Yii ɑ Mʋ'ʿaawɩyya nengẽ- Wẽnd yɑrd be ɑ yĩngɑ- ɑ yeelɑme: Mɑm wʋmɑ Nɑbiyɑɑmã (Wẽnd pʋʋsg la A tɩlgr be a yĩnga) t'ɑ yetẽ: «Ned ning Wẽnd sẽn tʋll a soab ne sõma, A fasemd-a-la dĩinã, la ad mam yaa pʋɩta, la ad Wẽnd n kõte, la ad zamã-kãngã ka na n bãk n yas ne Wẽnd sagellã, tɩ ned ning sẽn yõsg-ba ka namsd-b ye, halɩ tɩ Wẽnd yellã wa tʋg n wa».

Yii a Gεεbr ɭbn Abdʋllah nengẽ, Wẽnd yard be b yiibã yĩnga, tɩ Nabiyaamã, (Wẽnd pʋʋsg la A tɩlgr be a yĩnga), yeelame: « Ra karem-y bãngrã n rat n na n pug ne-a bãngdb ye, maa y wẽ no-koeemd ne yalms ye, la y ra tũus zĩndg zĩisɩ bãngrã yĩng ye, la ad ned ning sẽn maana woto, Bugmã n sõmb ne-a »

Yii a ʿƲsmaan nengẽ -Wẽnd yard be ɑ yĩngɑ- tɩ yii Nabiyaamã nengẽ -Wẽnd pʋʋsg la A tɩlgr be a yĩngɑ- a yeelame : «Yãmb sõma sẽn yɩɩda soaba, yaa ned ning sẽn karem Alkʋrãanã la a wilg-a».

Yii a Abɩɩ Abdɩ-Rrahmaan Assʋlami nengẽ, Wẽnd na yols-a, a yeelame: Neb nins sẽn da karemd tõnd Alkʋrãanã, sẽn yaa Nabiyaamã (Wẽnd pʋʋsg la A tɩlgr be a yĩng) sahaabsã, b yẽsa tõndo, tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba, b yeelɑme: "rẽnd tõnd karema bãngrã la tʋʋmã".

Yii a ʿAbdʋllaah ɭbn Al-mas’ʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã, -Wẽnd pʋʋsg la A tɩlgr be a yĩngɑ- yeelame: «Ned ning sẽn karema gʋls-biig a yembr Wẽnd Gafẽ wã, ad a tara yel-sõmd ne-a, la yel-sõmdã me fãoogda piig bilgri, mam ka yeel tɩ {Alɩf Laam Miim} yaa gʋls-bi yend ye, la ad {Alɩf} yaa gʋls-bila, {Laam} Yaa bʋls-bila, {Miim} yaa gʋls-bila».

Yii a Abdʋllaah ɭbn Amr nengẽ, Wẽnd yard be b yibã yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».

Yii a Abɩɩ Hʋrayra nengẽ, Wẽnd yard be a yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Rẽ yĩnga yãmb yembr fãa nongame, t’a sã n wa kẽng a zakẽ, bɩ a tʋg n mik yʋgem pʋs a tãabo, sẽn nobe, tɩ be a zakẽ wã tɩ yaa yẽnd n so ?» Tɩ tõnd yeele: n-ye. t’a yeele: «bɩ y bãng tɩ Aayae-rãmb a tãabo yãmb ned kɑm fãa sẽn na n karem a Pʋʋsg pʋgẽ, a sõmblem n yɩɩdɑ yʋgem-pʋs tãɑb sẽn yɑa bεd n nobe».

Yii a Abɩɩ Muusa Al-aš'ʿary nengẽ, (Wẽnd yard be a yĩnga), tɩ yii Nɑbiyɑɑmã nengẽ, -Wẽnd pʋʋsg la A tɩlgr be a yĩngɑ- a yeelame: «Tẽegd-y Alkʋrãan-kãngã, tɩ mam wẽenda ne a Mohammad yõorã sẽn be Naab ning nugẽ wã, ad Alkʋrãanã n yɩɩd fãagr ne yʋgemd sẽn be a baarẽ».

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ra rɩk-y y zagsã n maan tɩ yaa yaad ye, ad sʋɩɩtãanã zoetame n basd zak ning b sẽn karem Al-Baƙara a pʋgẽ»

Yii a Ʋbay ɭbn Ka’ab nengẽ, Wẽnd yard be a yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Yaa a Abʋʋ Munzire, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? a yeelɑme : tɩ mɑm yeele : Wẽnd la A tẽn-tʋʋmã n yɩɩd minim ne rẽ, t’a yeele : « a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri».

Yii ɑ ɭbn Mɑs'ʿʋʋd nengẽ (Wẽnd yard be a yĩnga) ɑ yeelɑme: Nɑbiyɑɑmã yeelɑme (Wẽnd pʋʋsg la A tɩlgr be a yĩnga): «Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa».

Yii ɑ Annu'maan ɭbn Basɩɩr nengẽ -Wẽnd yɑrd be ɑ yĩngɑ- ɑ yeelɑme: Mɑm wʋmɑ Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: "Ad kosgã yẽnda la tũudmã", rẽ poorẽ t'a kareme: "{la yãmb Soaba yeelame: "kos-y-Ma tɩ M na reeg y yĩnga, ad neb nins sẽn waoogd b mens n yit Mam tũudmã, b na n kẽe Gεhannem tɩ b yaa yaalse} [Gaafɩrʋ: 60]".