Yii a Anas ɭbn Maalik nengẽ, (Wẽnd yard be a yĩnga), a yeelame: Wẽnd Tẽn-tʋʋm, (Wẽnd pʋʋsg la A tɩlgr be a yĩnga) yeelame: «Ad Wẽnd yarda yamba, a sẽn na n rɩ n pẽg Wẽnde rɩɩbã yĩnga, maa a yũ bõn-yũudga n pẽg Wẽnd a yĩnga».

Yii a Salamat ɭbn Al-akwaʿ nengẽ (Wẽnd yɑrd be ɑ yĩngɑ): Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye», bũmb ka gɩdg-a rẽnda waoog-m-menga, la a Salamat ɭbn Al-akwa’ yeele: t'a ka tõog n zẽk sag-võrã n kẽng a noorẽ wã ye.

Yii a Gεεbr ɭbn ʿAbdʋllaah nengẽ, (Wẽnd yard be b yiibã yĩnga), tɩ Nabiyaamã, (Wẽnd pʋʋsg la A tɩlgr be a yĩnga), yeelame: «Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ». Ad Nabiyaamã (Wẽnd pʋʋsg la A tɩlgr be a yĩngɑ) b waa ne rʋk a nengẽ, tɩ zẽ-biis sẽn yaa maas be beenẽ, t'ɑ wʋm yũug a pʋgẽ wã, t'a sok tɩ b togs-a zẽ-biis nins sẽn be beenẽ wã, la a yeele: tɩ b kolg-a a sahaabsã sãndã sẽn da be a nengẽ, la Nabiyaamã sẽn wa n yãnd tɩ b kisga a rɩɩbã, a yeelame: «Rɩ-y ad mam sõsda ne yãmb sẽn pa sõsd ne».

Yii a Sahl ɭbn Mʋ'ʿaaz ɭbn Anas nengẽ, tɩ yii a saamba nengẽ, a yeelame: tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ned ning sẽn rɩ rɩɩbo, n yeele: Alhamdu lillaahi Allaḏii aṭ-ʿamanii haaḏaa, wa razaƙaniihi min ġayri hawlin minnii walaa ƙuwwatin= (Pẽgr be ne Naab ning sẽn rɩlga maam wãndã, la A lok-a maam, tɩ ka tũ ne sɩlem, la pãnga sẽn yi mam nengẽ), b yaafda a zũnuub sẽn reng taoore».

Yii a Abɩɩ Hʋrayrat nengẽ, (Wẽnd yard be a yĩnga), a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-.

Yii a ɭbn Abaas nengẽ, -Wẽnd yard be b yiibã yĩnga-, a yeelame; Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «ad Wẽnd nongame n rat tɩ nebã maan yolsg nins A sẽn kõ-ba, wala A sẽn nong tɩ b maan bũmb ninga A sẽn keng b zugã».

Yii a Abʋʋ Hʋrayrat nengẽ -Wẽnd yard be a yĩnga- a yeelame: Wẽnd Tẽn-tʋʋm -Wẽnd pʋʋsg la A tɩlgr be a yĩnga- yeelame-: «Ned ning Wẽnd sẽn wa n rat-a ne sõma, A rogend-a-la yelle».

Yii a Abɩɩ Sa’ɩɩd Al-Hʋdry nengẽ la Abɩɩ Hʋrayrat nengẽ (Wẽnd yard be b yiibã yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame-: «Bũmb ka paamd lɩslaamã sẽn yaa yaamse, la bãase, la yɩɩgre, la sũ-sãanga, la nango, la pakre, halɩ n tʋg n tãag gõaag sẽn kõsd-a, rẽndame tɩ Wẽnd yaaf a tʋʋm tuuti wã ne rẽ sabɑbo».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye».

Yii a Sʋhayb nengẽ (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame: «Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye, sõmã sã n paam-a a pʋʋsda barka tɩ rẽnda yɩ sõma ne-a, la wẽng sã n paam-a, a maanda sugri tɩ rẽnda yɩ sõma ne-a».

Yii a Abuu Muusɑ Al-as'ɑri nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «yamb sã n bẽ maa a toga sore; b gʋlsdame n kõ-a a sẽn da tʋmdã t'a ra tar laafɩ n be yirã».

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) ɑ yeelame: «Yãg-y n maan tʋʋm sõmã taoor tɩ zarb-n-gesg na n ka wa sẽn yaa wala yʋn-lika, ned vẽegda beoog a pʋgẽ n yaa sɩd-kõta, n ta zaabr n yaa kɩfre, maa n tat zaabr n yaa sɩd-kõta n vẽeg beoog n yaa kɩfre, a rɩkda a dĩinã n koosdẽ, n na n reeg dũni laogo».