A minɛna aasi den abudala la Ala diɲɛna u ma a ko: kira ko nɛɛma ni kisi b'a ye: << I k'a dɔn limaniya bɛ ɲigin aw dɔlakelen kɔnɔ i n'a fɔ fìnifɛgɛman bɛ ɲigin cogomin, aw ye Ala deli limaniya kurakurali la aw dusukun na >>.

A minɛna abi hureyirata la Ala diɲɛna a ma ko kira ko kisi b'a ye : Jɔn bɛ surunya a tìgi la waati min kɔsɔbɛ o ye a ten turulen tuma min, aw ye Ala weele ka caya>>.

A minɛna ayisa la Ala diɲɛna a ma : K'a fɔ su wo su ni kira tun bɛ taa a da kisi b'a ye a tun b'a tɛgɛkan fila fàraɲɔgɔkan, o kɔfɛ a bɛ tutuli kɛ u la ka Ala ka kumakan kalan : { a fɔ tìgi foyi tɛ yen fo Ala}, ani { a fɔ n bɛ tànga ɲini fajirikɛnɛ cibaa màsa fɛ }, ani { N bɛ tanga ni mɔgɔw danbaa fɛ }, o kɔfɛ a b'a farikolo dosi n'u ye a sé damayira la, a b'a daminɛ a kunkolo sanfɛla la ani ɲɛda ani farikolo kuntelenna, a b'o kɛ siyɛn sàba.

A minɛna jundubu den na samurata Ala diɲɛna a ma a ko: kira ko nɛɛma ni kisi b'a ye : << kuma min kadi Ala ye kosɛbɛ o ye naani ye: sanuya bɛ Ala ye, tànu bɛ Ala ye, tìgi foyi tɛ yen fo Ala, Ala ka bon, baasi t'a la n'i y'a daminɛ ni ni fɛnfɛn ye >>.

A minɛna ayuba fá la Ala diɲɛna a ma, a y'a minɛ kira la kisi b'a ye a ko : << ni mɔgɔ min ko: tìgi foyi tɛ yen fo Ala a kelen do diɲɛɲɔgɔn t'a la, màsaya y'a ta ye tànu fana y'a ta ye a le de bɛ fɛn bɛɛ latigɛ, siyɛn tan o bɛ i n'a fɔ mɔgɔ min ye hadamaden naani nínkun kanhɔrɔnya isimayila burujuw la >>.

A minɛna abi hureyirata la Ala diɲɛna a ma a y'a minɛ kira la kisi b'a ye a ko: << kumaden fila u ka fɛgɛn nɛn kan, u ka girin sumalan kɔnɔ, u kadi Ala ye hinɛmàsa: sanuya bɛ màsa belebele ye, sanuya bɛ Ala ye ani tànu >>.

A minɛna abi hureyirata la Ala diɲɛna a ma, a ko kira ko nɛɛma ni kisi b'a ye: << Ni mɔgɔ min ko: Sanuya ni tànu bɛ Ala ye, siyɛn kɛmɛ tile kɔnɔ, o jùrumuw bɛ yàfa hali n'a kɛra bajikanga ɲɔgɔn caaya ye >>

A minɛna maliki wolofa la asari ka dɔn Ala diɲɛna a ma a ko: kira ko kisi b'a ye: Sanuya ye limaniya tilancɛ ye, Alihamudulilahi bɛ baarawsumalan fa,Subuhanalahi ni Alihamudulilahi fila bɛ san ni dugu cɛ fa, Seli ye nɔɔrɔ ye, Sarakati ye dalilu ye,Sabali ye yelen ye, Kurana ye dalilu ye i ye wali i kan, Mɔgɔ bɛɛ ye soli ka wilila ye k'a yɛrɛkun feere,k'a yɛrɛ kanhɔrɔnya wali ka yɛrɛ ɲankata.

A minɛna abi hureyirata la Ala diɲɛna a ma a ko: kira ko nɛɛma ni kisi bɛ a ye : << ne k'a fɔ : sanuya bɛ Ala ye, tànu bɛ Ala ye, má foyi tɛ yen fo Ala, Ala ka bon, o kadi ne ye ka tɛmɛ tile bɛ kɔrɔta fɛn min kan >>.

A minɛna jabiri la Ala diɲɛna a ma a ko: n y'a mɛ kira da nɛɛma ni kisi b'a ye a ko: << Alakofɔ la fusamanci ye: má si tɛ yen fo Ala, duwawu la fusamanci ye: tànu bɛ Ala ye>>.

A minɛna hakimi denmusola kawulata, sulami ka don, a ko: ne y'a mɛ kira da kisi b'a ye a bɛ k'a fɔ: << ni mɔgɔ min jìgina jìginyɔrɔ dɔ la o kɔfɛ k'a fɔ: n bɛ tànga ɲini Ala fɛ n'a ka kumakan dafalenw ye ka bɔ a ka danfɛn tɔɔrɔ ma, foyi tɛ o tigi tɔɔrɔ f'a ka bɔ o yɔrɔ la >>.