Yii ɑ ʿƲsmɑan nengẽ (Wẽnd yɑrd be ɑ yĩngɑ) ɑ yeelɑme: Mɑm wʋmɑ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'ɑ yetẽ: «Lɩslaam ka be sẽn na n wa faril Pʋʋsgo, n maneg a koomã yõgbo, la a maan yĩn-yõgnego a Rukuu wã, rẽndame tɩ Pʋʋsgã yɩ n yaa zũnuub yaafgo, zũnuub-rãmb nins sẽn reng Pʋʋsgã taoorã, t'a sã n ka tʋm zũnuub bedre, la rẽnda yaa a vɩɩmã gill pʋgẽ».

Yii ɑ Abɩɩ Hʋrɑyrɑt nengẽ- Wẽnd yɑrd be ɑ yĩngɑ- tɩ Wẽnd Tẽn-tʋʋmɑ(Wẽnd pʋʋsg la A tɩlgr be a yĩnga) ɑ rɑ yɩ n yetɑme: «Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã».

Yii a ʿAmr ɭbn Šʋʿayb nengẽ, tɩ yii a baabã nengẽ, tɩ yii a yaab nengẽ: a yeelame: Wẽnd Tẽn-ntʋʋmã, (Wẽnd pʋʋsg la A tɩlgr be a yĩnga) yeelame: «Sagl-y y koambã tɩ b pʋʋse, tɩ b sã n wa tar yʋʋm a yopoe, la y pãb-ba Pʋʋsgã yĩnga tɩ b sã n wa yaa yʋʋm piig koamba, la y welg-b ne taab sʋka, gãasẽ wã».

Yii a Abɩɩ Hʋrayrat nengẽ, (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: «Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a, rẽnd Mam yambã sã n yeele: {Al-Hamdu lɩllaahɩ Rabbil- ʿaalamiin, =Pẽgr tiging be ne Wẽnde sẽn yɑɑ bõn-naandsã Nɑɑbã}. la Wẽnd sẽn yete: Mam yambã pẽga Maam. La a sã n yeele: {Ar-Rahmɑɑni Arrahɩmi, =Sẽn yɑɑ dũni gũbg-n-yols Nɑɑbã, n yɑɑ yɑoolem raar welg-n-yols Nɑabã}, La Wẽnd sẽn yete: Mam yambã soeesa Maam. La a sã n yeele: {Maalɩkɩ yawmɩ addiin, = n yɑɑ dĩinã rolb rɑɑr Nɑɑbã}, la A sẽn yete; Mam yambã waooga Maam. La Nabiyaamã yeela noor a yembre: Mam yambã rɩka a yellã n boblg Maam. La yambã sã n yeele: {ɭyyaka na' ʿabudu wa iyyaka nasta'ʿiin= Foo bɑl lɑ d tũudɑ, lɑ Foo bɑl lɑ d kot sõngre}, la A sẽn yete: wã yaa Maam la M yambã sʋka, la Mam yambã sẽn kos bũmb ningã a na paame. La a sã n yeele: {Ihdinaa'ṣ-ṣɩraaṭa al-mustaƙɩɩm Ṣiraaṭa'llaḏɩɩna anʿamta ʿalayhim, gayril-mag duubi ʿalayhim wala'ḍḍaallɩɩn =kãndg-d n tʋg so-tɩrgẽ wã; Fo sẽn mɑɑn neemã n kõ-b rãmbã sorã, zẽng sẽn pɑ b sẽn gẽ-b rãmbã lɑ sẽn menemdbã sorã ye}, la Wẽnd sẽn yete: wõnde yaa Mam yambã nengẽ, la Mam yambã sẽn kos bũmb ning n rat fãa gilli, a na paame».

Yii a Bʋrayda nengẽ (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame: «Ad alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame».

Yii a Gεεbir nengẽ (Wẽnd yard be ɑ yĩngɑ) ɑ yeelɑme: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) t'ɑ yetẽ: «Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo».

Yii a Saalim ɭbn Abɩɩ Gε’ɩd nengẽ, a yeelame, tɩ raoa n yeele: m sã n paam n pʋʋsẽ, n vʋʋse, tɩ yaa wala neb nins sẽn be ne-a wã, b zanga yel-kãngã t'a yeele : m wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga) t’a yetẽ: «A Bilaale, yals Pʋʋsgã, pems-d ne-a».

Yii a Abɩɩ Hʋrayrat nengẽ, (Wẽnd yard be a yĩnga), a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n yeel Allaahʋ akbarʋ Pʋʋsgẽ, a sĩndida bilfu, taoor t'a na n ka sɩng karengã ye, tɩ mam yeele: Wẽnd Tẽn-tʋʋmã, m na rɩk m ba wã la m ma wã n yao n fãag fo yõorã, kõ maam kibare; fo sĩndgã Allaahʋ Akbarʋ wã la f karengã sʋka, yaa bõe la f yeta? T'a yeele: "Mam yetame: «M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuutɩ wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuutɩ wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad».

Yii a ɭbn ʿƲmar nengẽ (Wẽnd yard be b yiibã yĩnga) : tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a rag n zẽkda a nus a yiibã n zems a bãgdã, t'a sã n pak Pʋʋsgã, la a sã n maan Allaah Akbarʋ n na n kẽng Rukuuẽ wã, la a sã n leb n roog a zugã n yi Rukuuẽ wã, a zẽkda a nus a yiibã yεsa, n yeele: «Samiʿa Allahu lɩman hamɩdah, Rabbanaa walakal-hamdʋ» la a ra yɩɩme n ka maand woto Suguudẽ wã ye.

Yii a ʿƲbaadat ɭbn Ṣaamit nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a yeelame: «Pʋʋsg pa be ne ned ning sẽn pa karma Gafã pakdgã ye».

Yii a Abɩɩ Hʋrayrat nengẽ, (Wẽnd yard be a yĩnga): T'a ra yɩɩme (Wẽnd pʋʋsg la A tɩlgr be a yĩnga) n maan "Allaahʋ Akbarʋ" Pʋʋsg fãa sẽn yaa tɩlae la zẽng sẽn ka tɩlae, Ramadaanã pʋgẽ la zẽng sẽn ka Ramadaane, rẽnd a yetame tɩ "Allaahʋ Akbarʋ" a sẽn wat n yik n yalsã, rẽ poorẽ t'a yeel "Allaahʋ Akbarʋ" a sẽn wat n tiuul rukuẽ wã, rẽ poorẽ t'a yeel "Sami Allaahʋ lɩman Hamidah", rẽ poorẽ t'a yeel "Rabbanaa walakal hamdʋ" taoor t'a na n ka maan suguudu, rẽ poorẽ t'a yeel « Allaahʋ Akbarʋ" a sẽn wat n sulgdẽ n nɑ n maan suguudã, rẽ poorẽ t'a yeel "Allaahʋ Akbarʋ" a sẽn wat n rõogd suguudẽ wã, rẽ poorẽ t'a yeel "Allaahʋ Akbarʋ", rẽ poorẽ t'a yeel tɩ "Allaahʋ Akbarʋ" a sẽn wat n roog n yit suguudẽ wã, rẽ poorẽ t'a yeel "Allaahʋ Akbarʋ" a sẽn wat n zĩnd rakaar a yiibã n na n yikã. A maanda woto rakaar fãa gill pʋgẽ, halɩ tɩ Pʋʋsgã wa sε. Rẽ poorẽ t'a Abʋʋ Hʋrayrat yeel a sẽn wa n rat n loogã: "m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni".

Yii a ɭbn ʿAbbaas nengẽ (Wẽnd yard be b yiibã yĩnga), tɩ yii Nabiyaamã nengẽ, (Wẽnd pʋʋsg la A tɩlgr be a yĩngɑ) a yeelame: «B sagla maam tɩ m maan suguud kõb a yopoe zugu: rĩirẽ wã, la a rɩk a nugã n tees a yõorẽ, la nus a yiibã, la rũm a yiibã, la na-kugã kɩremse, la d ra kool d futã la d zoobdã ye».