Yii a Mahmuud ɭbn Lɑbiid nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame: «Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã, Wẽnd yeta dũni yikr raarã, (A Naam yɩ wagell n zẽke), b sã n wa rol nebã b tʋʋmã: kẽng-y neb nins nengẽ yãmb sẽn da maan tɩ b yãt dũni wã, n tʋg n gese rẽ yĩnga yãmb na n pɑɑmɑ rolb b nengẽ bɩɩ?».

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme: Wẽnd Tẽn-tʋʋmã yeelame (Wẽnd pʋʋsg lɑ A tɩlgr be ɑ yĩngɑ): «Yεl a yiib n be nebã pʋgẽ tɩ b yaa kɩfẽnd ne-ba: yaa buud sãbsg lɑ ɑ rõdbo, la b kʋʋr no-bendo».

Yii a Abɩɩ Martadɩn Al-ganawiy nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ra zĩnd-y yaadã zut ye, la y ra pʋʋs n togl-b ye».

Yii a Abɩɩ Ṭalhat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) ɑ yeelame: «Malεgsã ka kẽed zak ning baaga maa nin-naand sẽn be a pʋgẽ ye».

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Malεgsã ka tũud tũud-n-taar ning baaga maa lombr sẽn be beenẽ ye».

Yii a Abɩɩ Hurayra nengẽ, -Wẽnd yard be a yĩnga-, a yeelame, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base ».

Yii a Abɩɩ Hʋrayrat nengẽ, (Wẽnd yard be a yĩnga), a yeelame: Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame: «Wẽnd yeelame:Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye, Mam yambã ka bake n pẽnegd Maam ne naafil-rãmba, halɩ tɩ M bʋ a nonglem, M sã n bʋ a nonglem, M lebgda a wʋmb ningã a sẽn wʋmdã, la a nifr ning a sẽn getã, la a nug ning a sẽn yõkdã, la a naoor ning a sẽn kẽnd ne wã. A sã n kos Maam, M na kõ-a, la a sã n kos Maam gũudum, M na maan-a gũudum, la Mam ka maand maas-maas ne yell Mam sẽn na n maan-a wala M sẽn maagd lɩslaam yõor yãkr ye, a kisa kũumã, tɩ Mam kisg a wẽngã maanego».

Yii a ʿɭrbaaḍ ɭbn Saariya nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yalsa tõnd sʋk raar a yembre, n maan tõnd waazʋ, waazʋ sẽn ta tεka, tɩ sũy rigim a poorẽ, tɩ nintãm wɩdem a poorẽ, tɩ b yeele: Wẽnd Tẽn-tʋʋma, fo maana tõnd Wẽnd-na-wat-ne waazʋ, bɩ f rɩk alkaool ne tõndo. T'a yeele: «M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».

Yii a Abɩɩ Hʋrayrat nengẽ, (Wẽnd yard be a yĩnga) tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame: «Ned ning sẽn tõdg taoor soab pʋgbo, la a welg n bas zamã wã n maan kaalem, ad a kii zɩɩlem kũum, lɑ ned ning sẽn wa n zabdẽ tɩ yaa tap-kaoor sẽn yaa lik tẽngre, n zabdẽ tɩ yaa buud yĩnga, maa a boondame n tʋgd zẽngre, maa a sõngda bu-welsgo, tɩ b kʋ-a, ad yẽnda yaa zɩɩlem kʋʋbo, la ned ning sẽn wa n yi n zabd ne mam poorẽ rãmbã, n kεεd a nin-sõng la a nin-wẽnga, n ka baood n na n welg a sɩd-kõta, n ka pidsd alkaool, ad a soab ka be ne maam la mam me ka be ne-a ye».

Yii a Ma'akal ɭbn Mazny nengẽ -Wẽnd yard be a yĩnga- a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yetẽ: "Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu".

Yii a Ʋmmu salamat nengẽ sẽn yaa muumin-rãmbã ma wã (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame-: «Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge» , tɩ b yeele: d kõn n zab ne-ba? La a yeele: «ayoo, b sã n ket n pʋʋsdame bɩ y ra zab ne-b ye».

Yii a ʿAbdʋllaah ɭbn Mas-Ʋʋd nengẽ, (Wẽnd yard be a yĩnga), yii nabiyaamã nengẽ, (Wẽnd pʋʋsg la A tɩlgr be a yĩngɑ), a yeelame: «Ad na-nɑmbs yã-beed n na n wa zĩndi, la yεl yãmb sẽn ka rate, tɩ b yeele: Wẽnd Tẽn-tʋʋma, la bõe la fo sagend tõnd wakat-kãngɑ? T'a yeele: «kõ-y hakε ning sẽn zao yãmb zugã la y kos Wẽnd ne hakε ning sẽn yɑɑ yãmb rẽndã».