Yii a Gεrɩɩr ɭbn ʿAbdʋllaah nengẽ, (Wẽnd yard be a yĩnga) a yeelame: M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã.

Yii a Anas nengẽ (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩnga) a kodga pe-raad a yiibu, sẽn yaa pεεl sẽn tẽgs sabla n tar yɩɩla, a kodg-b lame ne a nugã, la a yeel "bismillaah" la "Allaahu akbarʋ" la a rɩk a naoorã n ning b yiibã yubliẽ wã.

Yii a ʿAbdʋl-Rahmaan ɭbn Abɩɩ Layla nengẽ, tɩ bãmb yɩɩme n rag n be a Hʋzayfa nengẽ, t'a kos koom n na n yũ, tɩ kɩfr (Magʋʋsɩ) yũnug-a, la a sẽn wa n rɩk laagã n ning a nugẽ wã, a lobg-a-la ne laagã la a yeele: sã n rag n ka mam sẽn gɩdg-a tɩ ka vugri la ka noor a yiibã -a rat n yeelame: sã n da ka yẽ sẽn gɩdg-a wã, a rag n kõn n maan woto ye- la mam wʋma Nabiyaamã (Wẽnd pʋʋsg lɑ A tɩlgr be ɑ yĩngɑ) t'a yetẽ: «Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare».

Yii a ʿAli nengẽ (Wẽnd yard be ɑ yĩngɑ) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame : «B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam»

Yii a ʿƲmar biig nengẽ -Wẽnd yard be b yiibã yĩnga-: Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gɩdga som pok põngre.

Yii a ʿƲmar biig nengẽ (Wẽnd yard be b yiibã yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩnga) a yeelame: «Wõrs-y no-kõbdo la y bas toeemse».

Yii a Abɩɩ Saʿɩɩd Al-ẖʋdriy nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg lɑ A tɩlgr be ɑ yĩngɑ) a yeelame: «Rao ka sõmb n ges a ra-taag yãnde, pag me ra tʋg n get a pʋg-to yãnde, la rao me ra tʋg n naag rao n pil fu-yend ye, pag me ra tʋg n lagem a pʋg-to n pil fu-yend ye».

Yii a ʿAbdʋllaah ɭbn ʿAmr nengẽ -Wẽnd yard be b yiibã yĩnga- t'a yeelame: Nabiyaamã (Wẽnd pʋʋsg la A tɩlgr be a yĩnga) rag n ka yɩ n yaa gom-be-ned ye, a rag n yɩɩme n yetẽ:«Ad sẽn be yãmb nin-tũusdsã pʋgẽ, yaa sẽn yɩɩd-b yãmb ne zʋg-sõngo».

Yii a ʿAaɩša nengẽ - Wẽnd yard be a yĩnga: a yeelame: ad mam wʋma Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) t'a yetẽ: «Ad muumin paamdame sẽn tũ ne a zʋg-sõngã, no-loεt dargε sẽn yãs ne Wẽnd tũudmã».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã».

Yii a Abɩɩ Hʋrayrat nengẽ, -Wẽnd yard be a yĩnga-, a yeelame: B soka Wẽnd Tẽn-tʋʋm, -Wẽnd pʋʋsg la A tɩlgr be a yĩnga- bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

Yii a Anas ɭbn Maalik nengẽ, (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) rag n yɩɩme n yɩɩd nebã ne zʋg-sõngo.