Yii a Abdʋllaah ɭbn Zayd nengẽ (Wẽnd yard be a yĩnga): Tɩ Nabiyaamã (Wẽnd pʋʋsg la A tɩlgr be a yĩnga) yõka koom noor a yiib-yiibu.

Yii a Hʋmraan sẽn yaa a ʿƲsmaan ɭbn ʿAffaan neemã-lalldã, a yeelame tɩ yẽ yãa a ʿƲsmaan ɭbn ʿAffaan t'a kɩt tɩ b wa ne Pʋʋs laaga, t'a kɩll n kiig a nus a yiibã n pek-b noor a tãabo, rẽ poorẽ t'a rɩk a rɩtgã n tʋm koomã pʋgẽ, n yãk n wuk a noorã la a fẽes a yõyã, la a fẽes n yiisi, rẽ poorẽ t'a pek a nengã noor a tãabo la a nus a yiibã n tɩ tãag kãntɩɩsẽ wã, noor a tãabo, n yaool n saag a zugã, rẽ poorẽ t'a pek nao a yiibã fãa gill noor a tãabo, n yaool n yeele: mam yãa Nabiyaamã (Wẽnd pʋʋsg la A tɩlgr be a yĩnga) t'a maand wala mam sẽn yõgd koomã to-to wã, la a yeele: «Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore».

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame: «Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».

Yii a ɭbn ʿAbbaas nengẽ, (Wẽnd yard be b yiibã yĩnga), a yeelame: Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".

Yii a Anas nengẽ, (Wẽnd yard be a yĩnga): Nabiyaamã (Wẽnd pʋʋsg la A tɩlgr be a yĩngɑ), a sã n kẽng we-kεεnga, a yetame: «Allahumma, inni Aʋʋzʋ bika minal hʋbsi wal habaa'ɩs =M Soab A Wẽnde, m kota gũudem ne Foom n yi sʋɩɩtãan roapa la sʋɩɩtãan pogse».

Yii a ʿAaɩša sẽn yaa muumim-rãmbã ma wã nengẽ, (Wẽnd yard be a yĩnga): Tɩ Nabiyaamã (Wẽnd pʋʋsg la A tɩlgr be a yĩnga) a sã n rag n yi we-kεεnga, a yetame: «Gʋfraanak (M kot-F-la yaafa)»..

Yii a Aaɩsa nengẽ (Wẽnd yard be a yĩnga) a yeelame: tɩ Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga): Rɑ-wãbdgã yaɑ yɩlgr ne noorã, n yɑɑ yɑrdɑ ne Soɑbã».

Yii a Hʋzayfa nengẽ, (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩnga) ra yɩɩme t'a sã n yik yʋngo, a sẽdgda a noorã ne sɩgdre.

Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd-tẽn-tʋʋmã (Wẽnd pʋʋsg la A tɩlgr be a yĩnga) yeelame-: «Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã».

Yii a Abɩɩ Hʋrayrat nengẽ, (Wẽnd yard be a yĩnga): m wʋma Nabiyaamã (Wẽnd pʋʋsg la A tɩlgr be a yĩnga) t'a yetẽ: «Lɩslaangã rog-n-mikã yaa nu, yaa bõng kõom, la pend põmbo, la no-kõbd wõrsgo, la nɑ-yẽes wõrsgo, la bãgd võobo».

Yii a ʿAli nengẽ (Wẽnd yɑrd be ɑ yĩngɑ) a yeelame: Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a tɑoorã la a yõk koom». La a Al-bʋhaari nengẽ: a yeeleme: «yõk koom la f pek f tɑoorã».

Yii Muumin-dãmbã mɑ wã a ʿAɑɩša nengẽ, (Wẽnd yard be a yĩnga), a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) ra yɩɩme t'a sã n na n so gεnaabo, a pekda a nus a yiibã, la a yõk koom wala a sẽn na n pʋʋse, rẽ poorẽ t'a so, rẽ poorẽ t'a tẽg a zugã zoobd ne a nusã, halɩ t'a sã n wa tẽed t'a yĩngã madgame la a sẽn kiigd a mengã koomã noor a tãabo, rẽ poorẽ t'a pek a yĩngã gilli, a leb n yeelame: maam la Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) d ra yɩɩme n sood laok a yembr pʋgẽ, d fãa lagemda taab n tʋmd beenẽ.