/ B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ

B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ

Yii a Abdʋllaah ɭbn Amr nengẽ, Wẽnd yard be b yibã yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».
A Abʋʋ Daawʋʋd la a At-tirmiiziy la a An-nasaa'ɩy n togs-a Al-kʋbraa wã pʋgẽ la a Ahmad

Explanation

Nabiyaamã, (Wẽnd pʋʋsg la A tɩlgr be a yĩnga), kõta kibare, tɩ b na n yeela Alkʋrãan karemda, ned ning sẽn tʋmda ne bũmb ning sẽn be Alkʋkãanã pʋgẽ wã, n tabend ne Alkʋrãanã karengo la a rulsd-a, a sã n wa kẽ arzãnã, tɩ b yeel-a, t’a karem Alkʋrãanã la a zẽk n rʋʋd arzãnã dargε-rãmbẽ, la a karemd n noosdẽ, wala a sẽn da karemd dũni wã, ne yẽ sẽn karemd ne maag-m-mengɑ la yĩn-yõgnego, t’a bãng tɩ ad yẽnda dargε tεk yaa a sẽn na n sε zĩig ninga.

Hadeeth benefits

  1. Hadiisã wilgdame tɩ rolbã zemsda ne tʋʋmã ɑ waooglem la a yalε wã.
  2. Hadiisã wilgda nebã, n kengd-ba tɩ b karem Alkʋrãanã la b maneg b karengã la b ruls-a, la b tags sõma ne sẽn be Alkʋrãanã pʋga la b tʋm ne-a.
  3. A wilgdame tɩ arzãnã yaa sigb zĩisi la dargε-rãmb sẽn yaa wʋsgo, tɩ Alkʋrãanã rãmb na n paam dargε-rãmb nins sẽn zẽke arzãnã pʋgẽ wã.