/ Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam

Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam

Yii a ʿAbdʋllaah ɭbn ʿAmbr nengẽ (Wẽnd yard be b yiibã yĩngɑ) t'ɑ wʋma Nabiyaamã (Wẽnd pʋʋsg la A tɩlgr be a yĩngɑ) t'ɑ yetẽ: «Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam, ad ned ning sẽn pʋʋsa maam pʋʋsg a yembre, Wẽnd rond-a lame ne pʋʋsg-kãngã, pʋʋsg piiga, rẽ poorẽ bɩ y kos Naab A Wẽnd dargε zẽnkdgã n kõ-mɑ, bala a yaa dargε sẽn be arzãn pʋgẽ, ned ka sõmb ne-a rẽnda yamb a yembr sẽn yi Wẽnd yembsã pʋgẽ, tɩ mam nong n rat tɩ yɩ maam, rẽnd ned ning sẽn kosa dargε zẽkdgã n kõ maam, mam sugsgã na n paama a soabã».
A Muslim n togs-a

Explanation

Nabiyaamã (Wẽnd pʋʋsg la A tɩlgr be a yĩnga) a wilgda ned ning sẽn wʋmda laandãan boaandã, t'a yeel n pʋg-a wala a sẽn yetã, sã n ka: Hayya'alaa" a yiibã, a sã n yeel rãndã, yẽ yetame: " Laahawla walaa ƙʋwwata ɩllaah billaah", rẽ poorẽ t'a pʋʋs Nabiyaamã (Wẽnd pʋʋsg la A tɩlgr be a yĩnga) a sẽn wat n sε laandãanã, rẽnd ned ning sẽn pʋʋsa Nabiyaamã (Wẽnd pʋʋsg la A tɩlgr be a yĩnga) pʋʋsg a yembre, Wẽnd pʋʋsda a yĩnga, pʋʋs-rãmb piiga, la Wẽnd pʋʋs A yambã võore, yaa A sẽn na n pẽgd a yambã Malεgsẽ wã. Rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) sagle tɩ b kos Wẽnde, dargε zẽkdgã n kõ-a, yẽ me yaa dargε sẽn be arzãnã pʋgẽ, yẽ n tʋg n yɩɩd ne zẽkre, a ka sõmbe, rẽnda ne Wẽnd sẽn yols dargε-kãngã n kõ yamb ningã, a yembr tãa Wẽnd yembsã fãa gill pʋgẽ, (A Naam zẽkame), la mam tẽedame tɩ Nabiyaamã (Wẽnd pʋʋsg la A tɩlgr be a yĩnga), a yeela rẽnda gãneg m menga, bala sã n mikame tɩ dargε zẽkdg-kãng ka na n yɩ rẽnda nin-yεnga, nin-kãng soaba ka yɩt zẽng rẽnda yẽnda, (Wẽnd pʋʋsg la A tɩlgr be a yĩngɑ) bala yaa yẽnd la bon-naandsã sẽn yɩɩd zɩslem. Rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) vẽneg n wilgd tɩ ned ning sẽn kos n kõ Nabiyaamã (Wẽnd pʋʋsg la A tɩlgr be a yĩngɑ) dargε zẽkdgã, yẽnda sugsgã na n paam-a lame, (Wẽnd pʋʋsg la A tɩlgr be a yĩnga).

Hadeeth benefits

  1. Hadiisã kengdame tɩ b togs laandãanã n yeendẽ.
  2. A wilgda Nabiyaamã (Wẽnd pʋʋsg la A tɩlgr be a yĩnga) yɩɩdlem, b sẽn pʋʋsd-a laandãanã togsg poorẽ.
  3. A pirsdame tɩ b kos Wẽnde dargε zẽkdg n kõ Nabiyaamã (Wẽnd pʋʋsg la A tɩlgr be a yĩngɑ) b sẽn ṣall-a poorẽ.
  4. Hadiisã wilgda dargε zẽkdga (roadgã) sẽn yaa a soaba la a yellã sẽn zẽk n ta to-to, bala a ka sõmbe rẽnda yamb a yembr tãa.
  5. A wilgda Nabiyaamã (Wẽnd pʋʋsg la A tɩlgr be a yĩnga) yɩɩdlemã, bɑlɑ Wẽnd welgɑ dargε zẽkdg-kãngã n kõ-a.
  6. Wilgdame tɩ ned ning sẽn kos dargε zẽkdgã, n kõ Nabiyaamã (Wẽnd pʋʋsg la A tɩlgr be a yĩnga) sugsgã paamd-a lame.
  7. A wilgda Nabiyaamã (Wẽnd pʋʋsg la A tɩlgr be a yĩnga) gãneg-m-menga, ne ɑ sẽn bao a poorẽ rãmbã tɩ b kos dargε-kãngã n kõ-a, n lagem ne a pʋs n nɑ n yɩɩ yẽ nengẽ wã.
  8. Wẽnd yɩɩdlemã la a yolsgã sẽn yalmã, bala tʋʋm-sõng a yembr yaoob yɑɑ yel-sõmd piiga.