/ Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye

Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye».
A At-tirmiiziy la a Ahmad n togs-a

Explanation

Nabiyaamã kõta kibare (Wẽnd pʋʋsg la A tɩlgr be a yĩnga): tɩ baolleg la zarb-n-gesg ka bak n be ne yamb sẽn yaa sɩd-kõt raoa la sɩd-kõt poaka, a mengẽ, a yĩng laafɩ wεεngẽ, la a koambẽ sẽn yaa bãag la kũum maa rogdb nɑmsgo, maa zẽng sẽn ka rẽnda, lɑ a arzεkẽ sẽn yaa talemdo la a tolb lʋɩɩse la zuubu, la a vɩɩm sẽn yaa toogo, la a rɩtl kaalem, halɩ tɩ Wẽnd tɩ yaaf a zũnuubã ne baolleg-kãngã la a tʋʋm-tuutsi, halɩ t'a wa tʋg n sεg Wẽnde, t'a lebga yɩlgemde n yi zũnuub la a yõsgr fãa a sẽn da maanã

Hadeeth benefits

  1. Sẽn be Wẽnd yolsgã ne A yembsã pʋgẽ, yaa A sẽn yaafd b zũnuubã n bas-ba dũni kaanẽ tɩ dũni masɩɩb la a sũ-sãang sã n paam-ba.
  2. Baollegã bal ka yaafd zũnuub ye, rẽndame ne sɩd-kũuni, rẽnd yamb sã n maan sugri la a ka gẽ, a paamda keoore.
  3. Yaa pirsg tɩ b maan sugr yεlã fãa pʋgẽ, f sẽn nong la f sẽn kisi, n maan sugr n yik ne Wẽnd sẽn maan tɩlae wã, n maan sugr n zãag Wẽnd sẽn harmã, n tẽ Wẽnd yel-sõmdã la yεεs A sɩbgrã.
  4. A koεεgã: "Ne sɩd-kõta la sɩd-kõt poaka" b sẽn paas sɩd-kõt poaka gomdẽ wã yaa daliil sẽn nɑ keng n wilg tɩ pagbã lɑgmɑme, sã n ka rẽ, a sã n da yeel tɩ "sɩd-kõta" pag me rag n kẽeda beenẽ, bala woto ka toor zall ne rao ye, rẽnd baolleg sã n sig pag zugu, yaa woto, b pʋlemd-a lame ne keoor-kãngã bilgri, sẽn yaa zũnuub la tʋʋm-tuuts yaafgã.
  5. Bũmb sẽn kɩt tɩ nangã sẽn pʋgd taabã lebg valemsg yambã zugu, yaa yɩɩdlem ning sẽn be baollegã (zarbgã) pʋgã.