Ṣahaabga a Abʋʋ Muusa Al-as'ary (Wẽnd yard be a yĩnga) a pʋʋsa Pʋʋsg ninga, a sẽn wa n be zĩndigã zĩigẽ wã, b sẽn maandẽ sahdã, la ned sẽn zĩnd poorẽ wã n yeele: "b tõka Pʋʋsgã ne manegr la Zak Alkʋrãanã pʋgẽ". La a Abʋʋ Muusa sẽn wa n sε Pʋʋsgã, a togl pʋʋsdbã n sok-ba: "yaa ãna la sẽn yeel tɩ b tõka Pʋʋsgã ne manegr la Zak Alkʋrãanã pʋgẽ wã?! Tɩ nebã sĩnda, ned baa a yembr ka gom ye, t'a leb n yɩlem sokrã, rẽnd ned baa a yembr sẽn ka loekã, la a Abʋʋ Muusa sẽn yeele: " Tõeeme tɩ yaa foom la sẽn yeelã a Hɩttaane". Bala a yaa a pẽt-n-taaga la a tõk-n-taaga, rẽnd a Abʋʋ Muusa rõdb pa namsd-a ye, la yaa sẽn na yɩl tɩ ned ning sẽn maanã hakɩɩkã sak n reeg a zugẽ tɩ yaa yẽ, rẽnd a Hɩttaan kɩɩsame t'a ka yeel ye, la a yeele: "la mam ra yεεsdame tɩ fo na n sãbsa maam n tẽed tɩ yaa maam n yeele. Tɩ ned zĩnd nebã sʋk n yeele: "yaa maam la sẽn yeel-a wã, la mam rag n ka rate rẽnda neer bala". T'a Abʋʋ Muusa yeele, n na n wilg-ba: "Yãmb ka mi bũmb ning yãmb sẽn yet Pʋʋsgã pʋgẽ laa?" Wãnde yaa b halhaalã kɩɩsgo, n neẽ tɩ woto rag n ka sõmb n yɩ ye, rẽ poorẽ t'a Muusa togs-ba tɩ Nabiyaamã (Wẽnd pʋʋsg la A tɩlgr be a yĩnga) a goma ne bãmbã raar a yembre, n vẽneg n wilg bãmbã b sãri wã la a karem bãmbã b Pʋʋsgã sẽn yet to-to, n yeele, (Wẽnd pʋʋsg la A tɩlgr be a yĩnga): "Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ ned zĩnd yãmb sʋkã n pʋʋs-ya, rẽnd limaamã sã n yeele: "Allaahʋ Akbarʋ", ningɑ sẽn kẽed Pʋʋsgã ne-ɑ wã, bɩ yãmb me yeele: " Allahʋ akbarʋ" wala a sẽn yetã. A sã n karem Alhamdã n wa tãag: {Ṣɩrɑɑtɑll-lɑzɩɩnɑ an-ʿamtɑ ʿalɑyhim gɑyril-mɑgdʋʋbi ʿalɑyhim wɑlɑ-ḍḍɑɑllɩɩn (Lɑ pɑ Nɑsɑr-dãmbɑ lɑ Yɑhuud-rãmbɑ sor ye)} [Sʋʋratʋ Al-faatɩha : 7], bɩ y yeel: "Aamiin". rẽnd yãmb sã n maan woto, Wẽnd reegda y kosgã la y tũudmã. A sã n yeele "Allaahʋ Akbarʋ" n maan Rukuu, yãmb me yeel Allaah akbarʋ n maan Rukuu wã. Bala limaamã a rengda yãmb n zõonde, la a leb n reng yãmb n rooge, bɩ y ra yãg ye, bala wakat ning limmamã sẽn reng yãmb n maan Rukuu wã, yɑoogdɑ yãmbɑ tɩ y pɑɑm n yaoolg ruukuu wã, a sẽn roogã poorẽ bilfu, rẽnd reng-kãngɑ rolb lɑ yɑool-kãngã, tɩ yãmb rukuu wã woglem lebg wala yẽ rukuu wã woglem. La limaamã sã n yeele: «Samiʿa Allah lɩman hamɩdah», bɩ y yeele: "Allahumma Rabbanaa wa lakal-hamdʋ". Rẽnd pʋʋsdbã sã n yeel woto, ad Wẽnde, (A Naam yɩlgame), A wʋmda b kosgã la b koεεgã. Bala Wẽnde, (A Naam yɩlgame n zẽke), A yeelame, sẽn tũ ne A Nabiyaamã zelemde: «Samiʿa Allah lɩman hamɩdah» (Wẽnd wʋma ned ning sẽn pẽg-A, la limaamã sã n yeel Allaahʋ Akbarʋ n maan Suguudu, bɩ sẽn be-b poorẽ wã me yeel Allaahʋ akbarʋ n maan Suguudu, bala limaamã a rengda bãmb n sulgi la a reng bãmb n rooge, rẽnd zĩ-kãngã maanegã bãmb me maanda maan-kãngã, tɩ limaamã suguudã woglemã me yɩ wala maa'muun-rãmbã suguudã woglem, rẽnd a sã n wa be zĩndigẽ wã, n na n maan sahdã, bɩ pʋʋsdã rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahɩ, Assalaamu ʿAlayka Ayyʋhannabiiyʋ wa rahmatʋllaah wabarakaatʋhʋʋ, ʿAssalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mʋhammadan ʿAbdʋhʋʋ Warasʋʋlʋhʋʋ, (Pʋʋs-rãmb sẽn yaa yɩlgemd be ne Wẽnde, rẽnd Naamã la Kelgã la Zɩslemã, fãa sõmba ne Wẽnd A Yembre, woto bala Pʋʋs-rãmb a nu wã gilli, yaa Wẽnd A Ye yĩnga. Bɩ y kos laafɩ n yi zang la boogr la sãang fãa, ad tõnd welga d Nabiyaamã a Mʋhammad (Wẽnd pʋʋsg la A tɩlgr be a yĩnga) ne pʋʋsg la tɩlgre, rẽ poorẽ tɩ d pʋʋs d mense, rẽ poorẽ tɩ d pʋʋs Wẽnd yemb sõmsã, sẽn yas ne bũmb ning sẽn yaa tɩlae n zao b zugã, sẽn yaa Wẽnd hakε-rãmbã, la A yembsã hakε-rãmbã, rẽ poorẽ, d manda kaseto tɩ soab sẽn na n tũ n tɩlg ka be tɩ sã n ka Wẽnde, la d maanda kaset t'a Mʋhammad yaa Wẽnd yamba la A Tẽn-tʋʋma.