/ Ra gẽ ye

Ra gẽ ye

Yii a Abʋʋ Hʋrayrat nengẽ -Wẽnd yard be a yĩnga- : Tɩ raoa n yeel Nabiyaamã -Wẽnd pʋʋsg la A tɩlgr be a yĩnga- sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».
A Al-Bʋẖaariy n togs-a

Explanation

Sahaabsã ned a yembre, -Wẽnd yard be b yĩnga-, a kosa Nabiyaamã -Wẽnd pʋʋsg la A tɩlgr be a yĩnga- t'a wilg-a bũmb ninga sẽn na n naf-a, tɩ Nabiyaamã yeel t'a ra gẽ ye, la woto rat n na yeelame t'a zãag sabab nins sẽn kɩt t'a gẽ wã la a yõk a menga, tɩ gẽeg sã wa, rẽnd a ka kelled bala n tũnug a sũ-yikrã, n na n kʋ maa pãbe, maa a tʋ, la sẽn wõnd rẽnd ye. La nedã yɩlma saglgã kosg noor wʋsgo, la Nabiyaamã -Wẽnd pʋʋsg la A tɩlgr be a yĩnga- ka paas saglgã pʋgẽ, rẽnda a sẽn yeel-a «Ra gẽ ye».

Hadeeth benefits

  1. Yõod-rãmb nins sẽn be hadiisã pʋgẽ, yaa tɩ b bugsdame tɩ b zãag gẽega la a sabab-rãmbã, tɩ yaa yẽndã la wẽngã zãnga, la gũus f meng n yi gẽega yẽnda la sõmã wã zãnga.
  2. Gẽeb Wẽnd yĩnga, wala b sẽn wat n pãrg Wẽnd lohorem-rãmbã, yẽnda yaa gẽeg b sẽn pẽgde.
  3. Yɩlem gomde tɩ tʋlsem sã n be beenẽ, halɩ tɩ kεlgdã bãng a võorã la a bãng a yõodã sẽn ta to-to, yaa bũmb b sẽn baoode.
  4. A wilgdame tɩ kos sagell bãngd nengẽ, a yaa bũmb sẽn yaa bedre.