Yii a Abɩɩ Muusa Al-as'ary nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) a yeelame: «Ned ning sẽn wa n zẽka zab-teed tõnd zugu, a ka be tõnd pʋgẽ ye».

Yii a Aaɩsa nengẽ -Wẽnd yard be a yĩnga- a yeelame: tɩ Wẽnd Tẽn-tʋʋmã yeelame -Wẽnd pʋʋsg la A tɩlgr be a yĩnga-: " Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã".

Yii a Abɩɩ Ayʋʋb Al-ansaary nengẽ -Wẽnd yard be a yĩnga- tɩ ad Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã".

Yii a Sahl ɭbn Sa'ad nengẽ, (Wẽnd yard be a yĩnga) sẽn yi Wẽnd Tẽn-tʋʋma - Wẽnd pʋʋsg la A tɩlgr be a yĩnga- t'a yeelame: " ned ning sẽn kõ a maam bas-m-yam ne bũmb ning sẽn be a ye-peed a yiibã sʋka la a nao a yiibã sʋka, m kõt-a-la bas-m-yam ne arzẽnã".

Yii a Abɩɩ Saʿɩɩd Al-ẖudriy nengẽ, (Wẽnd yard be a yĩnga), la a rag n yɩɩme n lagem Nabiyaamã (Wẽnd pʋʋsg lɑ A tɩlgr be ɑ yĩngɑ), n zab zab-laas piig la a yiibu, a yeelame, m wʋma yεl a naas Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) tɩ ta mam raabo, a yeelame: «Pag ka togd sore, rasem a yiib kẽna, rẽndame t'a sɩdã be ne-a, maa a mahram (rog-pẽta), la no-loeer me ka be rasem a yiibã pʋgẽ ye: no-lokr la kibs raare. Pʋʋsg ka be fagir Pʋʋsg poorẽ halɩ tɩ wĩntoogã wa puki, Pʋʋsg me ka be Laasar poorẽ halɩ tɩ wĩndgã wa tʋg n lʋɩ, la ka bobd sor n kẽng miisa, rẽnda miisa a tãabẽ wã: Lohorem miisrã la Aƙsaa miisrã la mam miis-kãngã».

Yii a Ʋsaamat ɭbn Zayd nengẽ, -Wẽnd yard be b yiibã yĩnga-, tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Mam ka bas m poorẽ wã fɩtna (zarb-n-gesg) sẽn namsd raopã n leb yɩɩd pagbã ye».

Yii a ʿAbdʋllaah ɭbn Mas'ʿʋʋd nengẽ, (Wẽnd yard be a yĩnga), a yeelame: tõnd ra bee ne Nɑbiyɑɑmã, (Wẽnd pʋʋsg la A tɩlgr be a yĩngɑ) t'a yeele: «Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ».

Yii a Abɩɩ Saɩɩd Al-hudriy nengẽ (Wẽnd yard be a yĩnga) tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame: «Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã, tɩ ad rẽenem fitna (zarb-n-ges) sẽn zĩnd ɭsraεεl koambẽ yɩɩ pagbẽ wã».

Yii a ʿƲƙbat ɭbn ʿAamir nengẽ, (Wẽnd yard be a yĩnga), a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum».

Yii a Abʋʋ Muusa nengẽ (Wẽnd yard be a yĩnga) tɩ Nabiyaamã (Wẽnd pʋʋsg la A tɩlgr be a yĩnga) ɑ yeelame: «Fur loees ka manegde, rẽndame tɩ tũ ne biig ba-rãmbã minim».

Yii a ʿƲƙbat ɭbn ʿAamir nengẽ, (Wẽnd yard be a yĩnga), a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Sart-rãmb nins sẽn sõmb ne yãmb pidsgã, yaa yãmb sẽn rɩk sart-rãmb nins tɩ tao wã lebg halaal ne yãmba».

Yii a ʿAbdʋllaah ɭbn ʿAmr nengẽ, (Wẽnd yard be a yĩnga), a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Dũni wã yaa wʋm-noogo, la dũni wʋm-noog sẽn yɩɩda, yaa pʋg-sõngo».