/ Ẹ yára si awọn iṣẹ daadaa siwaju ki awọn fitina kan ti yio da bii oru ti o ṣokunkun gan o to de,

Ẹ yára si awọn iṣẹ daadaa siwaju ki awọn fitina kan ti yio da bii oru ti o ṣokunkun gan o to de,

Lati ọdọ Abu Hurayra - ki Ọlọhun yọnu si i - dajudaju ojiṣẹ Ọlọhun - ki ikẹ ati ọla Ọlọhun maa ba a - sọ pe: Ẹ yára si awọn iṣẹ daadaa siwaju ki awọn fitina kan ti yio da bii oru ti o ṣokunkun gan o to de, ti ọmọniyan o ji ni mumini ti yio si di alẹ ni keferi, tabi ki o di alẹ ni mumini ki o si ji ni keferi, ti yio ta ẹsin rẹ tori adun aye ti ko nii pẹ tan.
Muslim gba a wa

Àlàyé

Anabi - ki ikẹ ati ọla Ọlọhun maa ba a - n ṣe mumini ni ojukokoro pẹlu yiyara ati pipọ ni ṣíṣe awọn iṣẹ oloore siwaju nínira rẹ ati kiko airoju kuro nibẹ latari dide awọn fitina ati iruju ti yio dena rẹ, ti yio si ṣẹri àwọn kúrò nibẹ, ati pe okunkun kan ni ti o da bi okunkun oru, ti ododo ati irọ maa dapọ nibẹ, ti yio si le fun awọn eeyan lati ṣe iyatọ laarin mejeeji, ati pe latari lile rẹ (fitina) ọmọniyan o nii mọ nǹkan ti o fẹ ṣe, débi pe yio ji ni mumini ti yio si di alẹ ni keferi, tabi ki o di alẹ ni mumini ki o si ji ni keferi, yio fi ẹsin rẹ silẹ fun adun aye ti yio tan.

Hadeeth benefits

  1. Ijẹ dandan didirọ mọ ẹsin, ati yiyara sibi iṣẹ oloore siwaju ki awọn adinilọwọ o to kọdi.
  2. Itọka si itẹlera awọn fitina ti maa n sọni nu ni igbẹyin aye, ati pe bi fitina kan ba ṣe n lọ ni omiran o maa rọpo rẹ.
  3. Ti ẹsin ọmọniyan ba ti lẹ ti o si fi ẹsin silẹ latari awọn alamọri aye gẹgẹbi owo tabi nkan miran, iyẹn o jẹ okunfa yiyẹgẹrẹ rẹ ati gbigbe ẹsin rẹ jusilẹ ati sisa tẹle awọn fitina yẹn.
  4. O wa ninu hadīth yii itọka si pe dajudaju awọn iṣẹ oloore okunfa ọla ni wọ́n jẹ nibi awọn fitina.
  5. Awọn fitina ipin meji ni: Awọn fitina awọn iruju, iwosan rẹ ni imọ, awọn fitina awọn adun, iwosan rẹ ni igbagbọ ati suuru.
  6. O wa ninu hadīth yii itọka lórí pe dajudaju ẹni ti iṣẹ rẹ ba kere fitina o yara de ọdọ rẹ, ati pe ẹni ti iṣẹ rẹ ba pọ ki o ma gba ẹtan pẹlu nkan ti n bẹ lọdọ rẹ bi ko ṣe pe ki o tun wa alekun.