/ Огоҳ бўлингким, шояд ўз сўрисида суяниб ўтирган одамга мендан битта ҳадис етиб борса: «Биз билан сизларнинг ўртангизда Аллоҳнинг китоби бор...

Огоҳ бўлингким, шояд ўз сўрисида суяниб ўтирган одамга мендан битта ҳадис етиб борса: «Биз билан сизларнинг ўртангизда Аллоҳнинг китоби бор...

Миқдом ибн Маъдийкариб разияллоҳу анҳудан нақл қилинади: «Расулуллоҳ соллаллоҳу алайҳи ва саллам айтадилар: «Огоҳ бўлингким, шояд ўз сўрисида суяниб ўтирган одамга мендан битта ҳадис етиб борса: «Биз билан сизларнинг ўртангизда Аллоҳнинг китоби бор. Унда нимани ҳалол деб топган бўлсак, ўша ҳалолдир. Нимани ҳаром деб топган бўлсак, ўша ҳаромдир», – дер. Ҳолбуки, Аллоҳнинг элчиси соллаллоҳу алайҳи ва саллам ҳаром қилган нарса Аллоҳ ҳаром қилгани каби».
Абу Довуд, Тирмизий ва Ибн Можа ривояти

Шарҳлаш

Ушбу ҳадисда Пайғамбаримиз соллаллоҳу алайҳи ва саллам у кишидан бир ҳадис етиб келса, тўшагида оғанаб олиб: «Орамиздаги барча ишларни ҳал қилиб бергувчи нарса Қуръони каримдир. Унда ҳалол дейилган нарсаларга амал қиламиз, ҳаром нарсалардан эса узоқ турамиз», – деб айтадиган инсонлар замонининг яқинлашганидан дарак бермоқдалар. Сўнгра Расулуллоҳ соллаллоҳу алайҳи ва саллам ўз суннатларида ҳаром қилган ёки таъқиқлаган барча нарсанинг ҳукми Аллоҳ таолонинг китобидаги ҳукмига тенг эканини ва у киши Раббиларидан етказгувчи (элчи) эканларини баёнладилар.

Hadeeth benefits

  1. Суннатни ҳам Қуръон улуғлангани каби улуғлаш ва унга амал қилинганидек амал қилиш.
  2. Пайғамбарга итоат қилиш - Аллоҳ таолога итоат демак, пайғамбарга осий бўлиш - Аллоҳ таолога осийлик, демак.
  3. Суннат шариатимизда ҳужжат эканлиги ҳамда суннатни рад қилиб, инкор қилганларга раддия.
  4. Суннатдан воз кечиб, Қуръонгагина чекланишни даъво қилган кимса, Қуръондан ҳам суннатдан ҳам воз кечган бўлиб ҳисобланади. "Қуръонгагина эргашамиз" деган даъво ёлғон даъво.
  5. Бу ҳодисанинг яқин кунларда бўлиши ҳақида дарак беришлари ва ҳақиқтан бўлиб ўтганлиги Муҳаммад соллаллоҳу алайҳи ва салламнинг пайғамбарликларининг далилидир