Yii ɑ Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ yii Wẽnd Tẽn-tʋʋmã nengẽ, (Wẽnd pʋʋsg la A tɩlgr be a yĩnga) a yeelame: «Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu».

Yii a Abɩɩ Ʋmaamat nengẽ (Wẽnd yard be a yĩnga) a yeelame: Wẽnd tẽn-tʋʋmã (Wẽnd pʋʋsg la A tɩlgr be a yĩnga) a yeelame-: «Ned ning sẽn karema Aayat Alkʋrsy, faril fãa poorẽ, bũmb ka gɩdgd a arzãnã kõom rẽnda kũum bala».

Yii a ɭbn ʿƲmar nengẽ, (Wẽnd yard be b yiibã yĩnga), a yeelame: M gũusa Nabiyaamã nengẽ (Wẽnd pʋʋsg la A tɩlgr be a yĩngɑ) rakaar-rãmb piiga: rakaar a yiibu taoor tɩ Zafar na n ka ta, la rakaar a yiibu Zafar poorẽ, la rakaar a yiibu Magrib poorẽ a zakẽ wã, la rakaar a yiibu sãanf poorẽ a zakẽ, la rakaar a yiibu taaor tɩ fagir na n ka pʋʋse, lɑ ɑ ra yaa wakat ned sẽn ka kẽed Nabiyaamã (Wẽnd pʋʋsg la A tɩlgr be a yĩngɑ) nengẽ sasa-kãngã, a Hafsa togsa maam tɩ laandãan boaalã sã n wa boole, tɩ fagirã sã n puki, Nabiyaamã pʋʋsda rakaar a yiibu, lɑ gom-bila a to pʋgẽ a yeelame tɩ Nabiyaamã (Wẽnd pʋʋsg la A tɩlgr be a yĩngɑ) ra yɩɩme n pʋʋsd arzũm poorẽ rakaar a yiibu.

Yii a ʿAbdʋllaah ɭbn Mugaffal nengẽ (Wẽnd yard be a yĩnga) a yeelame: Naniyaamã yeelame (Wẽnd pʋʋsg la A tɩlgr be a yĩnga): «Laandãan-rãmb a yiib sʋk fãa Pʋʋsg n be , laandãan-rãmb a yiib sʋk fãa Pʋʋsg n be». Rẽ poorẽ t'a yeele: «Ne ned ning sẽn tʋlla».

Yii a Abɩɩ Ƙataada As-salamiyy nengẽ, (Wẽnd yard be a yĩnga) tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye».

Yii a Abɩɩ Hʋrayrat nengẽ, (Wẽnd yard be a yĩnga) tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Fo sã n yeel f yaka, arzũmã raare: "sĩndi", tɩ limaamã maand hʋtbã, sɩd la hakɩɩka f reemame».

Yii ɑ ʿɭmrɑɑn ɭbn Hʋṣayn nengẽ (Wẽnd yard be a yĩnga) ɑ yeelɑme: mɑm dɑ tɑrɑ kooko, tɩ mɑm sok Nɑbiyɑɑmã (Wẽnd pʋʋsg la A tɩlgr be a yĩnga) Pʋʋsgã yelle, t'ɑ yeele: «Pʋʋs tɩ f yaa sẽn yãse, f sã n pa tõe, bɩ f zĩndi, f sã n pa tõe, bɩ f kɩlle».

Yii ɑ Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme: tɩ Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) yeelame: «Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala».

Yii a Mahmuud ɭbn Lɑbiid nengẽ (Wẽnd yard be ɑ yĩngɑ): T'a ʿƲsmaan ɭbn ʿAffaan rag n rat n mee miisrã, tɩ nebã kisg rẽnda, la b nongame t'a kell n bas-a a sẽn yaa a soabã, t'a ʿƲsmaan yeele, m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: « Ned ning sẽn me miisr Wẽnd yĩnga, Wẽnd meta a buudu arzãnã pʋga n kõ-a».

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋmã yeelame (Wẽnd pʋʋsg A la tɩlgr be a yĩnga): «Ka tar sẽn yaa sãnem bɩ wanzur soaba, sẽn ka kõta Zaka, rẽndame tɩ dũni yikr raarã b rɩkd-a lame n maan piisds sẽn yaa Bugum sɑ-tʋʋlse, tɩ b wɩng-a Gεhannem pʋgẽ wã, n rɩk-a n piis a lʋgã la a rĩirã la a poorã, a sẽn maag fãa la b sẽn lebsd-a, raarã woglem yaa yʋʋm tus-pis-nu. Halɩ tɩ b wa bʋ yembsã ne taab sʋka, t'a yã a sorã, maa tɩ yaa arzãnã maa Bugmã».

Yii ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- yii Wẽnd Tẽn-tʋʋmã nengẽ, -Wẽnd pʋʋsg la A tɩlgr be a yĩnga- a yeelame-: "Sara ka boogd arzεk ye, la Wẽnd ka paasd yamba ne a sẽn na n maan bas tɩ looge rẽndame tɩ yɩ zɩslem bala la ned ka yɩ n na n gãneg a meng Wẽnd yĩnga rẽndame tɩ Wẽnd zẽk-a".

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Wẽnd yeelame: Adam biiga, yãk n nafe, tɩ M na kõ-fo».