/ Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom

Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom

Yii a Al-ʿAbbaas ɭbn Al-Muṭṭalib nengẽ (Wẽnd yard be a yĩnga) t'a Wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: «Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom»
A Muslim n togs-a

Explanation

Nabiyaamã (Wẽnd pʋʋsg la A tɩlgr be a yĩnga) kõta kibare, tɩ ad sɩd-kõt sɩd-sɩda a sɩd-kũuni wã, sũur sẽn yõgn, a paamda a sũurẽ wã pakre, la yalgre, la kɩdengo, la sũ-noogo, la Wẽnd pẽnegr noom (A Naam zẽk yã), t'a sã n yar ne yεl a tãabã: Rẽenemã: a yara Wẽnd tɩ yaa a Soaba, la woto yaa a yãoogã sẽn na n pak ne bũmb ning sẽn wat yẽ nengẽ n yit Wẽndẽ, tɩ yaa sẽn tũud ne Sobendã, sẽn yaa arzεk pʋɩɩre la halhaal-rãmba, a ka paamd a sũurẽ wã zãgsg ne bũmb baa a yembr sẽn yi woto ye, la a ka bao soaba zẽng sẽn ka Wẽnde (A Naam zẽk yã). Yiib soabã: a yara lɩslaɑngã tɩ yaa a dĩini, la woto yaa a yãoogã sẽn na n pak ne bũmb ning lɩslaangã sẽn gũbgã, sẽn yaa waagib roglgo, la a ka bao sor zẽng sẽn ka lɩslaangã ye. Tãab soabã: a yara a Mʋhammad tɩ yaa a Tẽn-tʋʋma, (Wẽnd pʋʋsg la A tɩlgr be a yĩnga) la woto yaa a yãoogã sẽn na n pake ne bũmb ning fãa a sẽn wa ne wã, n ka maan sika, la a rɩk sore, rẽnda sẽn zemsd ne Nabiyaamã kãndgre (Wẽnd pʋʋsg la A tɩlgr be a yĩnga).

Hadeeth benefits

  1. Sɩd-kũunã tara noosem la rɩɩbo tɩ b lembd ne sũyã, wala rɩɩbã la koomã noosem sẽn lembd la yũud ne noorã.
  2. Yĩngã ka tõe n paam rɩɩbã la yũubã noosem rẽndame t'a tara laafɩ, yaa woto bala sũurã sã n tɩlg n yi haraamã yemleoodã la menengã bãaga, a paamda sɩd-kũunã noosem, la a sã n yik bãaga a ka paamd sɩd-kũunã noosem ye, bũmb ninga sẽn tõe a pʋd n halk-a sẽn yaa yemleoog la Wẽnd kɩɩsgã kẽeda a pʋgẽ.
  3. Ninsaal sã n yar bʋʋdo la a ges t'a yaa sõma, a yellã yɩta naana ne-a, a ka yɩt toog ne-a ye, la a sũur yɩta noog ne a sẽn wa ne bũmb ning fãa, tɩ nen-yõgẽngã gẽdg a sũurã, yaa woto la sɩd-kõta tɩ sɩd-kũunã sã n kẽ a sũurã pʋgẽ, a Soabã tũudum yɩta naana, t'a mengã paam noosem, la nangã ka yɩt toog ne-a ye.
  4. A ɭbn Al-ƙayyim (Wẽnd na yols-a) yeelame: hadiis-kãngã gũbga yard ne A Sobendã (A Naam yɩlgame) la A Wẽndlemã, la yard ne A Tẽn-tʋʋmã, la sak-n-pʋg-a, la yard ne A dĩinã la sak-n-tũ-A.