/ Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake

Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake

Yii a Hʋzayfat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeelame: «Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake"».
A Abʋʋ Daawʋʋd n togs-a la a An-nasaa'ɩy As-sunan al-kʋbraa wã pʋgẽ la a Ahmad

Explanation

Nabiyaamã (Wẽnd pʋʋsg la A tɩlgr be a yĩngɑ) gɩdgame tɩ lɩslaam yeele: "Wẽnd sã n sak t'a zagl me sake", maa Wẽnd la a zagl sã n sake; la rẽnda yaa tɩ Wẽnd sakrã la A raabã yaa bũmb sẽn ka tar toaag ye, ned baa a yembr me ka lagemd-A rẽ pʋgẽ ye, la rɩk n yeel tɩ "la" a zaglã, wilgdɑme tʋ yẽ soabã lagema Wẽnde, fo zemsa bãmb ne taab tɩ b yaa yembre. La yeele: Wẽnd sã n sak, rẽ poorẽ t'a zagl sake, Rẽnd ɑ mɑɑndɑ yambã sakrã tɩ pʋgd Wẽnd sakrã, ne a sẽn yet "rẽ poorẽ" n leds "la" a zaglã, bala "rẽ poorẽ" wã, yaa sẽn na n pʋge, n leb n yaa sẽn paad poorẽ.

Hadeeth benefits

  1. Wilgdame tɩ yaa haraam tɩ b yeele: " Wẽnd sã n sak tɩ fo sake" la sẽn wõnd rẽndã sẽn yaa gom-biisi sẽn wildg tɩ b tõka ne Wẽnde, bala a bee gom-biisã la goamã lagem-n-taarã pʋgɑ.
  2. Wilgdame tɩ sakdame tɩ ned yeele: "Wẽnd sã n sake, rẽ poorẽ t'ɑ zɑgl sake" la sẽn wõnd rẽnda sẽn yaa yεl nins sẽn tõe n pʋglg ne Wẽnd raabã, tɩ yaa yaoolem, bala bũmb ning b sẽn yεεsda ka be beenẽ ye.
  3. Hadiisã tabendame tɩ Wẽnd raabã beeme, la yambã raabã me beeme, tɩ ad yambã raabã tũudã ne Wẽnd raabã, (A Naam zẽkame).
  4. Wilgdame tɩ gɩdgame tɩ b wa naag bõn-naandsã Wẽnd raabã pʋgẽ, baa tɩ yaa gom-bila.
  5. Yendã sã n loe tɩ yambã raabã la Wẽnd raabã (A Naam yɩ wagelle) yaa yembre, a gũbgrã la a raabã pʋgẽ, maa yambã me tara tʋlsem sẽn welg zalle, yẽnda yaa lagem-n-taar sẽn yaa bedre, la a sã n loe n wãag t'a ka ta Wẽnd rɑɑbã, rẽnd yẽnda yaaa legem-n-ta-bila.