩd zɩslem la tobre, la a yɩɩd yɩlgre, Wẽnd nengẽ sẽn yaa Soaalã, (A Naam yɩ wagell n zẽke)? Rẽ yĩnga yãmb ratame tɩ m togs-ya la m wilg-ya, y tʋʋmã sẽn yɩɩd sõmblem la a yɩɩd zɩslem la tobre, la a yɩɩd yɩlgre, Wẽnd nengẽ sẽn yaa Soaala, (A Naam yɩ wagell n zẽke)? La a leb n yɩɩd zẽkre ne yãmd dargε-rãmb arzãnã pʋgẽ? La a leb n yɩɩd zẽkre ne yãmd dargε-rãmb arzãnã pʋgẽ? La a sõmblem leb n yɩɩd ne yãmb sẽn na n maan sãra ne sãnem la wanzuri? N leb n yaa sõma ne yãmb n yɩɩd yãmb sẽn na n yek kɩfr-rãmbã, n na n zab ne-ba, tɩ yãmb ke b yubli wã tɩ b ke yãmb yubli wã? Tɩ Ṣahaabsã yeele: n-yee, d rata rẽnda. Nabiyaamã (Wẽnd pʋʋsg lɑ A tɩlgr be ɑ yĩngɑ) yaa Wẽnd yʋʋr tẽegre, wakat-rãmbã fãa la halhaal-rãmba la yalε-rãmbã fãa pʋgẽ.

Hadeeth benefits

  1. Yaa tɩ duum ne Wẽnd yʋʋrã tẽegrã, sẽn solg la sẽn vẽnege, a bee bao pẽnegrã ne Wẽnd sẽn yaa zɩsdã sẽn tʋg n yɩɩda, n leb n yɩɩd nafa Wẽnd nengẽ (A Naam zẽk yã).
  2. Tʋʋmã fãa gilli, b maan-b lame sẽn na yɩl tɩ Wẽnd yʋʋrã tẽegr paam yalsg zĩiga, Wẽnd yeelame, (A Naam zẽk yã) {La f yãnes Pʋʋsgã n tẽeg Mɑm yʋʋrã}. La Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: b maana Roogã gilgrã la Safaa la Marwaa sʋka, la kugã lobre, sẽn na yɩl n tilig Wẽnd yʋʋrã. (A Naam zẽk yã), A Abʋʋ Dawʋʋd la a At-tɩrmiiziy n togs-a.
  3. A Al-ʿɭz ɭbn ʿAbdʋs-salaam yeelame a zeng-raadã pʋgẽ: Hadiis-kãngã wilgdame tɩ yel-sõmdã a ka tũud ne yaamsã alkadr tũud-rãmbã fãa pʋgẽ ye, ka woto ye, Wẽnd tõeeme n rol tʋʋm kɩdga n yɩɩd A sẽn rond tʋʋm bedre, rẽnd yel-sõmdã a tũudame ne yɩɩd taab sẽn na n be beenẽ zɩslem wεεngẽ.
  4. A Al-minaawiy yeelame Faydʋ Alkadirã pʋgẽ: Hadiis-kãngã rɩkdame tɩ Wẽnd yʋʋrã tẽegre, yẽnda sõmblem n da yɩɩd ne yẽ sẽn gomd ne neb ninsã, b sã n gom hadiis-kãngã ne bi-bεεg sẽn yaa pãng soaba, tɩ lɩslaambã paam nafã ne-a zab-laasẽ wã, b rag n na yeel tɩ yaa Gɩhaadɩ, maa sã n yaa rakãagr ninga talsã sẽn nafd ne a soab ligdã, b rag n na n yeelame tɩ yaa sãra maanego, la sã n yaa sẽn tõe a hagiimdã b yetame tɩ yaa hagiimdã, la sã n yaa ned sẽn tar a roagdb a yiibã, b yet-a lame, yaa b yiibã manegrã. La woto la d tõe n paama gãnegr zĩiga kibayã ne taab sʋka.
  5. Wẽnd yʋʋrã tẽegr sẽn tʋg n yɩɩd fãa, yaa zelemdã sẽn na n yeel-a n lagem ne sũurã tagsã, rẽ poorẽ yaa sẽn na n be sũurẽ bala, wala tagsgo, rẽ poorẽ yaa sẽn yɩ ne zelemdã bala, la halhaal fãa pʋgẽ yaa keoor n be beenẽ, (Wẽnd sakr pʋgẽ, A Naam zẽk yã).
  6. Lɩslaam sẽn na n tablg ne doos nins sẽn tar tõkr ne halhaal-rãmbã, wala yibeoog la zaabr yõkrã, la miisr pʋgẽ kõom, la zaka la we-kεεng maanego, la yi beenẽ,... la zẽng sẽn ka rẽnda, kɩtɩdame t'a be neb nins sẽn tẽedg Wẽnd yʋʋrã wʋsgã.