/ Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka

Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka

Yii a ɭbn ʿAbbaas nengẽ, (Wẽnd yard be b yiibã yĩnga), a yeelame: Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: Ad yaad a yiib-kãensã rãmbã, b namsda b yiibã, la b ka namsd b yiibã yell sẽn yaa bedre yãmb gesg pʋgẽ ye, baa tɩ sã n mikame tɩ yaa bedr Wẽnd nengẽ, la sã n yaa b yiibã yembrã, a rag ka yɩ n ningd a toaaga la a gũus a menga la a futã n yi a rʋʋdmã, a sẽn wat n maand we-kεεng ye, la a yembrã, yẽ rag n yɩɩme n kẽnd ne tẽn-kãn-wẽendem, nebã ne taa sʋka, rẽnd a rag n rɩkda nebã goam n taasd taaba, tɩ yaa sẽn na n nams-ba la yõs-taaba, la a kẽes zaba nebã ne taab sʋka.

Hadeeth benefits

  1. Tẽn-kãn-wẽendã, la bas n ka yɩlgd n yit rʋʋdemã, a bee zũnuub bεdã pʋgẽ, a leb n yaa sabab-rãmb n kẽesd ned yaoog nango.
  2. Wẽnd pãrgame, (A Naam yɩlgame), yel-soaandɩ-rãmb sãnda, sẽn yaa wala yaoogã nango, n wilg Nabiyaamã tɩ yaa sẽn na vẽneg a nabiyaamdemã tagmase (Wẽnd pʋʋsg la A tɩlgr be a yĩngɑ).
  3. Tʋʋm-kãngã Nabiyaamã sẽn maanã, n wedg ra-maasr a yiibã n ning-b yaoogã zugã, yaa sẽn welg zall ne Nabiyaamã (Wẽnd pʋʋsg la A tɩlgr be a yĩngɑ) bala Wẽnd vẽneg-a lame t'a yã yaoogã rãmb halhaalã, rẽnd ka rɩkd n mak ne nin-zẽnga, bala ned baa a yembr ka mi yaadã rãmb halhaal sẽn yaa a soab ye.