/ Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo

Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame: «Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo, la yãmb yembr fãa sã n nek a gõeemẽ, bɩ a reng n pek a nugã taoor t'a na n ka ning-a koomã laok pʋgẽ ye, ad yãmb yembr fãa ka mi a nugã sẽn gãandẽ ye». La a Muslim gom-bilã: «Yãmb yembr fãa sã n wa yik a gõoemẽ bɩ a ra bõr a nugã koomã pʋgẽ ye, halɩ t'a pek-a noor a tãabo, bala yẽ ka mi a nugã sẽn gãandẽ ye».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩngɑ) vẽnegda yɩlgrã bʋʋd sãnda n wilgdẽ, lɑ sẽn be a pʋgẽ: Rẽenem: yaa tɩ ned ning sẽn yõka koom yaa tɩlae ne-a t'a kẽes koomã a yõorẽ wã ne fõogre, rẽ poorẽ t'a lebg n yiis-a ne tusbu. Yiib soaaba: yaa tɩ ned ning sẽn rat n yɩlg rẽgd ning sẽn yita yẽ nengẽ wã tɩ ka tũ ne koom, wala kugã la sẽn wõnd rẽ, rẽnd yẽnda yɩlgrã sõmb n yɩɩ lugum, sẽn paood n yɩɩda yaa noor a tãabo, la sẽn tʋg n zẽk n yɩɩda yaa bũmb ninng sẽn na n yẽes rẽgdã la a yɩlg zĩigã. Tãab soaba: yaa tɩ ned ning sẽn wa n yik a gõeemẽ yʋngo, bɩ a ra sui a nugã koomẽ wã n na n yõk ye, rẽndame t'a reng n pek-a noor a tãabo yɩnga, bala yẽ ka mi a nugã sẽn gãand zĩig ning ye, rẽnd yẽ ka tar bas-m-yam tɩ rẽgd ka be beenẽ ye, tõe meng t'a sʋɩtãan reema ne yẽ nugã, n rɩk bõn-yood sẽn namsd ninsaala n wa yẽ nugẽ wã, maa sẽn sãamd koomã.

Hadeeth benefits

  1. Koomã fõogr yaa tɩlae koomã yõgbẽ, yẽ me: yaa koomã kẽesg yõorẽ wã, sẽn lagem ne fõogre, leb n yaa tɩlae tɩ b tus-a n yiisi, yẽ me: yaa koomã tus n yiisi, sẽn tũ ne fẽesgã.
  2. B bʋʋ nonglem tɩ b yẽes rẽgdã zĩig wɩtre (lugum).
  3. Sãri wã sẽn maan tɩ b pek nus a yiibã noor a tãabo, f sẽn wat n yik gõeemẽ wã yʋngo.