Yii a Abɩɩ Hʋrayrat nengẽ, (Wẽnd yard be a yĩnga) a yeelame: Wẽnd Tẽn-tʋʋmã ra yɩɩme (Wẽnd pʋʋsg la A tɩlgr be a yĩngɑ) n kot n yetẽ: «Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl».= (M Soab a Wẽnde, m kota Foom gũudum n yi yaoogã namsgã, la Bugmã mansgo, la vɩɩm la kũum zarb-n-gesgã (fɩtna), la ɑ-Masɩɩh ddaggεεl zarb-n-gesgã). La bee Muslim gom-biisã pʋgẽ: «yãmb yemb kɑm fãa sã n wa sε sahd baasdgã, bɩ a kos gũudum ne Wẽnde, n yi yεl a naase: n yi Gεhannem namsgã, la yi yaoogã namsgã, la vɩɩmã la kũumã namsgã, la ɑ Masɩɩhɩ addagεεlɩ wẽnga».

Yii a Ma'ʿadaan ɭbn Abɩɩ Ṭalha Al-ya'ʿamary nengẽ, a yeelame: M sεga a Saobaan sẽn yaa Wẽnd Tẽn-tʋʋma neema lalldã (Wẽnd pʋʋsg la A tɩlgr be a yĩnga) tɩ mam yeel-a: kõ maam kibar ne tʋʋmde tɩ Wẽnd kẽes mɑɑm arzãnã a sabab, t'a sĩndi, tɩ mam sok-a, t'a sĩndi, rẽ poorẽ tɩ mam sok-a noor a tãabo, t'a yeele: mam soka Wẽnd Tẽn-tʋʋma (Wẽnd pʋʋsg la A tɩlgr be a yĩnga) yel-kãngã t'a yeele:«Modg n maan suguud wʋsg Wẽnd yĩnga, ad fo ka maand suguud a yembr Wẽnd yĩnga, rẽndame tɩ Wẽnd zẽk fo dargε ne-a, la A lub fo tʋʋm tuuti ne-a». A Ma'ʿadaan yeelame: rẽ poorẽ mam sεga a Abaa Dardaa'a, tɩ mam sok-a t'a yeel maam wala a Saobaan sẽn yeel maamã.

Yii a ʿAaɩša nengẽ (Wẽnd yard be a yĩnga) a yeelame: ad mam wʋma Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) t'a yetẽ: «Pʋʋsg ka be tɩ rɩɩb sã n rɩgl ye, pa we-kεεng me sẽn na sẽk-a ye».

Yii ɑ ʿƲsmaan ɭbn Abɩɩ ʿAl-aaṣ nengẽ (Wẽnd yɑrd be ɑ yĩngɑ): T'a waa Nabiyaamã nengẽ (Wẽnd pʋʋsg la A tɩlgr be a yĩnga) n yeele: Wẽnd Tẽn-tʋʋmã, ad a sʋɩɩtãan gɩdga maam ne m Pʋʋsgã la m karengã sʋka, n liibd maɑm, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo», a yeelame, tɩ mam maan woto, tɩ Wẽnd rig-a n yi maam.

Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋm (pʋʋsg la tɩlgr be a yĩng) yeelame-: «Nebã sẽn yɩɩd wẽng ne wagdem yaa ned ning sẽn zuuda a Pʋʋsgã pʋgẽ».. Tɩ b yeele: a na n zu a Pʋʋsgã wãn-wãnã? T'ɑ yeele: «a ka pidsda a rukuu wã, ka a suguudã».

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame: «Yãmb yembr fãa ka yεεsd t'a sã n reng limaamã n roog a zugã, tɩ Wẽnd nɑ n maan a zugã tɩ lebg bõang zugu, maa A maan a yĩngã tɩ lebg bõang yĩnga».

Yii a Abɩɩ Saʿʿɩɩd Al-ẖʋdriy nengẽ, (Wẽnd yard be a yĩnga), a yeelame, Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Yãmb yembr fãa sã n maan sik a Pʋʋsgẽ, n ka mi yẽ sẽn pʋʋsã yaa wãnɑ, tãab bɩ naase, bɩ a yãk sikã tεk n lobe, la a rogl yẽ sẽn tar bas-m-yamã zugu, rẽ poorẽ bɩ a maan suguud a yiibu taoor t'a na n ka ning sallem, sã n da mikame t'a Pʋʋsgã yaa a nu, suguud sahwiwã (yĩmbã suguudã) na n sũgsã a Pʋʋsgã n manege, la sã n mikame t'a sẽn pʋʋsã yaa sẽn pid naase, suguud a yiibã yɩta a sʋɩtãan yõ-tẽgre».

Yii ɑ Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme: tɩ Nabiyaamã (Wẽnd pʋʋsg la A tɩlgr be a yĩnga) yeelame: «Raar sõmblem, wĩndgã sẽn puk a zugu, yaa arzũm raare, a pʋgẽ la b naan a Ādema, a pʋgẽ la b kẽes-a arzãna, a pʋgẽ la b yiis-a arzãnẽ wã, la dũni pa yikdi rẽnda arzũm raare».

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde, la ned ning sẽn kẽnga wakɑt a yiibã, yaa wala a maana doaag ne naafo, la ned ning sẽn kẽnga wakat a tãabã, yaa wala a maana doaag ne pesg sẽn tar yɩɩla, la ned ning sẽn kẽnga wakat a naasã, yaa wala a maana doaag ne noaaga, la ned ning sẽn kẽnga wakat a nu wã, yaa wala a maana doaag ne gelle, la limaamã sã n yi malεgsã watame n kelgd Tẽegrã».

Yi ɑ Tɑwbɑɑn nengẽ (Wẽnd yard be a yĩnga) ɑ yeelɑme: Wẽnd Tẽn-tʋʋm rɑ yɩɩme (Wẽnd pʋʋsg la A tɩlgr be a yĩnga) t'ɑ sã n sɑ ɑ Pʋʋsgã ɑ mɑɑndɑ Astɑgfɩrʋ-Llɑɑh noor ɑ tãɑbo, lɑ ɑ yeele:« Allɑhʋmmɑ Antɑ-Ssɑlɑɑm, wɑ minkɑ-ssɑlɑɑm, tɑbɑɑrɑktɑ zɑl-gεlɑɑlɩ wɑl-ɩkrɑɑm», ɑ Wɑlɩɩd yeelɑme: tɩ mɑm yeel ɑ Awzɑɑ'ʿy: Astɑgfɩrʋ-Llɑɑh wã yɩtɑ wãn-wãnɑ? T'ɑ yeele: yetɑme: ɑstɑgfɩrʋ-Llaɑh, ɑstɑgfɩrʋ-Llaɑh.

Yii a Abɩɩ Az-zʋbayr nengẽ, a yeelame: A ɭbn Az-zʋbayr rag n yɩɩme n yet Pʋʋsg fãa poorẽ, a sẽn wat n ning sallem "Laa ɩlaaha ɩllallaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, laa hawla walaa ƙʋwwata ɩllaa billaah, laa ɩlaaha ɩllallaahʋ, walaa na'ʿabʋdʋ ɩllaa ɩyyaahʋ, luhu-anii'ʿmatʋ, wa lahʋl faḍlʋ, wa lahʋʋ aṯ-ṯanaa'ʋ al-hasanu, laa ɩlaahɑ ɩllallaahʋ muẖliṣiina, lahʋ-ddiina, wa law kariha Al-kaafɩrʋʋna= soab sẽn na n tũ n tɩlg ka be rẽnda Wẽnde, Yẽ n so Naamã la Pegrã, A yaa Tõogd ne bũmbã fãa gilli, sẽn na n maaneg ka be, pãng ka be, rẽnda ne Wẽnde, soab sẽn na n tũ n tɩlg ka be rẽnda Wẽnde, d ka tũud rẽnda Yẽnda, Yẽ n tar neemã wã, Yẽ n tar yɩɩdlemã, Pẽgr sẽn be neer yaa Yẽ n so, soab sẽn na n tũ n tɩlg ka be rẽnda Wẽnde, d yɩlga dĩinã ne-A baa tɩ kɩfr-rãmbã sã n kisa" La a yeele: «Wẽnd Tẽn-tʋʋma, (Wẽnd pʋʋsg la A tɩlgr be a yĩnga) rag n yɩɩme n yet bãmbã Pʋʋsg fãa poorẽ».

Yii a Warraad nengẽ, sẽn yaa a Mugɩɩra ɭbn Sʋ'ʋba tẽn-tʋm-gʋlsdã, a yeelame: a Sʋ'ʋba togsa maam goam tɩ mam na n gʋls tɩ kẽng a Mu'aawɩya nengẽ: Tɩ Nabiyaamã (Wẽnd pʋʋsg la A tɩlgr be a yĩnga) a yɩɩme n rag n yet faril fãa Pʋʋsg poorẽ: «laa ɩlaaha ɩlla-Llɑahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, allaahʋmma laa maanɩ-ʿa lɩmaa aʿaṭayta, walaa mʋʿʋṭɩya lɩmaamana-ʿata, walaa yanfa-ʿʋ zalǧaddɩ minka alǧaddʋ».