/ Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba

Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba

Yii ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- ɑ yeelɑme: Nabiyaamã -Wẽnd pʋʋsg la A tɩlgr be a yĩnga- yeelame-: Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba: yaa (Sʋbhaana-llaah Al-azɩɩm,) la (Sʋbhaana-llaah wa bihamdihii).
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõo kibare, gom-biis a yiib ninsaal sẽn yet-b tɩ ka tũ ne toogo, sẽn yaa halhaal ningã fãa gilli, la ad b yiibã keoorã yaa bedr peesgã laok zugu, la tõnd Soabã sẽn yaa Arrahmaan Naabã, A nonga b yiibã: (Sʋbhaana-llaah Al-azɩɩm,) la (Sʋbhaana-llaah wa bihamdihii); bala yaa b yiibã sẽn kʋmb gom ningã sẽn yaa Wẽnd sɩfo ne zɩslem la pidbu, n leb n yɩlgd Wẽnde, n yi boogre, A Naam yɩ wagell n zẽke.

Hadeeth benefits

  1. Yaa tɩ Wẽnd yʋʋr tẽegr sẽn yɩɩda, yaa fo sẽn na n tõog n tigim a pʋgẽ Wẽnd yʋʋrã yɩlgr la A pẽgbo.
  2. Wilgda Wẽnd yolsgã yalmã sẽn gũbg a yembsã, bala A ronda tʋʋm sẽn yaa kɩdga ne keoor sẽn yaa bedre.