/ Bas-ba tɩ mam wid-b lame tɩ b yaa yɩlma

Bas-ba tɩ mam wid-b lame tɩ b yaa yɩlma

Yii a Al-Mugiirat nengẽ, (Wẽnd yard be a yĩnga), a yeelame: Mam da bee ne Nabiyaamã (Wẽnd pʋʋsg la A tɩlgr be a yĩngɑ) so-toɑkẽ, tɩ mam sulg n na n foog a na-wʋʋd a yiibã, t'a yeele: « Bas-ba tɩ mam wid-b lame tɩ b yaa yɩlma» tɩ Nabiyaamã saag b yiibã.
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã (Wẽnd pʋʋsg la A tɩlgr be a yĩngɑ) ra yɩɩme, a so-toagsã sãnda n yõgd koom, la a sẽn wa n ta nao wã pekrẽ wã, la a Mugiira (Wẽnd yard be a yĩnga) tẽeg a nusã n na n foog na-wuudã, sẽn na yɩl tɩ Nabiyaamã (Wẽnd pʋʋsg la A tɩlgr be a yĩngɑ) pek a nao a yiibã! Tɩ Nabiyaamã yeel-a (Wẽnd pʋʋsg la A tɩlgr be a yĩngɑ): bas-ba, la f ra yãk b yiibã ye, tɩ ad mam kẽesa m nao a yiibã na-wʋʋdẽ wã, tɩ mam yaa yɩlgemde, tɩ Nabiyaamã (Wẽnd pʋʋsg la A tɩlgr be a yĩngɑ) saag a na-wʋʋd a yiibã, n ka pek a nao a yiibã ye.

Hadeeth benefits

  1. Wilgda sãri wã sẽn kõ sor tɩ b tõe n saag na-wʋʋd a yiibã koom yõgb sasa, tɩ koom sã n kao ne rẽg-bila, la sã n mik tɩ yaa sẽn na n so koom rẽg bedr sɑbɑbo, yẽ yaa tɩlae tɩ b pek nao a yiibã.
  2. Saagrã yɩta vugri, ne fo sẽn na n saag ne f nugã, t'ɑ yaa maasre, na-wʋʋdã zugu, yĩngrã, ka tẽngrã ye.
  3. B maana sart tɩ na-wʋʋd a yiibã, yaa tɩ b ningrã yɩ koom sẽn yõg tɩ pid poorẽ, b sẽn pek nao a yiibã koomã yõgbẽ, yaa tɩ na-wʋʋgã me yɩ yɩlenga n lud zĩig ning sẽn yaa tɩlae tɩ b pek naoorẽ wã, la saagrã me yɩ rẽg-bil poorẽ, ka yɩt gεnaabo maa bũmb ning sẽn yaa tɩlae tɩ ned so koom ye. Saagrã leb n yɩ wakat ning sãri wã sẽn yãk toaaga a pʋgẽ, yẽ me yaa raar la yʋngo, tɩ f sã n yaa zĩida, la rasem a tãabo n lagem ne b yʋndã fãa tɩ f sã n yaa so-toagda.
  4. La d rɩkda na-wʋʋd a yiibã n make bũmb fãa sẽn lut nao wã, zĩig ning sẽn yaa tɩlae tɩ pekã, sẽn yaa sʋsetse la sẽn ka rẽ, rẽnd sakdame tɩ d saag-ba.
  5. Wilgda Nabiyaamã (Wẽnd pʋʋsg la A tɩlgr be a yĩngɑ) zʋg-sõngã la a wilgrã, a sẽn gɩdg a Mugiira t'a ra foog a na-wʋʋdã, la a vẽneg n wilg tɩ sababã: yẽ kẽesa b yiibã tɩ b yaa yɩlma; bʋɩl yiñg t'a Mugiira sũurã yõgne la a bãng bʋʋd ning yĩng Nabiyaamã sẽn gɩdg t'a ra foogã.