Yii a Muʿaɑz ɭbn Ǧabɑl nengẽ (Wẽnd yard be a yĩnga) a yeelame: Mam rag n bee ne Nabiyaamã (Wẽnd pʋʋsg la A tɩlgr be a yĩngɑ) so-toak pʋgẽ, tɩ mam yɩ raar a yembr n pẽneg-a n yɩɩde, tɩ tõnd kẽnda, tɩ mam yeele: Wẽnd Tẽn-tʋʋmã, kõ maam kibar ne tʋʋmde, sẽn kẽesd maam arzãna, la zãagd maam Bũgmã, t'a yeele: «Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba, tũ Wẽnde, n ka maan lagem-n-taar ne-A baa fʋɩ, la f yãnes ne Pʋʋsgo la f kõ Zaka, la f loe Ramadaan, la f kaag Roogã». Rẽ poorẽ t'a yeele: «M kõn n tees foom n tʋg yel-sõmã wã ragnoore: no-loeerã yaa gãngo, la doaagã kiisda tʋʋm tuuti wã wala koomã sẽn kiisd bugumã, rao Pʋʋsg yʋn-sʋka». A yeelame: rẽ poorẽ t'a kareme: «{B kɩremsã lɑkdɑme n bɑsd gãasã zĩisi} halɩ n tʋg n tãag {n tʋmdẽ wã rolbo.}». Rẽ poorẽ t'a yeele: «M kõn n kõ foom kibar ne yellã zu-raoogã la a zeng-raoogã la a yʋgem zegrã»? Tɩ m yeele: n-yee Wẽnd Tẽn-tʋʋmã, t'a yeele: «Yellã zu-raoog yaa lɩslaangã, la a zeng-raoogã yaa Pʋʋsgã, la a yʋgemdã zegrã yaa Gihaadɩ wã». Rẽ poorẽ t'a yeele: «M kõn n wilg foom ne woto tallg fãa gilli?» Tɩ mam yeele: n-yee, Wẽnd Tẽn-tʋʋmã. T'a gãd mam zelemdã n yeele: «Gãd fo wãndɩ wã». Tɩ mam yeele: Wẽnd Nabiyaamã, rẽ yĩnga b na n yõka tõnd ne d sẽn gomdã bɩɩ? T'a yeele: «Ad f ma kongo-f wε Muʿaɑz, rẽ yĩnga b fõgemda nebã Bugmẽ wã b nemsã zutu maa b yεgã zutu, tɩ sã n ka b zɩlmã sẽn kẽebã».

Yii a Aɑɩsa nengẽ, Wẽnd yard be a yĩnga: Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}, rẽ poorẽ t’a saag ne b yiibã, a yĩngã, a sẽn tõe tεka, a sɩngda saagrã a zugẽ wã la a nengã la yĩngã sẽn kellã, a maanda rẽnda noor a tãabo.

Yii a Šadaad ɭbn Aws nengẽ (Wẽnd yard be a yĩnga): tɩ yii Nabiyaamã nengẽ, (Wẽnd pʋʋsg la A tɩlgr be a yĩnga): «Yaafã wã kosg zu-soaba, yaa fo sẽn na n yeele: Allahumma anta Rabbɩɩ, laa ɩlaaha ɩllaa anta, ẖalaƙtanɩɩ wa anaa `Abduka, wa anaa `alaa `ahdɩka wa wa`dɩka mastaṭa`tu, A`uuḏu bɩka mɩn Šarrɩ ma ṣana`tʋ, abuu’u Laka bɩnɩ`matɩka `alaɩya, wa abuu’u laka bɩḏanbɩɩ, faǧfɩr lɩɩ, fa ɩnnahuu laa yaǧfɩru aḏḏunuba ɩllaa anta.= M Soab A Wẽnde, Foom la mam Soaba, soab sẽn na n tũ n tɩlg ka be ye, tɩ sã n ka Foom, Foom n naan maam tɩ mam yaa Fo yamba, m bee Fo alkaoolã zugu la F pʋlengã, m pãng tõog tεkẽ, m kot-F la gũudum n yi mam sẽn maanã fãa wẽnga, m reega m zugẽ ne Fo neema sẽn be mam nengẽ wã, la m reeg m zug ne m zũnuubã, sã n yaa woto bɩ F yaaf-ma, tɩ ad ka yaafd zũnuub-rãmba, rẽnda Foom bala». A yeelame: «ned sã n yeel-a wĩndga, n tar bãng-n-waak ne-a, n maan kaalem raarã pʋgẽ, taoor tɩ zaabr ka ta, ad a yaa arzãn biiga, la ned sã n yeel-a yʋngo, n tar bãng-n-wãak ne-a, n maan kaalem taoor tɩ beoogã na n ka vẽege, ad a yaa arzãn neda».

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ): «A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».

Yii a Abaan ɭbn ʿƲsmaan nengẽ, a yeelame: m wʋma a ʿƲsmaan ɭbnʿAffaan (Wẽnd yard be a yĩnga), t'a yetẽ: m wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga), t'a yetẽ: «Ned ning sẽn yeela "bismillaahɩ allazɩɩ lɑɑ yɑḍʋrrʋ, mɑ'ʿɑ ɩsmihii, šay'ʋn fɩll'arḍi, wɑ lɑɑ fɩs-sɑmɑɑɩ, wɑ huwɑ As-sɑmii'ʿu Al-ʿAlɩɩm.= Ne Wẽnd yʋʋrã, Naab ninga tɩ b sã n tẽeg A yʋʋrã, bũmb ka namsd-f ye, pɑ Tẽngã pʋga, pa saagã zugu, la Yẽnda yaa Wʋmda n yaa Mita" noor a tãabo, baolleg lindg ka paamd yẽnda halɩ t'a wa tʋg n vẽeg beoogo. La ned ning sẽn yeel-a noor a tãabo a sẽn wat n vẽeg beoogo, masɩɩb lingdg ka paamd-a halɩ t'a wa tʋg n ta zaabre». A yeelame: Tɩ yĩn-bogr kũum paam a Abbaan ɭbn ʿƲsmaan, tɩ raoa ning sẽn rag n wʋm hadiisã a Abbaan nengẽ wã tar a gesgo, t'a Abbaan yeel-a: yaa bõe tɩ fo get maam, m wẽen ne Wẽnd, mam ka yag zĩri n rogl a ʿƲsmaane, la a ʿƲsmaan me ka yag zĩri n roglg Nabiyaamã ye, la ad raar ning bũmbã sẽn paam maamã, mam rag n gẽeme n yĩme n ka yeel-a ye.

Yii a ʿAbdʋllaah ɭbn ẖʋbayb nengẽ, (Wẽnd yard be a yĩnga), t'a yeelame: Tõnd yii yʋngo, saag sẽn ni la lik sẽn yaa kεgenga, n baood Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a wa pʋʋs nebã, a yeelame: tɩ mam tɩ paam-a, t'a yeele: «yeele» tɩ mam ka yeel baa fʋɩ ye, rẽ poorẽ t'a yeele: «yeele» , tɩ mam ka yeel baa fʋɩ ye, t'a yeele: «yeele», tɩ maam yeele: bõe la mam yeta? T'a yeele: «{Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga».

Yii a Samura ɭbn Gundub nengẽ, -Wẽnd yard be a yĩnga-, a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye.

Yii ɑ Abɩɩ Hʋrɑyrɑt nengẽ (Wẽnd yard be a yĩnga) ɑ yeelɑme: Nabiyaamã (Wẽnd pʋʋsg la A tɩlgr be a yĩnga) yeelame-: «Ned ning sẽn wa n yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr = soab sẽn na n tũ n tɩlg ka be, rẽnda Wẽnde, A yaa Yembre, lagem-n-taag ka be ne-A ye, Yẽ n so Naamã la A sõ Pẽgbã, ad Yẽnda yaa Tõogd ne bũmbã fãa gilli, noor piiga a yel-sõmdã yɩta wala ned sẽn na n bas burkĩndi yembs a naase, sẽn yi nabiyaam a ɭsmaa'̌ɩɩl koambẽ wã».

Yii ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- ɑ yeelɑme: Nabiyaamã -Wẽnd pʋʋsg la A tɩlgr be a yĩnga- yeelame-: Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba: yaa (Sʋbhaana-llaah Al-azɩɩm,) la (Sʋbhaana-llaah wa bihamdihii).

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ned ning sẽn yeela: (Sʋbhaana-llaah wa bihamdihii, yɩlgr be ne Wẽnd, la pẽgr be ne-A) raar pʋgẽ, noor koabga, b lubda a zũnuubã baa t'a sã n yaa wala mogr puudu».

Yii a Abɩɩ Maalik Al-As-ariy nengẽ, Wẽnd yard be a yĩnga, a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: « yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Mam sẽn na n yeel (Sʋbhaana-llaah) la (Al-hamdu lillaah) la (Laa ɩlaaha ɩllallaah) la (Allaahʋ akbarʋ) yẽ n noom maam n yɩɩd bũmb fãa wĩndgã sẽn puk n miki».