Yii ɑ Gʋndʋb nengẽ -Wẽnd yɑrd be ɑ yĩngɑ- ɑ yeelɑme: M wʋmɑ Nɑbiyɑɑmã (Wẽnd pʋʋsg la A tɩlgr be a yĩnga), tɑoor t'ɑ nɑ pɑ mɑɑn kɑɑlem ne rɑsemɑ nu, t'ɑ yetẽ: « Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã, lɑ mɑm sã n dɑ nɑ n dɩk ned mɑm zãmɑ wã pʋgẽ, m rag n dɩk ɑ Abuu Bɑkr n mɑɑn zoɑ, lɑ sẽn reng-b yãmb tɑoorã b rɑ rɩkdɑ b Nɑbiyɑɑm-dãmbɑ lɑ b nĩn-sõmbsã yɑɑdã n mɑɑnd miisɑ, bɩ yãmb rɑ rɩk yɑɑdã n mɑɑn miisɑ ye, ad mɑm gɩdgdɑ yãmb n yi rẽndɑ».

Yii a Abɩɩ Al-Hayyag Al-asady nengẽ, a yeelame: A Ali ɭbn Abɩɩ Ṭaalib yeela maam: M ka na n tʋms foom bũmb ning yĩnga, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn tʋms maam ne bũmb ningã? Tɩ f ra bas nin-naande rẽndame tɩ f saram-a, la f ra bas yaoog sẽn zẽke, rẽndame tɩ f zẽms a taaba.

Yii a ʿAbdʋllaah ɭbn Al-mus’ʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) yeelame: «Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã.

Yii a ʿɭmraan ɭbn Hʋṣayn nengẽ - Wẽnd yard be a yĩnga-: a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeeleme: «Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga, la ned ning sẽn wa bag-bʋdga n kõ sɩd ne a sẽn yet-a, a soab kɩfla ne bũmb ninga b sẽn sik n kõ a Mohammadã, (Wẽnd pʋʋsg la A tɩlgr be a yĩnga)».

Yii a Anass ɭbn Maalik nengẽ (Wẽnd yard be a yĩnga), tɩ yii Nabiyaamã nengẽ, (Wẽnd pʋʋsg lɑ A tɩlgr be ɑ yĩngɑ) t'a yeelame: «Longr ka be, liu-n-bogr ka be, la ad fa'aal nooma maam», la a yeele, la b yeel yã, yaa bõe la fa'aal (tẽ-sõngã) la a yeel yã: «yaa gom-yɩlenga».

Yii a Zayd ɭbn Haalid ɭbn Algʋhany nengẽ, Wẽnd yard be a yĩnga, a yeelame: Wẽnd Tẽn-tʋʋma, Wẽnd pʋʋsg la A tɩlgr be a yĩnga, pʋʋsa ne bãmba, Fagr yibeoog Pʋʋsgã Hʋdaybiya zĩigẽ wã, la yaa saag sẽn ni yʋngã poorẽ, la Nabiyaamã sẽn wa n sε Pʋʋsgã, a lebg n togla nebã n yeele: “ rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam, la sã n yaa neb nins sẽn yeel-b tɩ tõnd paama saag niib ne Wẽnd kũunã, la A yolsgã, bãmb yaa sẽn kõ sɩd ne Maam, n kɩfl ne ãdsã, la neb nins sẽn yeel tɩ: yaa ãd-kãngã la ãd-kãngã sababo la tõnd paam saagã, bãmb kɩfla ne Maam n kõ sɩd ne ãdse”.

Yii a ʿƲƙbat ɭbn ʿAamir Al-guhaniy nengẽ, (Wẽnd yard be a yĩnga): Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) zama n wa a nengẽ, t'a balem neb a wae wã la a yõk a meng n bas ned a yembrã, tɩ b yeele: yaa Wẽnd Tẽn-tʋʋmã, fo reega neb a wae wã balamgo la f bas yãwã? T'a yeele: «ad a tara tɩ-yodre», t'a kẽes a nugã n tõsg-a, tɩ Wẽnd Tẽn-tʋʋm yaool n reeg a balamgã la a yeele: «ned ning sẽn wa n bob tɩ-yoadã, ad a maana lagem-n-taare».

Yii a Abdʋllaah ɭbn Mas'ʋʋde nengẽ, -Wẽnd yard be a yĩnga-, a yeelame: m wʋma Wẽnd Tẽn-tʋʋmã -Wẽnd pʋʋsg la A tɩlgr be a yĩnga- t'a yetẽ: "Ad Rʋƙɩyya (walem n fʋʋsã) la yoagã bobra la nonglemã tɩtã b yaa lagem-n-taare".

Yii Nabiyaamã pagb sãnda nengẽ (Wẽnd pʋʋsg la A tɩlgr be a yĩnga), tɩ yii Nabiyaamã nengẽ (Wẽnd pʋʋsg la A tɩlgr be a yĩnga) a yeelame: «Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase».

Yii ɑ Ʋmɑr biig nengẽ (Wẽnd yard be b yiibã yĩnga) t'ɑ wʋmɑ rɑo t'ɑ yetẽ: M wẽen ne Alkɑabã, t’ɑ Ʋmɑr biig yeele; Ad pɑ wẽende ne zẽng sẽn pɑ Wẽnd ye, bɑlɑ mɑm wʋmɑ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'ɑ yetẽ: "ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare"

Yii a Abɩɩ Muusa Al-ašʿary nengẽ (Wẽnd yard be a yĩnga), a yeelame: M waa Wẽnd Tẽn-tʋʋm nengẽ (Wẽnd pʋʋsg la A tɩlgr be a yĩnga) ne zãma saar sẽn yaa Madĩin rãmbɑ Al-ašʿaryɩɩmbã zamã pʋgẽ, n rat yʋgma sẽn na zombe, t'a yeele: «m wẽen ne Wẽnde, m ka na n kõ-y tɩ y zombe, mam ka tar bũmb ning m sẽn na n kõ-y tɩ y zomb ye», yẽ poorẽ tɩ tõnd leb n zĩnd Wẽnd sẽn tʋll tɩ d zĩnd tεka, tɩ b wa ne yʋgmã, t'a kɩt tɩ b kõ tõnd yʋgmã a tãabo, la tõnd sẽn wa n na n loogã, sãndã yeela sãndã: Wẽnd ka na n maan tõnd bark ye, tõnd waa Wẽnd Tẽn-tʋʋm nengẽ (Wẽnd pʋʋsg la A tɩlgr be a yĩnga), n wa kot-a t'a kõ-d yʋgma tɩ d zombe, t'a wẽen t'a ka na n kõ-d tɩ d zombe, la a yaool n wa kõ tõnd tɩ d zombe. T'a Abʋʋ Muusa yeele: tɩ tõnd lebg n wa Nabiyaamã nengẽ (Wẽnd pʋʋsg la A tɩlgr be a yĩnga), n togs-a yel-kãngã t'a yeele: «Ka maam n kõ yãmb tɩ y zomb ye, ad yaa Wẽnd n kõ-y tɩ y zombe, ad maam m wẽen ne Wẽnde, (Wẽnd sakr poorẽ) m ka wẽen wẽenego la m neẽ tɩ zẽng sẽn ka rẽnda sõma n yɩɩde, rẽndame tɩ mam yãk m wẽenegã maan-n-rolgã la m maan bũmb ning sẽn yaa sõmã n yɩɩdã».

Yii a Hʋzayfat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame: «Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake"».