Yii a Sa'ʿad ɭbn Hišaam ɭbn ʿAamir nengẽ, -a sẽn wa n kẽ a 'Aaɩša nengẽ, (Wẽnd yard be a yĩnga): Muumin-rãmbã ma wã, kõ maam kibar ne Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) zʋgdã: t'a yeele: fo ka karem Alkʋrãan laa? Tɩ mam yeele: n-yee, t'a yeele: Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana.

Yii a ʿAaɩša sẽn yaa muunim-rãmbã ma wã nengẽ, (Wẽnd yard be a yĩnga), a yeelame: Nabiyaamã (Wẽnd pʋʋsg la A tɩlgr be a yĩnga) ra yɩɩme tɩ sɩng ne rɩtgã n noom-a, a neoodr widbẽ la a zug sãasgẽ, la a yɩlgrẽ, la a yεlã fãa pʋgẽ.

Yii a Sadaad ɭbn Aws nengẽ -Wẽnd yard be a yĩnga- a yeelame: Wẽnd Tẽn-tʋʋma -Wẽnd pʋʋsg la A tɩlgr be a yĩnga- yeelame-: «Ad Wẽnd maaname tɩ yaa tɩlae tɩ b maneg n tʋg bũmb fãa gilli، rẽnd yãmb sã n na n kʋ, bɩ y maneg y kʋʋbã, y sã n na n kodge, bɩ y maneg y kodgrã, la ned fãa saas a sʋʋga la ɑ pems a rũn-koaatga».

Yii a Abdʋllaah ɭbn Amr nengẽ -Wẽnd yard be b yiibã yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩng- yeelame-: "Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaaan Naabã rɩtg wεεngẽ, la A Nus a yiibã fãa rag n yaa rɩtgo, neb nins sẽn tẽegd tɩrga b bʋʋd wεεngẽ la b zags rãmbã la b taoor ningã b sẽn lʋɩɩs-ba".

Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga) tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yeelame: «Nɑmsg kɑ be, nams taab me ka be. La ned ning sẽn wa n bao n na n namse, Wẽnd namsd-a lame, la ned ning sẽn wa n bao n na n kenge, Wẽnd kengd-a lame».

Yii a Abʋʋ Muusa nengẽ (Wẽnd yard be a yĩnga), tɩ yii Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) a yeelame: «Ad zĩnd-n-ta-sõng la zĩnd-n-ta-wẽng bilgri, a yaa wala yũ-noog soaba la bug-zugda, sã n yaa sẽn zãada parfẽ wã (yũ-noogã): maa t'a kõ foom, maa tɩ f ra a nengẽ, maa tɩ f paam yũ-noog a nengẽ. La bug-zugdã maa t'a yõog f futã, maa tɩ f paam yũ-wẽng a nengẽ».

Yii a Abʋʋ Hʋrayrat nengẽ -Wẽnd yard be a yĩnga- : Tɩ raoa n yeel Nabiyaamã -Wẽnd pʋʋsg la A tɩlgr be a yĩnga- sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».

Yii a Abɩɩ Hʋrayrat nengẽ, -Wẽnd yard be a yĩnga-, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: "Ad raood ka yõk-n-lub ye, la ad pãng soaba yaa ned ning sẽn tõe n yõk a menga a gẽeg sasa".

Yii a ʿAbdʋllaah ɭbn ʿAmr nengẽ (Wẽnd yard be b yiibã yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga): «Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame».

Yii a ʿAbdʋllaah ɭbn Mas’ʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã yeelame, (Wẽnd pʋʋsg la A tɩlgr be a yĩngɑ): «Sɩd-kõt pɑ yɩ n yɑɑ zɑng toog soab ye, ɑ pɑ kãɑb-toog soɑbɑ, ɑ pɑ yel-beed soɑbɑ, ɑ pɑ no-beed soɑbɑ».

Yii a Abdʋllaah ɭbn Amr nengẽ - Wẽnd yard be b yiibã yĩnga- t'a yeelame: Nabiyaamã -Wẽnd pʋʋsg la A tɩlgr be a yĩnga- wʋma raoa sẽn sagend a ma-biig yãn-zoεεg wεεngẽ, t'a yeele: "Yãn-zoεεg bee liimaoong pʋgẽ".

Yii ɑ Almiƙdɑɑd ɭbn Mɑ'ɑdii-Kɑrib nengẽ, -Wẽnd yɑrd be ɑ yĩngɑ- tɩ yii Nɑbiyɑɑmã nengẽ (Wẽnd pʋʋsg la A tɩlgr be a yĩnga) ɑ yeelɑme: «Ned sã n nong ɑ to, bɩ ɑ togs-ɑ t'ɑ nong-ɑ lɑme».