A minɛna marisadi fá la ganawika don Ala diɲɛna a ma a ko: kira ko nɛɛma ni kisi b'a ye : << aw ka na sìgi kaburuw kan, wa aw ka na seli ka ɲɛsi a ma >>.

A minɛna abi hureyirata la Ala diɲɛna a ma: a ko kira ko nɛɛma ni kisi b'a ye: << sitanɛ bɛ na aw dɔlakelen ma a b'a fɔ: jɔn ye danni kɛ tan? jɔn ye danni kɛ tan? F'a b'a fɔ: jɔn ye e tìgi dan? N'a seera o yɔrɔ ma a ka tangaɲini Ala fɛ k'a hakilimajɔ>>.

A minɛna yasari den maakili la Ala diɲɛna a ma a ko: ne y'a mɛ kira da nɛɛma ni kisi b'a ye a b'a fɔ : << jɔn foyi tɛ yen ko Ala bɛ màrafɛn don a ka màrakɔnɔ, a bɛ faatu a faatu don na k'a sɔrɔ a y'u suyɛn, fo Ala ka alijana haramuya a kan >>.

A minɛna ayisa la Ala diɲɛna a ma a ko: ne y'a mɛ kira da kisi b'a ye a bɛ k'a fɔ ne ka nin só n kɔnɔ: << yaa ne tìgi, ni mɔgɔ min bilala ne mànto ka koɲɛ dɔ kuna k'a ye gɛlɛya la see u ma, gɛlɛya kɛ o kan, ni mɔgɔ min bilala ne mànto ka koɲɛ dɔ kuna k'a ye nɔgɔya la see u ma, nɔgɔya k'o ye >>.

A minɛna tamimu na dari ka don Ala diɲɛna a ma ko kira ko kisi b'a ye: << diinɛ ye kɔnɔnanjɛya ye >> anw ko: jɔn ye? A ko: << Ala ye an'a ka gafe n'a ka ciden ni silamɛw ka ɲɛmɔgɔ ani silamɛ bɛɛ >>.

A minɛna ayisa la Ala diɲɛna a ma a ko: Kira ye ni haya n kalan nɛɛma ni kisi b'a ye: { A le de ye gafɛ jìgì i kan haya bangenenw b'a la olu ye gafe lasulu ye, tɔw bɔlen bɛ ɲɔgɔn ma, mɔgɔ minnu b'a la ni jɛngɛli b'o lu dusukun na ka bɔ tuɲa ma, olu bɛ tugu minnu bɔlen bɛ ɲɔgɔnma de kɔ, bàlawu ni kɔrɔyɛlɛmali boloma, mɔgɔ si t'a kɔrɔdɔn fo n'a kɛra Ala ye ani donni baa jɔnjɔnw, u b'a fɔ an limaniyala a la a bɛɛ bɔra an danbaa de yɔrɔ, mɔgɔ si tɛ waju ni nin ye fo n'a kɛra hakili dùngew ye} [Imurana ka denbaya kofɔ suran 7]. Ayisa ko: kira ko kisi b'a ye: <>.

A minɛna abi saidi la kudirika don Aladiɲɛ a ma a ko: n y'a mɛ kira da nɛɛma ni kisi b'a ye a b'a fɔ: << Ni mɔgɔ min ye ko kɔnnɛ dɔ ye aw la a k'a yɛlɛma n'a tɛgɛ ye, n'a ma sé o la a k'a kɛ n'a nɛn ye, n'a ma sé o la a k'a kɛ n'a dusukun ye, o laban n de ye limaniya la lafulenw ye >>.

A minɛna masuudu fá la madina sigibaa kɔrɔdon Ala diɲɛna a ma a ko: Cɛ dɔ seera kira ma kisi b'a ye a ko: ne ka yɛlɛnkanfɛn sàra dɔ di n ma n bɛ sira dafa ni min ye, kira ko: << fɛn tɛ sɔrɔ ne bolo >>, cɛ dɔ ko: yaa Ala ka ciden, ne bɛ dɔ yira a la min bɛ sɛ k'a dɔ di a ma, kira ko nɛɛma ni kisi b'a ye: << ni mɔgɔ min ye hɛɛrɛko dɔ yiran a kɛ baa ka bàràji ɲɔgɔn bɛ sɛbɛn a ye>>.

A minɛna abasi den na Ala diɲɛna a ma a ko: kira ko kisi b'a ye : (N'i y'i bɔfɛɲɔgɔnya ni kulu min ye i yɛ olu dɔ ye)

A minɛna masuudu den abudala la a ko: kira ko nɛɛma ni kisi b'a ye: << diinɛgɛlɛyalaw halakila>>a y'a fɔ siyɛn sàba.

A minɛna aasi den amuru o den abudala la Ala diɲɛna u ma a ko: n y'a mɛ kira da nɛɛma ni kisi b'a ye: << Ala ye danfɛnw ka latigɛ dan ka kɔn sankolo ni dugukolo danni ɲɛ ni san wa biduuru ye, a ko: k'a sɔrɔ a ka larusu bɛ ji kan >>.

A minɛna masuudu den abudala la Ala diɲɛna a ma : Kira y'a bàro bɔ an ye nɛɛma ni kisi b'a ye, a le de ye tuɲatigiw la tuɲatigiw ye: << k'a fɔ aw dɔlakelen dantɔla bɛ fàra ɲɔgɔn kan a bá kɔnɔ tilebinaani ni subinaani, o kɔfɛ a bɛ kɛ jolikuru ye, o kɔfɛ a bɛ kɛ sògokuru ye, o kɔfɛ mɛlɛkɛ bɛ ci a ma, a bɛ yamaruya ni kumakan naani ye, a b'a garisɛgɛ n'a ka waati n'a ka baara sɛbɛn ani ni kunnango do wali kunandi, o kɔfɛ nin bɛ fiyɛ a la, i k'a dɔn aw dɔlakelen bɛ alijanadenw ka baara kɛ fo foyi tɛ kɛ ani alijana donni cɛ ni nɔngɔɲɛ kelen hakɛ tɛ, a bɛ jahanamadenw ka baara dɔ kɛ a bɛ don tasuma la, i k'a dɔn aw dɔlakelen bɛ jahanamadenw ka baara kɛ fo foyi tɛ kɛ ani tasuma donni cɛ ni nɔngɔɲɛ kelen hakɛ tɛ, a bɛ alijanadenw ka baara dɔ kɛ a bɛ don alijana kɔnɔ >>.