/ Ẹni ti o ba pepe lọ si ibi imọna, iru awọn ẹsan ti o n bẹ fun ẹni ti o ba tẹle e, maa wa fun un ninu ẹsan, ti ìyẹn ko nii din nnkan kan ku ninu awọn ẹsan wọn

Ẹni ti o ba pepe lọ si ibi imọna, iru awọn ẹsan ti o n bẹ fun ẹni ti o ba tẹle e, maa wa fun un ninu ẹsan, ti ìyẹn ko nii din nnkan kan ku ninu awọn ẹsan wọn

Lati ọdọ Abu Huraira- ki Ọlọhun yọnu si i- dajudaju ojiṣẹ Ọlọhun- ki ikẹ Ọlọhun ati ọla Rẹ maa ba a- sọ pé: "Ẹni ti o ba pepe lọ si ibi imọna, iru awọn ẹsan ti o n bẹ fun ẹni ti o ba tẹle e, maa wa fun un ninu ẹsan, ti ìyẹn ko nii din nnkan kan ku ninu awọn ẹsan wọn, ati pe ẹni ti o ba pepe lọ si ibi anu, iru awọn ẹṣẹ ti o n bẹ fun ẹni ti o ba tẹle e, maa wa fun un ninu ẹṣẹ, ti ìyẹn ko nii din nnkan kan ku ninu awọn ẹṣẹ wọn".
Muslim gba a wa

Àlàyé

Anabi- ki ikẹ Ọlọhun ati ọla Rẹ maa ba a- ṣàlàyé pe dajudaju ẹni ti o fi eniyan mọna ti o si tọka ti o si ṣe awọn eniyan lojukokoro lọ sibi oju ọna kan ti ododo ati daadaa n bẹ nibẹ pẹlu ọrọ tabi iṣẹ, iru ẹsan ẹni ti o tẹle e n bẹ fun un laisi pe ìyẹn maa din nnkan kan ku ninu ẹsan olutẹle náà. Ati pe ẹni ti o ba dari ti o si tọka awọn eniyan lọ sibi oju ọna ibajẹ ati aburu, ti ẹṣẹ ati àṣìṣe tabi ti àlámọ̀rí ti ko lẹtọọ n bẹ nibẹ, pẹlu ọrọ tabi iṣẹ, iru ẹṣẹ ẹni ti o tẹle e n bẹ fun un laisi pe ìyẹn maa din nnkan kan ku ninu awọn ẹṣẹ wọn.

Hadeeth benefits

  1. Ọla ti o n bẹ fun ipepe lọ sibi imọna, o kere ni tabi o tobi, ati pe dajudaju olupepe naa, iru ẹsan ẹni ti o siṣẹ n bẹ fun un, ati pe ìyẹn wa ninu titobi ọla Ọlọhun ati pipe ọrẹ Rẹ.
  2. Ewu ti o n bẹ fun ipepe lọ sibi anu, o kere ni tabi o tobi, ati pe dajudaju olupepe náà, iru ẹṣẹ ẹni ti o siṣẹ n bẹ fun un.
  3. Ẹsan wa ninu iran iṣẹ, ẹni ti o ba pepe lọ sibi dáadáa, iru ẹsan ẹni ti o ṣe e n bẹ fun un, ẹni ti o ba si pepe lọ sibi aburu, iru ẹṣẹ ẹni ti o ṣe e n bẹ fun un.
  4. O jẹ dandan fun Musulumi lati ṣọ́ra ki wọn ma baa wo o kọṣe pẹlu dida ẹṣẹ rẹ ni gbangba, ti awọn eniyan si n ri i, nitori pe yoo maa da ẹṣẹ pẹlu ẹni ti o ba kọṣe rẹ, koda ki o ma ṣe e lojukokoro lori ìyẹn.