Ngani jikupitila kwa Abdullah mwanache jwa Mas'ood-Mlungu asangalale najo-wawechete kuti: Jwatulongosolele mtenga jwa Allah chanasa ni utendele ijale kwa jwalakwejo,jwali jwakuwecheta yakuona onape,nambo soni jwakwitichisidwa yakuwecheta yakwe:Nditu chilengedwe cha jwalijose mwa jenu manja chisasonganisidwa m'matumbo mwa mamagwe kwa masiku makumi mcheke kali kadondo ka mesi,soni masiku gane makumi mcheke jili miyasi jekamulane,soni masiku gane makumi mcheke uli mnowu,kaneko akusatumisidwa lilaika kuika kupepelela msimu,nililaika lisalembaga ichidu yakwana mcheche.yakulya yamundu umi wakwe osope,ndawi jakwe jakuwa,masengo gakwe soni nikuti ana waupile kapena walikungu.nditu jwalijose mwa jenu manja mpaka akamule masengo ga wandu wa mtendele nikusigala futu jimo sikati ja jwalakwejo nimtendelewo,nambo buku nikumlongolela jwalakwejo nikamula masengo ga wandu wa ku moto nikuja kwinjila kumotoko,soni jwalijose mwa jenu manja mpaka akamule masengo ga wandu waku moto nikusigala futu jimo sikati ja jwelejo ni motowo,buku nikumlongolela nikamula masengo ga wanndu waku mbepo nikuja kwinjila ku mbepo.»

Ngani jikupitila kwa Abi Huraira-chisangalalo cha Mlungu chijale kwa welewo-wawapikene nganiji kutyochela kwa Mtume jwa Mlungu-chanasa ni utendele wa Mlungu ijaule kwa Mtumejo-wawatite kuti: "Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-kuti ajawule ku Mbepo, Mlungu ni watite kuti: mjaule nkajilole Mbepo nambo soni yanalinganyichisye watakajinjile kweleko. Ni Jubril -utendele uwe pa jwelejo-wapite kujakulola ni wausile,niwatite kuti: ngulumbilila uchimbichimbi wenu! pangali mundu jwampaka apikane ya Mbepo jeleji,nakaweje kuti tachisosa kwinjilako.Mlungu ni walamwile kuti Mbepojo ajisungusye ni ikandu yakusitopa mundu kuipanganya,kaneko Mlungu ni wamtesile Jubril-utendele uwe kwa jwelejo-kuti: mjaule nkalole Mbepo pamo ni yanalinganyichisye watakajinjile ku Mbepoko, niwapite kujakulola,ni wajiweni kuti jisungulisidwe ni masengo gakusitopa (gasagaona mundu usito kugapanganya),ni Jubril-utendele uwe pa jwelejo -watite: ngulumbilila uchimbichimbi wenu! ngwete oga wanti mundu jwalijose nawa akombwele kwinjila ku Mbepoko. Mlungu ni wantesile Jubril-utendele uwe pa jwelejo kuti: mjaule ku Moto ni nkaulole pamo ni ilagasyo yanalinganyichisye watakajinjile kweleko.Ali apite nikulola, wausimene Moto unamkwelana lilamba mbali syosope, ni Jubril-utendele uwe pa jwelejo-waujile kwa Mlungu nikwecheta kuti: ngulumbilila uchimbichimbi wenu! pangali mundu jwatachisosa kwinjilako.Kaneko Mlungu walamwile kuti Motowo ausungusye ni ilako lako(yakunonyela ya umi-sambi) ni wantesile Jubril-utendele uwe pa jwelejo-ajaule nakaulole soni. Ali apite wausimene Motowo usungulisidwe ni yakunonyela ya umi(sambi), ni waujile kwa Mlungu niwawechete kuti: ngulumbilila uchimbichimbi wenu!ngwete oga wanti pangali mundu jutachikulupuka ,nakaweje kuti mundu jwalijose tachijinjilako".

Ngani jikutochela kwa Aisha-chisangalalo cha Mlungu chiwe kwa jwalakwejo watite kuti: Mtume jwa Mlungu-utendele ni chanasa cha Mlungu iwe pa Mtumejo-watite: Mundu jwali jwakutumbilidwa mnope ni Allah nimundu jwasakonda ukangani mnope

Ngani jikutochela kwa Abi Huraira Allah asangalale awo watiti kuti; Jwausidwe mtume chanasa ni utendele wa Allah iwe pa jwelejo,Ichindu itiyikatendekase wand wajinji kwinjila ku mbepo,nimtme jwatite kuti:kumjogopa Allah nindamo syambone soni jwausidwe itiyikatendekase wandu wajinji kwinjila ku moto, niwatite kti pakamwa ni umaliseche

Ngai jikutochela kwa Abu Mussah Al-Ash'ariy-chisangalalo cha Mlungu chijale kwa welewo wawatite kuti:Mtume jwa Mlungu-utendele ni chanasa cha Mlungu iwe pa Mtumejo-jwawechete kuti: «Naga kapolo ali alwasilemo kapena kwende ulendo akasalembedwela yambone sawu mpela pawaji alichenene kapena ali pamlango".

Ngani jikupitila kwa Jabir mwanache jwa Abdullah-Mlungu asangalale nawo wawiliwo- wawechete kuti: Mtume-chanasa ni utendele wa Mlungu iwe pa jwelejo: Nkasinsosa majiganyo nichakulinga kuti m'manyiche sikati ja wandu achalijiganye,kapena kuti nsisyaneje ni isilu kapena nsaguleje malo gakutama gambone ligongo lyakusoma mnope,wachatende yalakweyo nikuti moto ukwalinda.