/ Ned ning sẽn wa n zẽka zab-teed tõnd zugu, a ka be tõnd pʋgẽ ye

Ned ning sẽn wa n zẽka zab-teed tõnd zugu, a ka be tõnd pʋgẽ ye

Yii a Abɩɩ Muusa Al-as'ary nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) a yeelame: «Ned ning sẽn wa n zẽka zab-teed tõnd zugu, a ka be tõnd pʋgẽ ye».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩnga) bugsda nebã tɩ b ra zẽk zab-teed lɩslaambã zug ye, n na n yεεs-ba, maa n na n fã b arzεgse, ned ning sẽn maana rẽnda tɩ ka tũ ne hakε, a maanɑ yel-wẽng sẽn yaa bedre, n le yɑɑ zũnuub bedre sẽn yi zũnuub bεdã pʋgẽ, a soabã leb n sõmba ne pʋleng wẽng-kãngã sẽn yaa kεgengã.

Hadeeth benefits

  1. Yaa bugs kεgenga ne lɩslaam t'ɑ rɑ wɑ zab ne a ma-bi taasã sẽn yaa lɩslaambã ye.
  2. Sẽn be Yel-kiti wã la sãang sẽn yɑɑ bεd tẽngã zugu, yaa tʋg n foogd zab-teedo lɩslaambã zugu, la sãang mɑɑnego sẽn tũ ne kʋʋbo.
  3. Yaa tɩ pʋlen-wẽng ning sẽn togsã, a ka naag zabr ning sẽn wat n yaa ne hakε wã ye, wala b sẽn na n wa tɩ zabd ne kεdgdbã sẽn namsd-b lɩslaambã la sãamdbã la zẽng sẽn ka bãmbɑ.
  4. B gɩdga lɩslaambã yεεsg ne zab-teedo la zẽng sẽn ka yɩ rẽ, -baa tɩ sã n mikame tɩ yaa reem-.