Yii a ʿAmmaar ɭbn Yaasɩr nengẽ, (Wẽnd yard be a yĩnga) a yeelame: Wẽnd Tẽn-tʋʋmã tʋmsa maam (Wẽnd pʋʋsg lɑ A tɩlgr be ɑ yĩngɑ) tɩ m tʋg n maneg yelle, tɩ Gεnaab paam maam la m ka paam koom ye, tɩ mam gãand n bilm tomã pʋgẽ wala rũng sẽn bilm to-to ningã wã, rẽ poorẽ tɩ mam wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n togs-a mam sẽn maan rẽ wã, t'a yeele: «ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã.

Yii a Al-Mugiirat nengẽ, (Wẽnd yard be a yĩnga), a yeelame: Mam da bee ne Nabiyaamã (Wẽnd pʋʋsg la A tɩlgr be a yĩngɑ) so-toɑkẽ, tɩ mam sulg n na n foog a na-wʋʋd a yiibã, t'a yeele: « Bas-ba tɩ mam wid-b lame tɩ b yaa yɩlma» tɩ Nabiyaamã saag b yiibã.

Yii a ʿAɑɩša sẽn yaa muumin-rãmbã ma wã nengẽ, (Wẽnd yard be a yĩnga), t’a Faatɩmat Bint Abɩɩ Hʋbayš sok Nɑbiyɑɑmã, (Wẽnd pʋʋsg la A tɩlgr be a yĩngɑ) n yeele: Ad mam yãta Pekre, tɩ ka wãagdẽ ye, rẽ yĩnga, mam basda Pʋʋsg bɩɩ? Tɩ Nabiyaamã yeele: «ayo, ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse».

Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋm (pʋʋsg la tɩlgr be a yĩng) yeelame-: «Yãmb yembr kãm fãa sã n wʋm bũmb rãɑmd a pʋgẽ wã, t'a pa miẽ, bũmb n yi bɩ pa yi, bɩ a ra yi miisrẽ wã, halɩ t'a wa wʋm bʋrgo maa yũugu».

Yii a Abɩɩ Hurayra nengẽ, (Wẽnd yard be a yĩnga), a yeelame, tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) a yeelame: «Baag sã n yũ yãmb yembr laok pʋgẽ, bɩ a pek-a naoor a yopoe».

Yii a ʿƲmar ɭbn Al-hataab nengẽ (Wẽnd yard be a yĩnga): a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeeleme: «Laandãan boaal sã n yeele; "Allaah akbarʋ, Allaahʋ akbarʋ". Tɩ yãmb ned fãa yeel: "Allaah akbarʋ, Allaahʋ akbarʋ". Rẽ poorẽ tɩ lanndãan boaalã yeele: Ašhadʋ an laa'ɩlaaha ɩllallaah, (m maanda kaseto, tɩ soab hakɩɩk pa be rẽnda Wẽnde). T'a yeele: Ašhadʋ an laa'ɩlaaha ɩllallaah, (m maanda kaseto, tɩ soab hakɩɩk pa be rẽnda Wẽnde). Rẽ poorẽ t'a yeele: "Ashadʋ Anna Mʋhammadan rasʋlʋllaah, (m maand kaset t'a Mʋhammad yaa Wẽnd Tẽn-tʋʋma). T'a yeele: "Ashadʋ Anna Mʋhammadan rasʋlʋllaah, (m maand kaset t'a Mʋhammad yaa Wẽnd Tẽn-tʋʋma). Rẽ poorẽ t'a yeele: "Hayya ʿAlaṣ-ṣalaat", t'ɑ yeele: "laa hawla walaa ƙʋwwata ɩlaa billaah". Rẽ poorẽ t'a yeele: "Hayya alal falaah", t'a yeele: "laa hawla walaa ƙʋwwata ɩlaa billaah". Rẽ poorẽ t'a yeele:"Allaah akbarʋ, Allaahʋ akbarʋ", t’a yeele: "Allaah akbarʋ, Allaahʋ akbarʋ". Rẽ poorẽ t’a yeele: laa'ɩlaaha ɩllallaah,», t’a yeele : laa'ɩlaaha ɩllallaah». Ne a sũurã fãa. A kẽeda arzãnɑ».

Yii a ʿAbdʋllaah ɭbn ʿAmbr nengẽ (Wẽnd yard be b yiibã yĩngɑ) t'ɑ wʋma Nabiyaamã (Wẽnd pʋʋsg la A tɩlgr be a yĩngɑ) t'ɑ yetẽ: «Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam, ad ned ning sẽn pʋʋsa maam pʋʋsg a yembre, Wẽnd rond-a lame ne pʋʋsg-kãngã, pʋʋsg piiga, rẽ poorẽ bɩ y kos Naab A Wẽnd dargε zẽnkdgã n kõ-mɑ, bala a yaa dargε sẽn be arzãn pʋgẽ, ned ka sõmb ne-a rẽnda yamb a yembr sẽn yi Wẽnd yembsã pʋgẽ, tɩ mam nong n rat tɩ yɩ maam, rẽnd ned ning sẽn kosa dargε zẽkdgã n kõ maam, mam sugsgã na n paama a soabã».

Yii a Saʿad ɭbn Abɩɩ Waƙƙaaṣ nengẽ (Wẽnd yard be a yĩnga) a yeelame: yii Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) t'a yeelame: «Ned ning sẽn yeele, a sẽn wat n wʋm laandãanã: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ Wa anna Mʋhammadan ʿAbdʋhuu warasʋʋlʋhuu, Radiitu billaah rabban, Wa bi Mʋhammadɩ Rasʋʋlan, Wa bil ɩslaami diinan, b yaafda a zũnuubã».

Yii a Anas ɭbn Maalik nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame: «Kosg ka lebsde laandãanã ne Pʋʋsgã yalsg sʋk ye».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Rɑo sẽn yɑɑ zoɑng n wɑ Nɑbiyɑɑm nengẽ (Wẽnd pʋʋsg lɑ A tɩlgr be ɑ yĩnga) n yeele: Wẽnd Tẽn-tʋʋmã, ɑd mɑm pɑ tɑr tɑt sẽn nɑ n tɑll mɑɑm n kẽng misrẽ wã ye, t'ɑ kos Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'ɑ yols n kõ-ɑ t'ɑ pʋʋsd ɑ zɑkẽ wã, t'ɑ kõ-ɑ sore, lɑ ɑ sẽn wɑ n wẽnemdã ɑ bool-ɑ lɑme, n yeele: « Fo wʋmdɑ lɑɑndãɑnã bɩɩ?» T'ɑ yeel tɩ n-ye. T'ɑ yeel-ɑ: «bɩ f sɑke».

Yii a Abɩɩ Hʋrayrat nengẽ, (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a yetẽ: «Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?» La b yeel yã: baa fʋɩ ka na n pa a rẽgdẽ wã ye. La a yeel yã: «ad rẽnda yaa wala Pʋʋs-rãmb a nu wã, Wẽnd yẽesda tʋʋm-tuuti wã ne rẽnda».

Yii a ʿAbdʋllaah ɭbn Mas'ʋʋd nengẽ, (Wẽnd yard be a yĩnga), a yeelame: M soka Nabiyaamã (Wẽnd pʋʋsg la A tɩlgr be a yĩngɑ). Yaa tʋʋm bʋdo n noom Wẽnd n yɩɩda? T'a yeele: «yaa Pʋʋsgo, a wakatẽ wã». T'a yeele: rẽ poorẽ yaa bõe? T'a yeele: «rẽ poorẽ yaa roagd a yiibã manegre». T'a yeele: rẽ poorẽ yaa bõe? T'a yeele: « yaa zab Wẽnd Sorã poorẽ». A yeelɑme: Nabiyaamã n yẽs maam gom-kãngã, la mam sã n rag n sok-a n paase, a rag n na n loeka maam n paase.