/ Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu

Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu

Yii a Ma'akal ɭbn Mazny nengẽ -Wẽnd yard be a yĩnga- a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yetẽ: "Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu".
B zemsa taab a zugu (A Al-Bʋẖaariy la a Muslim n reeg-a)

Explanation

Nabiyaamã -Wẽnd pʋʋsg la A tɩlgr be a yĩnga- kõta kibare, tɩ ned fãa Wẽnd sẽn maan t'a yaa nebã taoor soaba, zem tɩ yaa naam sẽn gũbgi wala nebã naaba, maa yaa soolem sẽn welge, wala zak soaba, la paga a zakẽ, t'a maan n koeeg a sẽn sõmb n ges b rãmb yellã, n maand-b zambo, n ka maand-b pʋ-peelem, n zεεm b hakε-rãmbã, zem tɩ yaa dĩinã maa yaa dũni wεεngẽ, rẽ yẽnda soab sõmba ne sɩbg-kãngã sẽn yaa wẽnga.

Hadeeth benefits

  1. Ad pʋleng wẽng-kãnga a ka welg toor zalle ne tẽngã naaba la a sõngdbã ye, yaa bũmb sẽn gũbg ned fãa Wẽnd sẽn wa n lʋɩɩs-a nebã taoore.
  2. Bũmb ning sẽn sõmb ne ned ning sẽn wa n be a taoore, sẽn yaa lɩslaambã yelle, bɩ a maan-b pʋ-peelem la a nigd pãnga n maan tʋʋm ning sẽn be a zugã, la a gũus zamb maanego.
  3. Wilgda taoorã yell zɩslem, zem tɩ yaa taoor ning sẽn gũbg nebã fãa gillã, maa tɩ yaa taoor sẽn welge, zem t'a yaa bedr maa a paoodame.