/ “Adamọ marun-un lo jẹ: Dida abẹ ati fifa irun abẹ ati gige tubọmu ati gige awọn èékánná ati fifa irun abiya”

“Adamọ marun-un lo jẹ: Dida abẹ ati fifa irun abẹ ati gige tubọmu ati gige awọn èékánná ati fifa irun abiya”

Lati ọdọ Abu Huraira- ki Ọlọhun yọnu si i- o sọ pe: Mo gbọ́ ti Anabi- ki ikẹ Ọlọhun ati ọla Rẹ maa ba a- n sọ pe: “Adamọ marun-un lo jẹ: Dida abẹ ati fifa irun abẹ ati gige tubọmu ati gige awọn èékánná ati fifa irun abiya”.
Ohun ti wọ́n fi ẹnu kò lé lórí ni

Àlàyé

Anabi- ki ikẹ Ọlọhun ati ọla Rẹ maa ba a- ṣàlàyé pe awọn iwa marun-un kan n bẹ ninu ẹsin Isilaamu ati ninu sunnah awọn ojiṣẹ: Akọkọ nibẹ ni: Dida abẹ, oun ni gige awọ ti o lekun lori nnkan ọmọkunrin lori adenderi, ati gige ori awọ ti o wa lori oju ara obinrin lori aye ibi ti nnkan ọmọkunrin maa n wọle si. Ikeji nibẹ ni: Fifa irun abẹ, oun ni irun oju ara ti o wa ni àyíká oju ara. Ikẹta nibẹ ni: Gige tubọmu, oun ni gige nnkan ti o hù jade lori ete ọkunrin oke nibi ti ete ti maa hàn. Ikẹrin nibẹ ni: Gige awọn èékánná. Ikarun-un nibẹ ni: Gige irun abiya.

Hadeeth benefits

  1. Àwọn sunnah awọn ojiṣẹ ti Ọlọhun nífẹ̀ẹ́ si wọn ti O si yọnu si wọn ti O si pa wa láṣẹ pẹlu wọn, wọn n pepe lọ si ibi pipe ati mimọ ati ẹwa.
  2. Ṣíṣe àwọn nǹkan yii láti ìgbà dégbà jẹ nnkan ti wọn ṣe lofin, ti a ko si gbọdọ gbàgbé wọn.
  3. Àwọn anfaani ti aye ati ti ọrun n bẹ fun awọn iwa yìí, ninu wọn ni: Titun ìrísí ṣe, ati mimọ ara, ati pipalẹmọ fun imọra, ati yiyatọ si awọn alaigbagbọ, ati mimu àṣẹ Ọlọhun ṣẹ.
  4. Wọn darukọ alekun awọn iwa naa ti wọn yatọ si awọn maraarun-un yii ninu awọn hadiisi miran, gẹgẹ bii: Dida irùngbọ̀n sì, ati rirun pako, ati eyi ti o yatọ si wọn.