/ Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye

Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye

Yii a Sʋhayb nengẽ (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame: «Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye, sõmã sã n paam-a a pʋʋsda barka tɩ rẽnda yɩ sõma ne-a, la wẽng sã n paam-a, a maanda sugri tɩ rẽnda yɩ sõma ne-a».
A Muslim n togs-a

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) maanda yel-solemd tɩ sɩd-kõt yellã la a halhaal-rãmbã, b sẽn yaa sõmã yĩnga, la rẽnda yaa t'a halhaalã fãa yaa sõma, la ned ka tõe n tall rẽnda, sã n ka sɩd-kõta; yel-noog sã n paam-a a pʋʋsda Wẽnd barka, n paam keoor ne a sẽn pʋʋs Wẽnd barkã, la yel-toog sã n paam-a a maanda sugr la a tẽ keoor Wẽnd nengẽ, n leb n paam yel-sõmd ne a sẽn maan sugrã, rẽnd a bee keoor paoong pʋgẽ halhaal fãa gilli.

Hadeeth benefits

  1. Wilgda Wẽnd bark pʋʋsgo ne yel-sõma yɩɩdlem, la sugr maaneg ne yel-toodã, rẽnd ned ning sẽn maan rẽnda, a paamda zags a yiibã fãa yel-sõma. La ned ning sẽn ka pʋʋsa bark ne neemã wã la a ka maan sugr ne masɩɩbã, keoorã põsgd-a lame, tɩ yaa zũnuub la a na n paame.
  2. Wilgda kõ-sɩdã yɩɩdlem la keoorã halhaal ning fãa, a ka yɩte rẽnda sɩd-kõtbã.
  3. Pʋʋs bark yel-noog wakatã, la maan sugr keelem wakatã, a yaa muumin-rãmbã zʋgdo.
  4. Kõ sɩd ne Wẽnd Bʋʋdã la A Pʋlengã, kɩtame tɩ muumin be yard sẽn pid pʋgẽ, a yalε-rãmbã fãa gill pʋgẽ, la rẽ yõsga ne sẽn ka sɩd-kõta, sẽn be gẽeg pʋg wakat fãa gilli, tɩ keelem sã n paam-a, la a sã n paam neema sẽn yi Wẽnd nengẽ, (A Naam yɩ wagell n zẽke) la a sẽn maan soagl ne neemã wã n bas Wẽnd tũudum, pʋs n ka gomd a sẽn na n rɩk-a n kẽes Wẽnd kɩɩsg pʋgẽ ye.