Kira ye ni haya n kalan kisi b'a ye: {A le de ye gafɛ jìgì i kan haya bangenenw b'a la olu ye gafe lasulu ye, tɔw bɔlen bɛ ɲɔgɔn ma, mɔgɔ minnu b'a la ni jɛngɛli b'o lu dusukun na ka bɔ tuɲa ma, olu bɛ tugu minnu bɔlen bɛ ɲɔgɔn fɛ o de kɔ, bàlawu ni kɔrɔyɛlɛmali boloma, mɔgɔ si t'a kɔrɔdɔn fo n'a kɛra Ala ye ani dɔnni baa jɔnjɔnw, u b'a fɔ an limaniyala a la a bɛɛ bɔra an danbaa de yɔrɔ, mɔgɔ si tɛ waju ni nin ye fo n'a kɛra hakili dùngew ye}, Ala ka kibaruyali kɛ k'a fɔ a le de ye kurana jìgin a ka Nabiɲuman kan,kiti walawalalen bɛ min kɔnɔ, a kiiti dɔnnen do ɲagami t'a la, o de ye kurana lasulu ye ani seginyɔrɔ, seginyɔrɔ don fɔnkɔɲɔgɔya waati la, haya wɛrɛw b'a la o kɔrɔ bɛ sɛ ka táli kɛ caman na, a laɲini bɛ ɲagami dɔw ma, wali a le b'a bìsìgi k'u kɔrɔ bɛ fɔ ɲɔgɔn kɔ, o kɔfɛ Ala ye mɔgɔw ka baara kɛcogo ɲɛfɔ ni haya suguya nin nuw la, minnu b'a la ni jɛngɛli b'olu dusukunna ka bɔ tuɲa ma olu bɛ haya walawalalen to yen, min kɔrɔ bɔlen bɛ ɲɔgɔn ma k'o ta, u b'o kɛ laɲagamini jɛnsɛni kaman ani ka mɔgɔw la fili, ani k'a fàsari u nin dìɲɛkow la, n ka dɔnnibaa sàbatilenw olu bɛ haya bɔleɲɔgɔnfɛ ninnu dɔn, u b'a segin ka taa walawalalen ma, u bɛ limaniya a la ani k'a bɔra kɔrɔtalen tigi Ala de yɔrɔ sanuya b'a ye, a tɛ sɛ k'a ɲagami wali ka fɔ ɲɔgɔnko, n ka mɔgɔsi tɛ o dɔn wali ka waaju n'a ye fo n'a kɛra hakilimaw ye. O kɔfɛ kira ko kisi b'a ye limaniyajɔnw bá ma ayisata ma Ala diɲɛna a ma k'a fɔ n'a ye mɔgɔw ye u bɛ tugu hayaw minnu bɔlen bɛ ɲɔgɔn fɛ de kɔ, Ala y'olu de kofɔ a ka haya kɔnɔ ko { mɔgɔ minnu b'a la ni jɛngɛli b'o lu dusukun na} aw y'aw kɔlɔsi u la aw kana u lamɛn.