/ Rao ka sõmb n ges a ra-taag yãnde, pag me ra tʋg n get a pʋg-to yãnde

Rao ka sõmb n ges a ra-taag yãnde, pag me ra tʋg n get a pʋg-to yãnde

Yii a Abɩɩ Saʿɩɩd Al-ẖʋdriy nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg lɑ A tɩlgr be ɑ yĩngɑ) a yeelame: «Rao ka sõmb n ges a ra-taag yãnde, pag me ra tʋg n get a pʋg-to yãnde, la rao me ra tʋg n naag rao n pil fu-yend ye, pag me ra tʋg n lagem a pʋg-to n pil fu-yend ye».
A Muslim n togs-a

Explanation

Nɑbiyɑɑã (Wẽnd pʋʋsg la A tɩlgr be a yĩnga) gɩdgame, tɩ rao ges a ra-taag yãnde, maa pag wa tʋg n get a pʋg-taag yãnde. La yãndã: yaa bũmb fãa b sẽn zoet yãnde t'a sã n vẽnege, la rao yãnde yaa bũmb ning sẽn be a yũugã la a rũmã sʋka, La pag zãngã fãa gill yaa yãnde, sã n yaa ne ra-zẽmse, la sã n yaa ne a pʋg-taaba la a rog-pẽtse, rẽnd a tõe n vẽnega bũmb ning sẽn vẽnegd rog-n-mik pʋgẽ, a sẽn wat n tʋmd zakẽ. Nɑbiyɑɑmã (Wẽnd pʋʋsg la A tɩlgr be a yĩnga) gɩdgame tɩ rao wa tʋg n lak ne raoa fuug a yembr pʋgẽ maa fu-goabg pʋgẽ, tɩ b yaa sẽn yeeg b futã, maa pag wa tʋg n lak ne a pʋg-to fuug a yembr pʋgẽ maa fu-goabg a yembr pʋgẽ, tɩ b yaa sẽn yeeg b futã, bala rẽnda yɩta sabab t'a to wa tʋg n sɩɩs a to yãnde, la yãndã sɩɩsg gɩgdame wala a gesgã sẽn gɩdgã, yẽ meng n pʋs n gɩgd n keng n yɩɩda, bala a yɩta sabab n wat ne sãang bedre.

Hadeeth benefits

  1. b gɩdgame tɩ b ra ges yãnã sã n ka pag la a sɩda.
  2. Lɩslaangã sẽn bʋ nonglem n na n yɩlg nimbuiidã la a pag soy nins sẽn talled n kẽng tʋʋm beedã.
  3. Sakdame tɩ b ges yãnde, tɩ tʋlsem sã n beẽ, wala tɩpgo la sẽn wõnd rẽ, la gesgã ra yɩ ne yamleoog ye.
  4. B sagla lɩslaam t'a lud a yãndã la a lud a gesgã n yi nin-zẽmsã yãna.
  5. Sẽn tʋg n gɩdg roap ne roapã, la pagb ne pagbã, bala bãmb n pẽ ne b na ges taab yãnã la b pãrg taaba, rẽnd la sẽn gɩdgã