/ Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare

Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare

Yii a ʿAbdʋl-Rahmaan ɭbn Abɩɩ Layla nengẽ, tɩ bãmb yɩɩme n rag n be a Hʋzayfa nengẽ, t'a kos koom n na n yũ, tɩ kɩfr (Magʋʋsɩ) yũnug-a, la a sẽn wa n rɩk laagã n ning a nugẽ wã, a lobg-a-la ne laagã la a yeele: sã n rag n ka mam sẽn gɩdg-a tɩ ka vugri la ka noor a yiibã -a rat n yeelame: sã n da ka yẽ sẽn gɩdg-a wã, a rag n kõn n maan woto ye- la mam wʋma Nabiyaamã (Wẽnd pʋʋsg lɑ A tɩlgr be ɑ yĩngɑ) t'a yetẽ: «Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) gɩdga rapã tɩ b ra yelg harɩɩr fut la sẽn wõnd rẽnda. La a gɩdg rapã la pagbã tɩ b ra rɩ maa b yũ ko-teesẽ la laas nins sẽn yaa sãnem la wanzuri. La a togs tɩ ad te-kãensã welga toor ne muumin-rãmbã dũni yikr raare, bala bãmb zãag-a-la dũni kaanẽ, tɩ yaa Wẽnd tũudum yĩnga, la sã n yaa kɩfr-rãmbã, bãmb ka tar baa fʋɩ laahr ye, bala bãmb yãga ne b rẽndã b dũni wã vɩɩm pʋgẽ, ne bãmb sẽn rɩk-b tʋm ne wã la b sẽn kɩɩs Wẽnd sagellã.

Hadeeth benefits

  1. B harama harɩɩr fut yelgr ne roapã la pʋlenwẽng ninga sẽn be beenẽ ne ned ning sẽn yelg-a wã.
  2. Sakda ne pagbã tɩ b yelg harɩɩr fut la diibaage ( a takã).
  3. Gɩdgame tɩ b ra rɩ la b ra yũ sãnem la wanzur laasẽ ye, la ko-teesẽ, roapã la pagbã fãa gilli.
  4. A Hʋzayfa (Wẽnd yard be a yĩnga) sẽn maan kεgeng a sẽn na n gɩdgã wεεngẽ, la a togs sabab-kãngã, tɩ bala yẽ gɩdga noor wʋsgo, t'a ra tʋm ne sãnemã la wanzurã laase, la a kell n tõdgame.