/ Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a ...

Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a ...

Yii a ʿAli nengẽ (Wẽnd yɑrd be ɑ yĩngɑ) a yeelame: Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a tɑoorã la a yõk koom». La a Al-bʋhaari nengẽ: a yeeleme: «yõk koom la f pek f tɑoorã».
B zemsa taab a zugu (A Al-Bʋẖaariy la a Muslim n reeg-a)

Explanation

A ʿAli ɭbn Abʋʋ Ṭaalibe (Wẽnd yard be a yĩnga) kõtɑ kibɑre tɩ ad mazɩ wã yita yẽ nengẽ wʋsgo -rẽ me yaa koom, sẽn yaa peelle, sẽn yaa faoogo, n yaa tabende, a yita tɑoorẽ wã wʋm-noogã sasa, maa taoor tɩ ned na n ka maan kẽed-n-taare-, la yẽ rag n ka mi a sẽn na n maan to-to ne a yiibã ye, t'a zoe yãnd n na n sok Nabiyaamã (Wẽnd pʋʋsg la A tɩlgr be a yĩngɑ), bala yẽnda yaa a Faatima sɩda, Nabiyaamã bi-pugla (Wẽnd pʋʋsg la A tɩlgr be a yĩngɑ), t'a kosa a Miƙdaad ɭbn Al-aswade, t'a sok Nabiyaamã (Wẽnd pʋʋsg la A tɩlgr be a yĩngɑ) yel-kãngã bʋʋdo, tɩ Nabiyaamã (Wẽnd pʋʋsg la A tɩlgr be a yĩngɑ) loek-a t'a pek a tɑoorã rẽ poorẽ t'a yõk koom.

Hadeeth benefits

  1. Hadiisã wilgda Seenna Ali yɩɩdlemã (Wẽnd yard be a yĩnga) bala yãndã ka gɩdg yẽnda n yi sõkrã ye.
  2. Wilgdame tɩ fo tõeeme n leds ned a to f zĩigẽ t'a sok masaalle.
  3. Sakdame tɩ ninsaal togs a mengã sẽn zoet yãnd ne bũmb ninga, sã n yaa mɑnegr n be be.
  4. A wilgda mazɩ wã sẽn yaa rẽgdo la a pekrã sẽn yaa tɩlae yĩngẽ wã la fuugẽ wã.
  5. Wilgdame tɩ Mazɩ wã yiib yaa bũmb sẽn kaood koom.
  6. Yaa tɩlae tɩ f pek taoorã la lan-biis a yiibã, a sẽn wa hadiis a to pʋgẽ wã yĩngɑ.