/ Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana

Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana

Yii a Sa'ʿad ɭbn Hišaam ɭbn ʿAamir nengẽ, -a sẽn wa n kẽ a 'Aaɩša nengẽ, (Wẽnd yard be a yĩnga): Muumin-rãmbã ma wã, kõ maam kibar ne Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) zʋgdã: t'a yeele: fo ka karem Alkʋrãan laa? Tɩ mam yeele: n-yee, t'a yeele: Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana.
A Muslim n togs-a hadiis wok pʋgẽ

Explanation

B soka muumin-rãmbã ma, d ma a 'Aaɩša (Wẽnd yard be a yĩnga) Nɑbiyɑɑmã zʋgd sẽn da yaa a soaba (Wẽnd pʋʋsg la A tɩlgr be a yĩnga), t'a lok ne gomd sẽn tigim, la a wẽneg a soakdã n togl Alkʋrãanã sẽn tigim sɩf-rãmb sẽn pid zãnga, rẽnd a yeelame, tɩ Nɑbiyɑɑmã (Wẽnd pʋʋsg la A tɩlgr be a yĩnga) rag n yɩɩme n zʋgend a meng ne Alkʋrãanã zʋgdo, Alkʋrãanã sẽn sagl bũmb ninga a yikd n yalsa ne rẽ, la a sẽn gɩdg bũmb ninga a zãagdame, rẽnd Nabiyaamã zʋgd ra yɩɩme n yaa tʋm ne Alkʋrãane, la a yals Alkʋrãanã todsẽ, la a zʋgl a meng ne Alkʋrãaanã zʋgdo, la a rɩk yam ne Alkʋrãanã yel-bũnã la a kʋdemdã togsgã.

Hadeeth benefits

  1. Yaa b sẽn kengde tɩ b tik Nɑbiyɑɑmã (Wẽnd pʋʋsg la A tɩlgr be a yĩnga) a sẽn rag zʋgl a meng ne Alkʋrãanã.
  2. Yaa Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) zʋgdã pẽgbo, tɩ ad a yɩɩme n yaa Wahɩ wã tʋkẽ la a yita.
  3. Alkʋrãnã yaa yẽgr ne zʋg waglã fãa gilli.
  4. Zʋgdã lɩslaangã pʋga, a gũbga dĩinã gilli, tɩ b maan saglsã la b zãag b sẽn gɩdgã.