/ Ẹ fi mi sílẹ̀ lópin ìgbà tí mo ba fi yin sílẹ̀, dajudaju nnkan ti o pa awọn ti wọn ṣáájú yin run ni ibeere wọn ati iyapa wọn si awọn anabi wọn

Ẹ fi mi sílẹ̀ lópin ìgbà tí mo ba fi yin sílẹ̀, dajudaju nnkan ti o pa awọn ti wọn ṣáájú yin run ni ibeere wọn ati iyapa wọn si awọn anabi wọn

Lati ọdọ Abu Huraira- ki Ọlọhun yọnu si i- lati ọdọ Anabi- ki ikẹ Ọlọhun ati ọla Rẹ maa ba a- o sọ pe: "Ẹ fi mi sílẹ̀ lópin ìgbà tí mo ba fi yin sílẹ̀, dajudaju nnkan ti o pa awọn ti wọn ṣáájú yin run ni ibeere wọn ati iyapa wọn si awọn anabi wọn, ti mo ba kọ nnkan kan fun yin ẹ jinna si i, ti mo ba pa yin láṣẹ àlámọ̀rí kan ẹ mu u wa de ibi ti ikapa yin ba mọ".
Ohun ti wọ́n fi ẹnu kò lé lórí ni

Àlàyé

Anabi- ki ikẹ Ọlọhun ati ọla Rẹ maa ba a- dárúkọ pe dajudaju awọn idajọ ti Sharia pin si awọn ipin mẹta: Nnkan ti wọn dakẹ lori rẹ, ati awọn nnkan ẹkọ, ati awọn àṣẹ. Akọkọ: Oun ni nnkan ti ofin dakẹ nipa rẹ: Pe ko si idajọ, ati pe dajudaju ipilẹ nibi awọn nnkan ni aijẹ dandan; Ṣugbọn ni igba aye rẹ- ki ikẹ Ọlọhun ati ọla Rẹ maa ba a- gbigbe ibeere ju silẹ nipa nnkan kan ti ko ṣẹlẹ̀ jẹ dandan ni ti ipaya ki ijẹ dandan tabi ṣíṣe ni èèwọ̀ ma sọkalẹ nipa rẹ, dajudaju Ọlọhun fi i kalẹ ni ti ikẹ fun awọn ẹru, Ṣùgbọ́n lẹyin iku rẹ- ki ikẹ Ọlọhun ati ọla Rẹ maa ba a- ti ibeere ba jẹ láti béèrè nipa idajọ ẹsin, tabi lati kọ eeyan ni nnkan ti wọn n bukaata si ninu àlámọ̀rí ẹsin, o lẹtọọ, bi ko ṣe pe o jẹ nnkan ti wọn pa wa láṣẹ pẹlu rẹ, ṣùgbọ́n ti o ba jẹ ọ̀nà láti béèrè ni tipátipá ni, oun ni a gba lero pẹlu gbigbe ibeere ju silẹ nipa rẹ ninu hadiiisi yìí; ìyẹn ri bẹ́ẹ̀ nitori pe o le ja si iru nnkan ti o ṣẹlẹ̀ si awọn ọmọ Ísírẹ́lì, ti wọn pa wọn láṣẹ pe ki wọn du màlúù kan, ka ni pe wọn du èyíkéyìí màlúù ni, wọn ti mu àṣẹ naa ṣẹ, ṣùgbọ́n wọn le koko wọn si le koko mọ wọn. Ikeji: Awọn èèwọ̀; àwọn ni: Nnkan ti wọn maa san ẹni ti o ba gbe e ju silẹ lẹ́san, ti wọn maa fi iya jẹ ẹni ti o ba ṣe e, jijinna si gbogbo rẹ jẹ dandan. Ẹlẹẹkẹta: Awọn aṣẹ; àwọn naa ni nkan ti wọn maa san ẹni ti o ba ṣe e ni ẹsan, ti wọn o si jẹ ẹni ti o ba fi i silẹ ni iya, nitori naa o jẹ dandan ki a ṣe ninu rẹ èyí tí agbara ba ka.

Hadeeth benefits

  1. O tọ ki èèyàn máa ko airoju pẹlu nkan ti o pataki julọ ti a bukaata si i, ati gbigbe nkan ti a ko bukaata si lẹsẹkẹsẹ ju silẹ, ki a sì ma maa ko airoju pẹlu bibeere nipa nkan ti ko i tii ṣẹlẹ.
  2. Jijẹ eewọ ibeere ti o ṣeeṣe ki o fa titakoko awọn ọ̀rọ̀ (ibeere), ati sisi ilẹkun awọn iruju sílẹ̀, èyí ti o le fa ọpọ ìyapa.
  3. Ipaṣẹ pẹlu gbigbe awọn nkan ti wọn kọ silẹ; torí pé ko si inira nibi gbigbe e silẹ, tori naa ni kikọ fi jẹ nkan ti o kari.
  4. Ipanilaṣẹ pẹlu ṣiṣe nkan ti wọn pàṣẹ rẹ bi agbara ba ṣe mọ; torí pé inira le wa nibẹ nigba miran tabi ki o kagara lati ṣe e; fun idi eyi ni aṣẹ rẹ fi wa lori bi ikapa ba ṣe mọ.
  5. Kikọ kuro n'ibi apọju ibeere, awọn olumọ ti pin ibeere si meji: Ikinni: Eyi ti o ba wa ni ọna ikọnilẹkọọ nipa nkan ti wọn bukaata si ninu alamọri ẹsin, eleyii wọn pàṣẹ rẹ, abẹ rẹ si ni gbogbo ibeere awọn saabe ko si, ikeji: Eyiti o wa ni ọ̀nà ifitipa béèrè , eleyii ni wọn kọ kuro nibẹ.
  6. Ṣiṣe ikilọ fun ijọ yii (ijo Anabi Muhammad) kuro nibi yiyapa Anabi rẹ, gẹgẹ bi o ṣe ṣẹlẹ si awọn ijọ ti o ṣaaju rẹ.
  7. Apọju ibeere nipa nkan ti a ko bukaata si ati ìyapa awọn Anabi okunfa iparun ni, agaga julọ nibi awọn alamọri ti eeyan o lee de ibẹ, gẹgẹ bii: Awọn alamọri ikọkọ ti ko si ẹni ti o mọ ọn ayaafi Ọlọhun, ati awọn iṣesi ọjọ igbedide.
  8. Kikọ kuro nibi bibeere nípa àwọn ọ̀rọ̀ ti o le, Al-Awzā‘i sọ pe: Dajudaju ti Ọlọhun ba gbero lati jẹ ki ẹrú Rẹ pàdánù ibukun imọ, yoo fi awọn ọrọ tii muni ko sínú àṣìṣe si ori ahọn rẹ, mo si ti ri wọn ni ẹni ti o fi n kere julọ ni imọ, Ibnu Wahb naa tun sọ pe: Mo gbọ ti Mālik n sọ pe: Iyanjija nibi mimọ maa n pa imọlẹ mimọ ninu ọkan eeyan.