Yii a Abɩɩ Ʋmaama nengẽ t'a yeelame: a ʿAmr ɭbn ʿAbasa (Wẽnd yard be a yĩnga) yeelame t'a wʋma Nabiyaamã (Wẽnd pʋʋsg la A tɩlgr be a yĩnga) t'a yetẽ: «Soabã sẽn wat n yɩɩd pẽnegr ne Yambã yaa yʋn-sʋka, rẽnd ned ning sẽn tõoga n na n yɩ neb nins sẽn tẽegd Wẽnd yʋʋrã wakat-kãngã, bɩ a yɩ».

Yii a Gεrɩɩr ɭbn ʿAbdʋllaah nengẽ, (Wẽnd yard be a yĩnga) a yeelame: Tõnd rag n bee Nabiyaamã nengẽ, (Wẽnd pʋʋsg la A tɩlgr be a yĩngɑ) t'a ges n tʋg kiuugã yʋngo -rat n yeel t'ɑ rasem piig la a naasã rɑɑre- n yeele: « Ad yãmb na n yãa y Soabã, wala yãmb sẽn ne kiu-kãngã wã, la yãmb ka maand sik a yãabã pʋgẽ, la yãmb sã n tʋlla t'a ra wa põsg yãmbã, bɩ y pʋʋs taoor tɩ tɩ wĩndgã na n ka puki la taoor t'a na n ka lʋɩ, bɩ y maane». Rẽ poorẽ t'a kareme: «{la f yɩlg f Soabã yʋʋrã ne pẽka, taoor tɩ wĩntoog na n pa puki, la taoor t'a na n pa lʋɩ ye}».

Yii a Abʋʋ Muusa Al-aš'ʿariy nengẽ, (Wẽnd yard be a yĩnga), tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) a yeelame: «Ned ning sẽn pʋʋsa waood a yiibã, a kẽeda arzãna».

Yii a Gʋndub ɭbn Abdʋllaah Alƙʋsayry nengẽ -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ned ning sẽn wa n pʋʋsa fagirã, yẽ soab bee Wẽnd gũudum pʋgẽ, sã n yaa woto, bɩ y modg tɩ Wẽnd ra wa bao yãmba A alkaoolẽ wã n ka yã ye, tɩ ad ned ning Wẽnd sẽn wa n bao A alkaoolẽ, A paamd-a lame, rẽ poorẽ t'A fũgun a nengã Gεhannem Bugmẽ wã".

Yii a Bʋrayda ɭbn Al-haṣɩɩb nengẽ (Wẽnd yard be a yĩnga) a yeelame: Yãg-y n pʋʋs Laasare, tɩ Nabiyaamã (Wẽnd pʋʋsg la A tɩlgr be a yĩnga) yeelame: «Ned ning sẽn basa Laasar Pʋʋsgo, a tʋʋm lʋɩɩme»

Yii a Anass ɭbn Maalik nengẽ ( Wẽnd yard be a yĩnga): tɩ yii Nabiyaamã, (Wẽnd pʋʋsg la A tɩlgr be a yĩnga) t'a yeelame: «Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye: {yãnes Pʋʋsgã Mɑm yʋʋrã tẽegr yĩnga}: [Toɑhɑɑ: 14]».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-tẽntʋʋm yeelame (Wẽnd pʋʋsg A la tɩlgr be a yĩnga): «Ad Pʋʋsg sẽn yɩɩd toog munaafɩgsã zutu, yaa Sãaf la Fagiri, la b sã n dag n mi sẽn be b yiibã pʋgẽ, b rag n na wa n pʋʋs-ba, baa b na n vũnumame, la mam rag n saagame n na n kɩt tɩ b yals Pʋʋsgã, rẽ poorẽ tɩ m sagl ned t'a pʋʋs ne nebã, la m loog ne neba tɩ b zãad bug-vɩlense, n kẽng neb nins nengẽ sẽn ka wat n seed Pʋʋsgã, n yõog-ba ne b rotã».

Yii a ɭbn Abɩɩ awfaa nengẽ (Wẽnd yard be ɑ yĩngɑ) a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme t'a sã n roog a poorã n yi rukuẽ wã Pʋʋsgã pʋgẽ, a yetame: «(Samiʿ Allaah lɩman hamɩdahʋʋ, Allaɑhumma Rabbɑnɑɑ lɑkɑl-hɑmdʋ, mil'ʋ-ssɑmɑɑwɑɑtɩ wɑl Ardi, wɑ mil'ʋ mɑɑ sɩ'itɑ min sɑy'ɩn bɑ'ad». = Wẽnd wʋma ned ning sẽn pẽg-A wã, d Soɑb ɑ Wẽnde pẽgr be ne Fo, sẽn pit sɑɑsã lɑ tẽngã, lɑ Fo sẽn tʋll bũmb ning fãɑ gilli».

Yii a Hʋzayfat nengẽ, (Wẽnd yard be a yĩnga): Tɩ Nabiyaamã (Wẽnd pʋʋsg la A tɩlgr be a yĩnga) ra yɩɩme n yet suguud-rãmb a yiibã sʋka: «Rabbɩ ɩgfɩr lɩɩ, Rabbɩ ɩgfɩr lɩɩ= (M soɑbɑ! Yaaf-ma. M Soɑbɑ! Yaaf-ma)».

Yii a ɭbn Abaas nengẽ, Wẽnd yard be b yiibã yĩnga: Nɑbiyɑɑmã rɑ yɩɩme (Wẽnd pʋʋsg la A tɩlgr be a yĩnga) n yet Suguud ɑ yiibã sʋkɑ: «Allɑhummɑ ɭgfɩr-lɩɩ, wɑrhɑm-nii, wɑ ʿɑɑfɩ-nii, wɑhdi-nii, wɑrzuƙ-nii».

Yii a Hɩttaan ɭbn Abdʋllaah Ar-raƙaasy nengẽ, a yeelame: mam pʋʋsɑ ne a Abʋʋ Muusa Al-as'ary Pʋʋsg ninga, lɑ a sẽn wa n be zĩndigã zĩigẽ wã, n na n maan sahdã, la ned sẽn zĩnd nebã sʋka n yeele: " b tõka Pʋʋsgã ne manegr la Zaka Alkʋrãanã pʋgẽ". La a Abʋʋ Muusa sẽn wa n sε Pʋʋsgã n ning sallemã, a wẽnegame n yeele: " yaa ãna la sẽn yeel gomdã woto la woto wã?" Tɩ nebã sĩnda. T'a leb n yeele:"yaa ãna la sẽn yeel gomdã woto la woto wã?" Tɩ nebã le sĩndi. T'a Abʋʋ Muusa yeele: " Tõeeme tɩ yaa foom la sẽn yeelã Hɩttaane". T'a Hɩttaan yeele:" mam ka yεεl-a ye, la mam ra yεεsdame tɩ fo na n rɩk-a lame n rolg maam". Tɩ ned zĩnd nebã sʋk n yeele: "yaa maam la sẽn yeel-a wã, la mam rag n ka rate rẽnda neer bala". T'a Abʋʋ Muusa yeele: "Yãmb ka mi bũmb ning yãmb sẽn yet Pʋʋsgã pʋgẽ laa? Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a goma ne tõndo, n vẽneg tõnd d na-kẽndrã n kõ-do la a wilg tõnd d Pʋʋsgã, n yeele: «Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: "Allaahʋ Akbarʋ" bɩ yãmb me yeele: " Allahʋ akbarʋ". A sã n yeele: {Ṣɩrɑɑtɑll-lɑzɩɩnɑ an-ʿamtɑ ʿalɑyhim gɑyril-mɑgdʋʋbi ʿalɑyhim wɑlɑ-ḍḍɑɑllɩɩn (Lɑ pɑ Nɑsɑr-dãmbɑ lɑ Yɑhuud-rãmbɑ sor ye)} [Sʋʋratʋ Al-faatɩha : 7], bɩ y yeel: "Aamiina". Tɩ Wẽnd reegda y yĩnga. A sã n yeele Allaahʋ Akbarʋ n maan Rukuu, bɩ yãmb me yeel Allaah akbarʋ n maan Rukuu wã. Bala limaamã a rengda yãmb n zõondẽ, la a leb n reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd wãnde yaa wa wãnde". la a sã n yeele: «Samiʿa Allah lɩman hamɩdah», bɩ y yeele: "Allahumma Rabbanaa wa lakal-hamdʋ", tɩ Wẽnd wʋmda y yĩnga. Bala Wẽnde, (A Naam yɩlgame n zẽke), A yeelame, sẽn tũ ne A Nabiyaamã zelemde, (Wẽnd pʋʋsg la A tɩlgr be a yĩnga): «Samiʿa Allah lɩman hamɩdah» (Wẽnd wʋma ned ning sẽn pẽg-A, la a sã yeel Allaahʋ Akbarʋ n maan Suguudu, bɩ yãmb me yeel Allaahʋ akbarʋ n maan Suguudu, bala limaamã a rengda yãmb n sulgi la a reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd zĩ-kãngã maanegã yãmb me maanda maan-kãngã", la a sã n be zĩndigẽ wã bɩ yãmb rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahɩ, Assalaamu Alayka Ayyʋhannabiyyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mʋhammadan ʿAbdʋhʋʋ Warasʋʋlʋhʋʋ, (m maanda kaseto tɩ soab sẽn na n tũ n tɩlg ka be tɩ sã n ka Wẽnde, la m maanda kaset t'a Mʋhammad yaa Wẽnd yɑmbɑ lɑ A Tẽn-tʋʋma)».

Yii a ɭbn Masʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã: «At-tahɩyaatʋ Lɩllaahɩ, waṣ-ṣalawaatʋ waṭ-ṭaybaatʋ, assalaamʋ alayka Ayyʋhannabɩyʋ wa rahmatʋllaahɩ wabarakaatʋhʋ, assalaamʋ alaynaa wa ʿalaa ʿɩbaadɩllaah Aṣ-ṣaalɩhɩɩna, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋhʋʋ wa rasʋlʋʋhʋʋ». La wɑɑ Al-bʋhɑɑri lɑ Muslim pʋgẽ gom-biis ɑ tɑɑbɑ, yeelɑme: «Ad Wẽnde, Yẽ la Tɩlgrã (Assalaamu) rẽnd yãmb yembr fãɑ sã n zĩnd Pʋʋsgẽ wã, bɩ a yeele: «At-tahɩyaatʋ lɩllaahɩ, waṣṣalawaatʋ waṭ-ṭaybaatʋ, Assalaamu Alayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣ-ṣaalɩhɩɩna», rẽnd a sã n yeel-a a yel-sõmdã tata Wẽnd yamb sõng fãa sẽn be saasẽ la tẽngẽ, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋʋ wa rasʋʋlʋhʋʋ, rẽ poorẽ, a tũus yẽ sẽn rat n na n bõos bũmb ning fãa, n kose»