/ M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã

M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã

Yii a Gεrɩɩr ɭbn ʿAbdʋllaah nengẽ, (Wẽnd yard be a yĩnga) a yeelame: M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã.
A Muslim n togs-a

Explanation

A Gεrɩɩr ɭbn ʿAbdʋllaah (Wẽnd yard be a yĩnga) soka Nabiyaamã (Wẽnd pʋʋsg la A tɩlgr be a yĩnga) raoa sẽn na n ges pʋg-zẽnga ne ges lingri, tɩ ka tũ ne raab ye? T'a sagl-a (Wẽnd pʋʋsg la A tɩlgr be a yĩnga) t'a sõmbame n wẽnem a nengã n tees zĩig a to la ween-n-vɩɩgã a to, a sẽn wa n bãngã tao-tao, la zũnuub ka be ne-a ye.

Hadeeth benefits

  1. Yaa pirsg tɩ ninsaal sulg a ninã.
  2. Yaa bugsg n yi ges n kaoos bũmb ninga b sẽn gɩdg a gesgã, sã n mikame tɩ nifrã lʋɩ a pʋgẽ ne lingri, tɩ ka tũ ne raabo.
  3. Bee hadiisã pʋgẽ, tɩ ad ges n tʋg pagbã gɩdgrã, a yaa yell sẽn tabend sahaabsã nengẽ, la a daliil yaa a Gεrɩɩr ɭbn ʿAbdʋllaah (Wẽnd yard be a yĩnga) sẽn sok Nabiyaamã (Wẽnd pʋʋsg la A tɩlgr be a yĩnga) tɩ sã n mikame t'a gesgã lʋɩɩ pag zugu, tɩ ka tũ ne raabo, rẽ yĩnga a bʋʋdã wõnda wala ned sẽn ges ne raab bɩɩ?
  4. Bee hadiisã pʋgẽ, sẽn wilgd tɩ sãri wã kẽesa a toog ne yembsã yel-manegdsã, ad a gɩdga ges n tʋg pagbã, bala a yɩta sabab ne dĩinã la dũni wã sãanga.
  5. Wilgda Ṣahaabsã sẽn lebgd n tʋgd Nabiyaamã nengẽ (Wẽnd pʋʋsg la A tɩlgr be a yĩnga) la b sẽn sokd-a bũmb ning sẽn gẽdg b nengẽ, yaa woto sõmba ne nimbuiidã tɩ b lebg n tʋg bãngdbẽ wã n sok-b bũmb ning sẽn gẽdg b nengẽ.