/ Eemọ ni alamọri mumini, dajudaju gbogbo alamọri rẹ oore ni, iyẹn o si si fun ẹnikankan ayaafi mumini

Eemọ ni alamọri mumini, dajudaju gbogbo alamọri rẹ oore ni, iyẹn o si si fun ẹnikankan ayaafi mumini

Lati ọdọ Suhayb - ki Ọlọhun yọnu si i - o sọ pe: Ojiṣẹ Ọlọhun - ki ikẹ ati ọla Ọlọhun maa ba a - sọ pe: «Eemọ ni alamọri mumini, dajudaju gbogbo alamọri rẹ oore ni, iyẹn o si si fun ẹnikankan ayaafi mumini, ti idunu ba ṣẹlẹ si i yio dupẹ, ti yio si jẹ oore fun un, ti inira ba si tun ṣẹlẹ si i yio ṣe suuru, ti yio si tun jẹ oore fun un».
Muslim gba a wa

Àlàyé

Anabi - ki ikẹ ati ọla Ọlọhun maa ba a - n ṣe eemọ nipa ọrọ mumini ati awọn iṣesi rẹ ni ti daadaa; ìyẹn ni pe gbogbo ìṣesí rẹ patapata ni oore, ti ìyẹn o si si fun ẹnikankan ayaafi mumini; Ti daadaa ba ṣẹlẹ si i yio dupẹ fun Ọlọhun lori rẹ; ti yio si gba ẹsan pẹlu ọpẹ dida, Ti inira ba si tun ṣẹlẹ si i yio ṣe suuru ti yio si tun retí ẹsan lọdọ Ọlọhun, ti yio si tun gba ẹsan suuru, nitori naa inu ẹsan ni o wa ni gbogbo ìṣesí rẹ.

Hadeeth benefits

  1. Ọla ti n bẹ fun imaa dupẹ lori idunnu ati ṣiṣe suuru lori inira, ati pe ẹni ti o ba ṣe ìyẹn yio ri ẹsan aye ati ọjọ ikẹyin, ati pe ẹni ti ko ba dupẹ lori idẹra, ti ko sì ṣe suuru lori adanwo, ẹsan ti bọ fun un, ti ẹṣẹ si ti wa fun un.
  2. Ọla ti n bẹ fun igbagbọ, ati pe dajudaju gbigba ẹsan nibi gbogbo ìṣesí ko si fun ẹnikankan ayaafi awọn onigbagbọ.
  3. Idupẹ nigba idunnu ati ṣiṣe suuru lori adanwo ninu awọn iwa awọn olugbagbọ ni o wa.
  4. Nini igbagbọ si akọsilẹ Ọlọhun ati kadara Rẹ yio maa jẹ ki mumini o maa yọnu tan yan-an-yan lori gbogbo ìṣesí rẹ, yatọ si ẹni ti kii ṣe mumini ti yio maa binu ni gbogbo igba nígbà tí inira ba ṣẹlẹ si i, ti o ba tun ri idẹra lati ọdọ Ọlọhun ti O biyi ti O gbọnngbọn yio ko airoju pẹlu rẹ kuro nibi itẹle aṣẹ Ọlọhun, ka mai tii sọ lilo o sibi ìyapa Ọlọhun.