/ ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse

ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse

Yii a ʿAɑɩša sẽn yaa muumin-rãmbã ma wã nengẽ, (Wẽnd yard be a yĩnga), t’a Faatɩmat Bint Abɩɩ Hʋbayš sok Nɑbiyɑɑmã, (Wẽnd pʋʋsg la A tɩlgr be a yĩngɑ) n yeele: Ad mam yãta Pekre, tɩ ka wãagdẽ ye, rẽ yĩnga, mam basda Pʋʋsg bɩɩ? Tɩ Nabiyaamã yeele: «ayo, ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse».
B zemsa taab a zugu (A Al-Bʋẖaariy la a Muslim n reeg-a)

Explanation

A Faatɩma Bintu Hʋbayš, soka Nabiyaamã (Wẽnd pʋʋsg la A tɩlgr be a yĩngɑ) n yeele: ad zɩɩmã ka basd maam ye, a kelledame n tongdẽ halɩ rasem-rãmb nins sẽn ka haydã wakatã fãa pʋgẽ, la rẽ yĩnga yẽ me bʋʋdã yɩta pekrã bʋʋdo, tɩ m basd Pʋʋsgã bɩɩ? Tɩ Nabiyaamã (Wẽnd pʋʋsg la A tɩlgr be a yĩngɑ) yeel-a, ad yẽnda yaa kaadg (bãag) zɩɩm, t'a sababã yaa gĩindi n fãsg rogsẽ wã la ka Pekr zɩɩm ye, rẽnd haydã wakat ning fo sẽn da yãt haydã a pʋgẽ wã, fo kiuugã fo sẽn da mi, taoor tɩ kɑɑdgã bãagã na n ka yõk foomã, bɩ f geel rẽ tεk n bas Pʋʋsgã, la no-loeerã, la zẽng sẽn ka b yiibã, sẽn gɩdgd ne Pekr soaba, a Pekrã wakatã. La wakat-kãng sã n sε, rẽnd fo yɩlgame n yi haydã, bɩ f pek zɩɩmã zĩigẽ, rẽ poorẽ bɩ f pek f yĩngã fãa gilli, n zẽk Pekrã rẽgdã, rẽ poorẽ bɩ f pʋʋse.

Hadeeth benefits

  1. Wilgda koom soob sẽn yaa tɩlae ne paga, t'a Pekrã rasem-rãmb sã n wa sε.
  2. A wilgda Pʋʋsg sẽn yaa tɩlae n zao kaad (bãad) poaka.
  3. Pekrã yaa zɩɩm sẽn ka bãɑg zɩɩm, tɩ rogsã n tusd-a t'a yit pag taoorẽ a sẽn wat n ta baalika, tɩ paamd-a rasem-rãmb pʋs sẽn welge.
  4. Kaadgã (bãagã): yaa zɩɩmã sẽn na n kĩigdẽ tɩ ka a wakat ye, la yẽ yita rogsã noorẽ, ka a yaangã ye.
  5. Welgr sẽn be Pekr zɩɩm la kaadg zɩɩm sʋka, yaa tɩ Pekrã zɩɩmã yaa sabelle, n yaa taoko, n tar yũ-yooko, la sã n yaa kaadgã zɩɩmã yẽ yaa miuugu, n yaa faoogo, a ka tar yũug sẽn yaa wẽng ye.