/ Ned ning sẽn pʋʋsa waood a yiibã, a kẽeda arzãna

Ned ning sẽn pʋʋsa waood a yiibã, a kẽeda arzãna

Yii a Abʋʋ Muusa Al-aš'ʿariy nengẽ, (Wẽnd yard be a yĩnga), tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) a yeelame: «Ned ning sẽn pʋʋsa waood a yiibã, a kẽeda arzãna».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg lɑ A tɩlgr be ɑ yĩngɑ) pirsdame tɩ b maan nonglem ne waood a yiibã Pʋʋsgo, bãmb me la Fagiri la Laansar Pʋʋsgo, la a kõo sũ-noogr ne ned ning sẽn wa ne b yiibã ne b hakε-rãmbã, sẽn yɑɑ wakatẽ wã la zãmã wã wεεngẽ, la zẽng sẽn ka rẽnda, b yiibã yɩta sabab t'a kẽ arzãna.

Hadeeth benefits

  1. Wilgda gũus Fagir la Laansar pʋʋsg yɩɩdlem sẽn be beenẽ, bala Fagiri a yaa gõe-noogã sasa, la Laansarã yɩta nebã soagl ne b tʋʋmã sasa, rẽnd ned ning sẽn tõoga n gũus b yiibã, a na n gũusa Pʋʋs-rãmb nins sẽn kellã n yɩɩdɑ.
  2. B pʋda Fagir la Laansar Pʋʋsg tɩ waood a yiibu, bala Fagirã Pʋʋsgo yʋngã waood bee beenẽ, la Laansarã Pʋʋsgo wĩntoog waood bee beenẽ, baa tɩ sã n mikame tɩ yaa wakat sẽn yaa tʋʋlgo, na n mikame tɩ yẽnda n são são wĩndgã sẽn dɑ loogã, maa a sẽn pʋd-a woto wã yaa wilb wεεngẽ, wala b sẽn mi n yetẽ: kiis a yiibu, tɩ yaool n yaa wĩndgã la kiuugã la b sẽn ratã.