A minɛna masuudu den na Ala diɲɛna a ma a ko Nabiɲuman ko kisi b'a ye: << Alijana ka surun aw dɔlakelen na ka tɛmɛ a ka samara juru kan, tasuma fana b'o cogo la >>

A minɛna abi hureyirata la Ala diɲɛna a ma a ko kira ko nɛɛma ni kisi b'a ye : << jahanama da suturala ni nege kow de ye, wa alijana da suturala ni nín kɔn kow de ye >>.

A minɛna abi hureyirata ma Ala diɲɛna a ma, a y'a minɛ kira la kisi ni nɛɛma b'a ye a ko: Tuma min Ala ye alijana ni jahanama dan a ye jibirila ci kisi b'a ye ka taa alijana la, a ko: taa a lajɛ ani n ye min labɛn a dùngew ye. A taara a lajɛ ka segin, a ko: n kalenna i bonya la mɔgɔ si tɛ ni komɛ k'a tɛ don a kɔnɔ. Ala ye yamaruya di k'a lamini ni gɛlɛyaw ye, o kɔfɛ Ala ko: taa a lajɛ ani n ye min labɛn a dùngew ye. A taara a lajɛ, k'a sɔrɔ a laminina ni gɛlɛyakow ye, a ko: n kalenna i bonya la, ne jɔrɔla ni mɔgɔ bɛ sɛ ka don a kɔnɔ. Ala ko: taa i ka taa tasuma lajɛ ani n ye min labɛn a dùngew ye. A taara a lajɛ k'a sɔrɔ tasuma bɛ ka yɛlɛn ɲɔgɔn kan, a seginna o kɔfɛ a ko: n kalenna i ka bonya la n ma d'a la ni mɔgɔ bɛ don ni kɔnɔ. Ala ko: segin ka taa a lajɛ, a seginna k'a lajɛ a y'a sɔrɔ a laminina ni nin diyaɲɛkow ye, a segin na, o kɔfɛ a ko: n kalenna i bonya la, ne jɔrɔla ni mɔgɔ bɛ sɛ ka kisi ni ma >>.

A minɛna abi hureyirata ma Ala diɲɛna a ma ko kira ko kisi b'a ye: << aw ka tasuma ye jahanama tasuma fànbiwolonfila fàn dɔ de ye >>, a fɔra: yaa alakira, k'a sɔrɔ duniya ta n bɛ wàsa kɛ. A ko: << kalaya bi wɔɔrɔ ni kɔnɔtɔn de bɛ fàra a kan u kelen bɛɛ bɛ i ko duniya ta >>

A minɛna abi hureyirata la Ala diɲɛna a ma a ko : Kira ko nɛɛma ni kisi b'a ye a binaacɛ ma:<>, a ko: ni kurasi kabila ka lebuli tun tɛ, k'a fɔ: siran de y'a bila ni fɔli la n tun b'i sàgo kɛ. Ala ye haya jìgin : { e tɛ mɔgɔ kanda min y'i diya n ka Ala de bɛ mɔgɔ kanda min y'a diya} [Kisaw lakalen suran: 56].

A minɛna amuruden abudala la Ala diɲɛna u ma a ko: kira ko nɛɛma ni kisi b'a ye: << ne ka jifolon ye kalo kelen taama ɲɔgɔnna de ye, a ji jɛlen ni nɔnɔ ye, wa a kasa ka di ni latikolon misiku ye, a solilan ye dolow caya hakɛ ye, ni mɔgɔ min y'a min o tɛ minɔgɔ tuguni >>.

A minɛna saidi wolofa la kudirika don Ala diɲɛna a ma a ko: kira ko nɛɛma ni kisi b'a ye: << nà bɛ kɛ ni sàya ye kiyama sàgajigijɛman sawura la fiman bɛ min na, weelelikɛla bɛ weeleli kɛ: yaa alijana dùngew, u b'u kan jan ka filɛli kɛ, a b'a fɔ: yali aw bɛ ni dɔn wa? U b'a fɔ: a wɔ, sàya de don, u bɛɛ y'a ye tuɲa yɛrɛ la, o kɔfɛ a bɛ weeleli kɛ: yaa tasuma dunkew, u b'u kan jan ka filɛli kɛ, a b'a fɔ: yali aw bɛ nin dɔn wa? U b'a fɔ: a wɔ,a b'a fɔ sàya de don, wa u bɛɛ y'a ye, a bɛ kantigɛ o kɔfɛ k'a fɔ: yaa alijana dùngew duumɛli b'aw ye sàya tɛ yen, yaa tasuma dunkew duumɛli b'aw ye sàya tɛ yen, o kɔfɛ kira ko: { u ladi nimisa don na tuma min kow bɛɛ bɛ ban k'a sɔrɔ u ɲinannen do} u bɛ ɲina la duniyamɔgɔw { u tɛ limaniya} [Mariyama kofɔ suran 39] >>

A minɛna katabi den Umaru la kisi b'a ye a ko: k'a y'a mɛ kira da nɛɛma ni kisi b'a ye : << n'aw tun b'aw jìgìsɛmɛ Ala la jìgìsɛmɛ yɛrɛyɛrɛ la, a tun n'aw garisɛgɛ i n'a fɔ a bɛ kɔnɔ garisɛgɛ cogomin,a kɔngɔtɔ bɛ soli ka bɔ ka segin wula fɛ a kɔnɔ falen >>.

A minɛna zari wolofa la Ala diɲɛna a ma: A minɛna kira la nɛɛma ni kisi b'a ye a bɛ min lakalen ka bɔ Ala yɔrɔ barika màsakɔrɔtalen a ko: << yaa ne ka jɔnw ne ye tɔɲɔni haramuya n yɛrɛkan, n y'a kɛ aw yɛrɛdamaw ni ɲɔgɔncɛ haramu ye, aw kana ɲɔgɔn tɔɲɔ, ne ka jɔnw aw bɛɛ fililen foni ne ye min kanda, aw ye kanda ɲini ne fɛ n b'aw kanda, ne ka jɔnw aw bɛɛ ye kɔngɔ tɔ ye fo ni ne ye min ladumuni, aw ye dumuni ɲini n fɛ n b'aw la dumuni,ne ka jɔnw aw bɛɛ lankolon do foni ne ye min fìnitigiya, aw ye fìni ɲini ne fɛ n b'aw fìnitigiya, ne ka jɔnw aw bɛɛ bɛ fili su ni tile ne bɛ yaafa jùrùmu bɛɛ ma, aw ye ne yaafa deli n bɛ yaafa aw ma, ne ka jɔnw, aw tɛna tɔɔrɔ ko kɛ k'o bɛ ne sɔrɔ, wa aw tɛna nàfa ko kɛ k'o bɛ ne nàfa, ne ka jɔnw ni aw fɔlɔmɔgɔw ni labanmɔgɔw ni hadamadenw ni jinɛw aw la n'olu kɛra cɛ kelen dusukun na o tɛ foyi bɔ ne ka màsaya la, ne ka jɔnw ni aw fɔlɔmɔgɔw ni labanmɔgɔw ni hadamadenw ni jinɛw aw la n'olu bɛɛ jɔra yɔrɔ kelen ka ne deli ko n y'u bɛɛ ka ka ɲinifɛn d'u ma o tɛ foyi bɔ ne ka sɔnni na fo n'a kɛra miseli bɛ min ta n'a sura kɔkɔji la o ɲɔgɔn dɔrɔn, ne ka jɔnw nin ye aw ka baaraw de ye n bɛ mun jàte aw ye o kɔfɛ k'aw sàra a la, ni mɔgɔ min ye hɛɛrɛ sɔrɔ o ka Ala tànu, ni mɔgɔ min y'o tàna sɔrɔ o kana mɔgɔsi jàlaki fo n'a kɛra a yɛrɛbakun ye >>.

A minɛna Musa fá la Ala diɲɛna a ma a ko: kira ko nɛɛma ni kisi b'a ye: << i k'a dɔn Ala bɛ tɔɲɔnikɛla kɔnɔ, fo n'a y'a minɛ a tɛ kila a la>> a ko: o kɔfɛ kira ye kurana haya kalan: << { i tìgi ka minɛli bɛ o cogo de la, n'a ye dùgumɔgɔw minɛ k'a sɔrɔ u bɛ tɔɲɔni na, i ka dɔn a ka minɛli ka gɛlɛn dimi b'a nɔfɛ}>> [hudu kofɔ suran: 102].

A minɛna abasi den na Ala diɲɛna u fila ma a ko: A minɛna kira la nɛɛma ni kisi b'a ye a bɛ min lakalen ka bɔ a tìgi yɔrɔ sebaaya bɛɛ tigi , a ko: Ala ko:<< Ala ye ɲuman ni juguman sɛbɛn, o kɔfɛ k'a bange, ni mɔgɔ min hamina ni ɲuman ye a ma sé k'a waleya Ala bɛ ɲuman kelen dafalen sɛbɛn a ye, n'a hamina a la k'a waleya Ala bɛ ɲuman tan sɛbɛn a ye k'a jiidi fo kɛmɛ wolonwula nɔgɔn, ka see jiidili caman ma o cogo la, ni mɔgɔ min hamina ni kojugu ye a m'a kɛ Ala bɛ ɲuman kelen dafalen sɛbɛn a ye, n'a hamina n'a ye k'a waleya Ala bɛ juguman kelen dɔrɔn de sɛbɛn a ye >>

A minɛna masuudu den na Ala diɲɛna a ma, a ko: Cɛ dɔ ko: yaa Ala ka ciden, an ye min waleya kodɔnbaliya waati an bɛ minɛ n'o ye wa? A ko: <>.