/ B sagla maam tɩ m maan suguud kõb a yopoe zugu

B sagla maam tɩ m maan suguud kõb a yopoe zugu

Yii a ɭbn ʿAbbaas nengẽ (Wẽnd yard be b yiibã yĩnga), tɩ yii Nabiyaamã nengẽ, (Wẽnd pʋʋsg la A tɩlgr be a yĩngɑ) a yeelame: «B sagla maam tɩ m maan suguud kõb a yopoe zugu: rĩirẽ wã, la a rɩk a nugã n tees a yõorẽ, la nus a yiibã, la rũm a yiibã, la na-kugã kɩremse, la d ra kool d futã la d zoobdã ye».
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩngɑ) vẽnegame tɩ Wẽnd sagl-a lame t'a maan suguud yĩn-wil a yopoe zugu, la bãmba me: Rẽenem: yaa rĩirã: yẽ me la nengã, sẽn be yõora la nin a yiibã yĩngrã, La Nabiyaamã (Wẽnd pʋʋsg la A tɩlgr be a yĩngɑ) rɩk a nugã n tees a yõorã, n wilgdẽ tɩ rĩirã la yõorã yɑɑ yĩn-will a yembr sẽn be yĩn-wil a yopoe wã pʋgẽ, la leb n kengd tɩ suguud maan yõorã sõmb n sɩɩsa tẽngã. Yĩn-wil a yiib soab la tãab soaba: yaa nus a yiibã. Naas la nu soaba: yaa rũm a yiibã. Yoob la yopoe soaba: yaa na-kãdem a yiibã no-biisã. La a sagl tõnd tɩ d ra sẽbg d zoobdã maa d kool d futã suguudã maaneg sasa, n rat n na n gũus-ɑ tɩ ra ta tẽngã ye, b basd-b lame tɩ b ta tẽngã n maan suguud n lagem yĩn-wilã.

Hadeeth benefits

  1. Wilgdame tɩ yaa tɩlae tɩ b maan suguud yĩn-wil a yopoe wã zugu.
  2. Kisame tɩ ned wa kool a fuugu la a kok a zoobd Pʋʋsgẽ wã.
  3. Yaa tɩlae ne pʋʋsda t'a tall yĩn-yõgneg Pʋʋsgẽ wã, la rẽnda yaa a sẽn na n rɩgl Pʋʋsgã yĩn-wil a yopoe wã tẽngã, n tabl beenẽ, halɩ n wa tʋg n yeel kareng ning sẽn yet be wã gilli.
  4. Sẽn gɩdg tɩ b ra kok zoobdã yaa raoapã bala, ka lagem pagbã ye, paga a Pʋʋsg pʋgẽ, b sagla yẽndã t'a lud a yĩnga.